கலை இயக்குனர் ஆரோக்கியராஜ்

kalaimoon70 · kalaimoon70 Tue 9 Feb 2010 - 4:13

பாரதிராஜா, பாலசந்தருடன் பணிபுரிந்தது த்ரில்லிங்கான அனுபவம் - கலை இயக்குனர் ஆரோக்கியராஜ்

கலை இயக்குனர் ஆரோக்கியராஜ் Img1090509088_1_1

webdunia photo

WD

பாரதிராஜா,
பாலசந்தர் இணைந்து நடிக்கும் ரெட்டச்சுழியின் கலை இயக்குனர் ஆரோக்கியராஜ்.
விரைவில் வெளிவரயிருக்கும் புகைப்படம் படத்துக்கும் இவரே கலை இயக்கம்.
பாரதிராஜா, பாலசந்தர் ஆகியோருடன் பணிபுரிந்தது த்ரில்லிங்கான அனுபவம்
என்று கூறும் அவருடன் ஒரு நேர்காணல்.

பாடல்
காட்சிகளுக்கும், சண்டைக் காட்சிகளுக்கும் அமைக்கப்படும் பிரமாண்ட
அரங்குகளை வைத்தே ஒரு கலை இயக்குனரின் திறமை மதிப்பிடப்படுகிறது. இது
சரியா?

நிச்சயமாக சரி கிடையாது. கதைக்கு எது தேவையோ அதற்கு மீறாமல் கலை இயக்கம் இருப்பதுதான் சரியானது.

புகைப்படத்தின் ஸ்பெஷல் என்ன?

இந்தப்
படத்தில் இன்ஜினியரிங் காலேஜ் ஒன்றின் உள்புறம் மற்றும் வெளிப்புறங்களை
உருவாக்கியிருக்கிறேன். படத்தின் கிளைமாக்ஸ் காட்சிக்காக மயானம் ஒன்றை
செம்பரம்பாக்கம் ஏரி அருகில் அமைத்தோம். ரொம்ப தத்ரூபமாக அந்தக் காட்சி
வந்திருக்கிறது.

படத்தில் தஞ்சாவூர் பக்கம் இருப்பது போன்ற வீடு ஒன்றை உருவாக்கியிருக்கிறீர்களாமே?

ஆமாம்.
தஞ்சாவூர் பக்கமுள்ள ஓடு வேய்ந்த வீடு படத்துக்காக தேவைப்பட்டது. அதை
சென்னையிலேயே உருவாக்கினோம். அதேபோல ஓடு, முற்றம் அனைத்தும். படத்தில்
வீடு தஞ்சாவூரில் இருப்பது போன்றே தெரியும்.

இதுபோல் தத்ரூபமாக உருவாக்கும்போது ரசிகர்கள் அதை நிஜம் என்று நினைக்க வாய்ப்பிருக்கிறது அல்லவா?

கலை இயக்குனர் ஆரோக்கியராஜ் Img1090509088_1_2

webdunia photo

WD

கண்டிப்பாக. இதனால் கலை இயக்குனரின் உழைப்பும், திறமையும் தெரியாமலே போக வாய்ப்புள்ளது.

பொதுவாக
கலை இயக்குனரின் உழைப்பு பேசப்படுவதில்லை. அவர்களின் உருவாக்கம்
ரசிகர்களால் அடையாளம் காணப்படுவதில்லை. இதுபோன்ற சூழலில் தொடர்ந்து
ஈடுபாட்டுடன் பணிபுரிவதற்கான உத்வேகத்தை எப்படி பெறுகிறீர்கள்?

எல்லாவற்றையும்
தாண்டி ஒரு கலைஞனுக்கு உத்வேகம் அளிப்பது அங்கீகாரமும், பாராட்டும்தான்.
அது கிடைக்காதபோது இன்வால்வ்மெண்ட் நிச்சயமாக குறைய‌த்தான் செய்யும். நல்ல
இயக்குனர்கள், நல்ல ஸ்கிரிப்ட் கிடைக்கும்போது அந்த ஏமாற்றம் இல்லாமல்
போகும்.

இந்த
இடத்தில் வேறொன்றையும் குறிப்பிட வேண்டும். ஒரு படத்துக்கு சிரமப்பட்டு
அரங்கு அமைத்திருப்போம். ஏதாவது பிரச்சனையால் படப்பிடிப்பு பாதியில்
நின்றிருக்கும். பிறகு ஒரு மாதம் கழித்தோ, ஆறு மாதம் கழித்தோ மீண்டும் அதே
காட்சியை எடுப்பார்கள். அப்போது அதே அரங்கை, அதே வடிவத்தில் மீண்டும்
உருவாக்க வேண்டும். இது ரொம்ப மோசமான விஷயம். ஒரு படத்தில் இரண்டு படத்துக்கான வேலைகளை செய்ய வேண்டிவரும்.

ரெட்டச்சுழியில் பாலசந்தர், பாரதிராஜாவுடன் பணிபுரிந்த அனுபவம் எப்படி இருந்தது?

இருவருடனும் பணிபுரிந்தது த்ரில்லிங்கான அனுபவம். இரண்டு பேருமே பெரிய இயக்குனர்கள் என்பதால் ஆர்ட் டைரக்சன் குறித்த அவேர்னெஸ் அவர்களுக்கு அதிகம் உண்டு. முதலில் பயமாக இருந்தாலும் பிறகு சகஜமாக பணிபுரிய முடிந்தது.

ரெட்டச்சுழியில் எந்த மாதிரி அரங்குகள் அமைத்திருக்கிறீர்கள்?

அதை இப்போது சொல்வது சரியாக இருக்காது என்று நினைக்கிறேன். கதையின் பிரதான வியத்தை ஒட்டி அந்த அரங்குகள் வருவதால், அதைப் பற்றி கூறுவது படத்தின் கதையை கூறுவது போலாகிவிடும்.

ஆர்ட்
டைரக்ச‌ன் எளிதில் அங்கீகாரம் கிடைக்காத துறை. அப்படியிருந்தும் தோட்டா
தரணி, சாபு சிரில் போன்றவர்கள் தங்களுக்கென்று ஒரு அடையாளத்தை உருவாக்கி
வைத்திருக்கிறார்களே?

அதற்கு
அவர்களுக்குக் கிடைத்த இயக்குனர்களும் ஒரு காரணம். படத்தின் கதை
தயாராகும்போதே அதை சாபுசிரிலிடம் கூறி அபிப்ராயம் கேட்கிறார் இயக்குனர்
ப்ரியதர்ஷ‌ன். அதேபோல்தான் தோட்டா தரணி சாரிடம் கதை பற்றி ஷங்கர் சார்
டிஸ்கஷ‌ன் செய்கிறார். அப்படி ஒரு இயக்குனர் கிடைக்க வேண்டும்.

கிடைத்திருக்கிறார்களா?

கிடைத்திருக்கிறார். புகைப்படம் இயக்குனர் ராஜேஷ்லிங்கம். படத்தைப் பார்க்கும்போது அதனை நீங்கள் உணர முடியும்.

கலை இயக்குனர் ஆரோக்கியராஜ்

கலை இயக்குனர் ஆரோக்கியராஜ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக