மலேசியாவை வென்றது தமிழக அணி

**சிவா** · **சிவா** Mon Feb 08, 2010 1:25 am

திண்டுக்கல்லில் கால்பந்து போட்டி : மலேசியாவை வென்ற தமிழக அணி

திண்டுக்கல் :தமிழ்நாடு கால்பந்து கழக பொன் விழாவிற்கான முதல் சிறப்பு போட்டி, திண்டுக்கல்லில் நடந்தது. இதில், தமிழக அணி 3:0 என்ற கோல் கணக்கில் வென்றது.

தமிழ்நாடு கால்பந்து விளையாட்டு கழக 75 வது ஆண்டு விழாவை முன்னிட்டு தமிழக லெவன் அணியுடன் ,மலேசிய சீலாங்கூர் அணி மூன்று போட்டிகளில் மோதுகிறது.

நேற்று திண்டுக்கல்லில் முதல் போட்டி நடந்தது. இதில் தமிழக அணி 3:0 என்ற கோல் கணக்கில் வெற்றி பெற்றது.கலெக்டர் வள்ளலார் தலைமையில் பரிசளிப்பு விழா நடந்தது.

அமைச்சர் பெரியசாமி பரிசுகளை வழங்கிப் பேசினார். மாவட்ட எஸ்.பி., முத்துச்சாமி, தமிழ்நாடு கால்பந்து கழக தலைவர் கிளிட்டஸ்பாபு, மாவட்ட விளையாட்டு அலுவலர் முருகன் உள்பட பலர் கலந்து கொண்டனர்.

இவ்விரு அணிகளுக்கு இடையே இண்டாவது சிறப்பு போட்டி, பிப்.,12ல் கன்னியாகுமரியிலும், மூன்றாவது போட்டி பிப்.,15ல் சென்னையிலும் நடக்கிறது.