தமிழ்படம்-விமர்சனம்

சசிரேகா · சசிரேகா Tue Feb 09, 2010 5:26 pm

சென்னைக்கு ஓடி வந்து, காதலித்து, ஒரே பாட்டில் பணக்காரனாகி, பி‌ரிந்த குடும்பத்துடன் சேர்ந்து, வில்லன்களை அழித்து மக்கள் மத்தியில் நாயகனாகும் டிபிக்கல் தமிழ் ஹீரோவின் கதை.

லொள்ளு சபாவில் ஒரு படத்தை உல்டா அடிப்பார்கள். இதில் பலப் படங்கள். கதையை நகர்த்தும் காட்சிகள் ஒவ்வொன்றும் பிரபல படங்களின் பிரபல காட்சிகள் என்பதால் படம் நெடுக காமெடி குறுகுறுப்பு.

பாட்டி என்னை கொன்னுடாதே, சென்னைக்குப் போய் நான் பெ‌ரிய ஹீரோவாகணும். கூட்ஸ் வண்டியில என்னைப் போடு, காலையில் கிளம்புற எல்லா கூட்ஸ் வண்டியும் சென்னைக்குத்தானே போகும் என்று கைக்குழந்தை லந்து செய்யும் ஆரம்பக் காட்சிகளிலேயே படத்தின் அனாட்டமி தெ‌‌ரிந்து விடுகிறது. அப்புறம் வருவதெல்லாம் காமெடி சரவெடி.

சிவாவின் பாடிலாங்வே‌ஜ் எந்தக் காட்சிக்கும் பொருந்துகிறது. ஹீரோயின் முன் பரத நாட்டிய அபிநயம் பிடிக்கையில் சி‌ரிப்பில் வயிறு சுளுக்கிக் கொள்கிறது. அந்த டெல்லி கணேஷ் காமெடி... கொலை செய்ய வேண்டிய ஆளிடமே, சார், உங்களுக்கு இன்ட்ரஸ்ட் இல்லையா, கொஞ்சம் கோஆப்ரேட் பண்ணுங்க சார் என்று கெஞ்சுவது காமெடி ரகளை.

ஓபனிங் சாங், பைட் என்று தமிழ் சினிமாவின் எல்லா கிளிஷேக்களையும் கிழித்திருக்கிறார்கள். ஸ்லோ மோஷனில் டீ சர்ட், ‌ஜீன்ஸ் பேண்டுடன் அறிமுகமாகும் எம்.எஸ்.பாஸ்கர், வெண்ணிறாடை மூர்த்தி, மனோபாலா பெ‌ரிதாக ஏதாவது செய்வார்கள் என்று பார்த்தால் அட்மாஸ்பியருக்கு மட்டும் உதவியிருக்கிறார்கள்.

போனில் கடலைப் போட்டு, பிகர் முன்னால் சைக்கிள் ஓட்டுவதுடன் இவர்கள் பணி முடிந்துவிடுகிறது. வாயில் பீப்பி ஊதாமல் வெண்ணிறாடை மூர்த்தி செய்யும் காமெடியும், டபுள் மீனிங்கில் அவர் பேசும் போதெல்லாம் தலையில் கொத்தும் காக்காவும் காப்பாற்றுகிறார்கள். மச்சான், மச்சி என்று இந்த டீம் பரஸ்பரம் மிங்கிளாவது கிச்சு கிச்சு காமெடி.

கமல், ர‌ஜினி உள்பட யாரையும் விட்டு வைக்கவில்லை. என்றாலும் விஜய்க்குதான் முன்னு‌ரிமை. பைட், ஓபனிங் சாங், இந்தப் பாடலைப் பாடியவர் சிவா என்ற கேப்ஸன் எல்லாவற்றிலும் இளைய தளபதியே துலங்குகிறார். என்ன மேட்டருப்பா?

குடும்பத்தைத் தேடி சிவா கிராமத்துக்குப் போனதும் பத்து நிமிடங்களுக்கு நம்மை ராவிவிடுகிறார்கள். எல்லாவற்றுக்கும் சேர்த்து இறுதியில் வரும் பாப் குடும்பப் பாடல் காமெடி ஒத்தடம்.

மொழியில் பிரகாஷ்ரா‌ஜ் சொர்ணமால்யாவிடம், நான் சிபிஐ, லைசென்ஸ் இருக்கா என்று கேட்கும் காட்சியையும் உல்டா செய்திருக்கிறார்கள். ஒ‌ரி‌ஜினலைவிட உல்டாவில் சி‌ரிப்பு டபுளாகியிருக்க வேண்டாம்? மொழி அளவுக்குக்கூட இதில் சுவாரஸியம் இல்லை. அதேபோல் ஆறு ரூபாய் கமிஷனுக்கு ஐம்பது பைசா மிட்டாய் கொடுக்கும் காட்சி.

படத்துக்கேற்ற பின்னணி இசை மற்றும் பாடல்கள். ஒயம சீமா பாடலில் சிவாவின் லாலாக்கு டோல் டப்பிமா எக்ஸ்பிரஷன் நினைக்கும் போதெல்லாம் சி‌ரிப்பை வரவழைக்கும். கஸ்தூ‌ரி குத்துப் பாடலுக்கு ஆடுகிறார். குத்துப் பாடலை மட்டும் நையாண்டியே பண்ண முடியாதா?

பரவை முனியம்மா அளவுக்குக்கூட நாயகிக்கு வாய்ப்பில்லை. வருகிறார், ஆடுகிறார், காணாமல் போகிறார். நாயகியின் தந்தையாக வரும் அழகு சிவாவுக்கு பெண் தர மறுப்பதும், காபி வரும் நேரத்துக்குள் பேப்பர் போட்டு பால் கவர் பொறுக்கி சிவா பணக்காரனாவதும், காமெடி ஹைலைட். பிய்த்து உதறியிருக்கிறார்கள்.

நீரவ் ஷாவின் கேமராவுக்கு தனிப் பாராட்டு. உல்டா அடிக்கும் காட்சிகளுக்கேற்ப இயங்குகிறது இவரது கேமரா. பிரபலமான படங்களை உல்டா செய்வதே சுவாரஸியம்தானே என்று இயக்குனர் நினைத்துவிட்டார் போலிருக்கிறது. பல காட்சிகளில் ஒரு கேரக்டர் பேசும் போது மற்ற கேரக்டர்கள் தேமே என்று பார்த்துக் கொண்டிருக்கின்றன. இன்னும் கொஞ்சம் பட்டிப் பார்த்து டிங்க‌ரிங் செய்திருந்தால் சி‌ரிப்பின் சதவீதம் கூடியிருக்கும். மற்றபடி,

பத்து எபிசோட் லொள்ளு சபாவை மொத்தமாகப் பார்த்த ஃபீலிங்.

நன்றி-‍‍‍வெப்துனியா

**Manik** · **Manik** Tue Feb 09, 2010 5:41 pm

ஹாஹாஹா சரியான காமெடி படம்

mohan-தாஸ் · mohan-தாஸ் Tue Feb 09, 2010 5:42 pm

Manik wrote:ஹாஹாஹா சரியான காமெடி படம்

இது எப்போ

VIJAY · VIJAY Tue Feb 09, 2010 5:59 pm

அப்ப நல்லா இருக்கா?? படத்துக்கு போகணும்...

கலைவேந்தன் · கலைவேந்தன் Tue Feb 09, 2010 6:12 pm

தரக்குறைவான கேம் பிரிண்டில் பார்த்தேன். தெளிவாகப்பார்க்க மனம் ஏங்குகிறது. டெல்லியில் வாய்ப்பில்லையே...!

உண்மையில் கலகலப்பான படம் தான்.

நல்ல சட்டையரிக்கல். (SATIRICAL). பார்க்கலாம்.

நிலாசகி · நிலாசகி Tue Feb 09, 2010 8:54 pm

பத்து எபிசோட் லொள்ளு சபாவை மொத்தமாகப் பார்த்த
ஃபீலிங்.
புன்னகை

**Manik** · **Manik** Tue Feb 09, 2010 9:01 pm

நிலாசகி wrote:பத்து எபிசோட் லொள்ளு சபாவை மொத்தமாகப் பார்த்த
ஃபீலிங்.

உண்மையாவா அப்ப கண்டிப்பா பாக்கனும் இடைவேளைக்கு அப்பறம் நல்லா இல்லைன்னு சொன்னாங்களே எப்படி

Sponsored content · Sponsored content

தமிழ்படம்-விமர்சனம்

தமிழ்படம்-விமர்சனம்

Re: தமிழ்படம்-விமர்சனம்

Re: தமிழ்படம்-விமர்சனம்

Re: தமிழ்படம்-விமர்சனம்

Re: தமிழ்படம்-விமர்சனம்

Re: தமிழ்படம்-விமர்சனம்

Re: தமிழ்படம்-விமர்சனம்

Re: தமிழ்படம்-விமர்சனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக