அதிவேக பிரவுசர் ஆப்பிள் சபாரி

பிரவுசர் சந்தையில் இன்டர்நெட் எக்ஸ்புளோரரின் ஆதிக்கத்தை ஆப்பரா, மொஸில்லா பயர்பாக்ஸ் மற்றும் கூகுளின் குரோம் சிறிது சிறிதாகக் கைப்பற்றி வரும் இந்நாளில் இன்னும் ஒரு பிரவுசர் இதில் சேர்ந்துள்ளது. அண்மையில் வெளிவந்துள்ள சபாரி பிரவுசர் பதிப்பு 4 இந்த வரிசையில் சேர்ந்து இன்டர்நெட் எக்ஸ்புளோரருக்கு சவால் விட்டுள்ளது.

புதிய சபாரியின் இரண்டு அம்சங்கள் அதனை மற்ற பிரவுசரிலிருந்து தனித்துக் காட்டுகிறது. முதலாவதாக இதன் செம ஸ்பீட். இணையப் பக்கங்கள் வெகுவேகமாக வந்து விழுகின்றன.


பயர்பாக்ஸ் மற்றும் இன்டர்நெட் எக்ஸ்புளோரர் தொகுப்புகளை இந்த விஷயத்தில் பின் வாங்க வைக்கிறது. அதுவும் குறிப்பாக படங்கள் நிறைய உள்ள இணையப் பக்கங்கள் எந்த சிரமமுமின்றி வேகமாக திரைக்கு வருகின்றன.


இதற்குக் காரணம் சபாரி பிரவுசரில் ஜாவா ஸ்கிரிப்டை லாவகமாகக் கையாள ஆப்பிள் தன்னுடைய புதிய நிட்ரோ இஞ்சினைப் (Nitro Engine) பயன்படுத்தவதே ஆகும். புதிய பதிப்பை இந்த வகையில் இன்டர்நெட் எக்ஸ்புளோரர் பதிப்பு 8ன் பீட்டா தொகுப்பு, பயர்பாக்ஸ் 3, குரோம் மற்றும் ஆப்பரா பிரவுசர்களுடன் ஒப்பிட்டுப் பார்க்கையில் இந்த உண்மை தெரிய வந்தது. அதி வேக குரோம் பிரவுசர் கூட இந்த வகையில் சற்று பின் தங்கியது.

இரண்டாவது அம்சம் பிரவுசிங் செய்கையில் சபாரி தரும் தோற்றப் பொலிவு. ஐ–ட்யூன்ஸ் போன்ற தொகுப்புகளில் கிடைக்கும் கண்ணுக்கு இனிய காட்சி தோற்றம் இந்த பிரவுசரில் புக்மார்க் மற்றும் ஹிஸ்டரி ஆகியவற்றைக் கையாள்கையில் கிடைக்கிறது.


ஐ–ட்யூன்ஸ் தொகுப்பில் நம் பாடல்களை செலக்ட் செய்திட அதன் கவர் ஆர்ட் படங்களூடே செல்வது போல இங்கு புக்மார்க் அல்லது ஹிஸ்டரி கையாள்கையில் இணையப் பக்கங்கள் தம்ப் நெயில் படங்களாக அருமையாகக் காட்டப்பட்டு அவற்றின் ஊடே நாம் செல்கிறோம். புக்மார்க்குகள் மற்றும் ஹிஸ்டரி என்ட்ரி அனைத்தும் அவ்வப்போது அப்டேட் செய்யப்பட்டு கிடைப்பது இன்னும் சிறந்த ஏற்பாடாகும். இணையப் பக்கங்களைத் தேர்ந்தெடுக்கும் முன் அவற்றின் ஊடே செல்ல மவுஸின் ஸ்குரோல் வீலைப் பயன்படுத்தும் வசதி தரப்பட்டுள்ளது.


சபாரி மற்ற பிரவுசரில் இருந்தும் சில வசதிகளைத் தருகிறது. குரோம் பிரவுசரில் உள்ளது போல பிரவுசர் டேப்களை இழுத்துச் சென்று (drag and drop) புதிய விண்டோவில் விட்டுவிடலாம். அல்லது சில டேப்களை இணைத்து தொகுப்பாக்கலாம். மற்ற விண்டோஸ் பிரவுசர்களில் உள்ளது போல இங்கும் கண்ட்ரோல் + டி (Ctrl+T)புதிய டேப்பினைத் திறக்கிறது. Ctrl+D ஒரு இணையப் பக்கத்தினை புக் மார்க் செய்கிறது. இதே போல பல கண்ட்ரோல்கள் மற்ற பிரவுசர்களில் உள்ளது போல இருக்கின்றன.

இதில் பிரைவேட் பிரவுசிங் வசதியும் தரப்பட்டுள்ளது. இதன் மூலம் பிரவுஸ் செய்கையில் அவை அனைத்தும் ஹிஸ்டரிக்குச் செல்லாது. இது வெளியே பொதுவான இன்டர்நெட் மையங்களில் பிரவுஸ் செய்கையில் பயன்படும்.


சபாரி பிரவுசரில் பிரவுசிங் செய்திடுகையில் தோன்றும் இணையப் பக்கங்களின் காட்சிகள் கண்ணுக்குக் குளிர்ச்சியாக இருந்தாலும் கம்ப்யூட்டரின் மெமரியை அதிகம் எடுத்துக் கொள்கிறது. ஒரு இணையப் பக்கத்தை வைத்துப் பார்க்கையில் மற்ற பிரவுசர்களைக் காட்டிலும் 50 எம்பி மெமரி கூடுதலாக சபாரி எடுத்துக் கொள்கிறது. எனவே உங்கள் பெர்சனல் கம்ப்யூட்டர் அல்லது லேப் டாப் சக்தி வாய்ந்தது என்றால் சபாரி பிரவுசரைச் சோதித்துப் பார்ப்பதில் தவறில்லை. கண்ணுக்கு அழகான காட்சித் தோற்றங்களால் நீங்கள் கவரப்படவில்லை என்றாலும் இதன் வேகத்தால் நிச்சயம் சபாரி பக்கம் செல்வீர்கள் என்பது உறுதி.

சிவா சா௫க்கு நன்றி.

சிவா சார் பேச்சைக் கேட்டு டவுண்லோட் பண்ணிப் பார்த்தேன்

சபாரி ப்ரௌசர் நல்லா ஸ்பீடா இ௫க்கு.

அதுலயே டவுண்லோட் ஆக்சிலரேட்டர் இ௫க்கு.

அதுவும் நல்லா ஸ்பீடா இ௫க்கு.

Software kuduinga plssssssssss

Raviravi wrote:Software kuduinga plssssssssss

Please click the link

http://www.apple.com/in/safari/download/

சூப்பர் பரௌசர்

naan ippoluthu
ஆப்பிள் சபாரி paavikkiren super

இத யூஸ் பண்ணிப் பா௫ங்க! நல்லா ஸ்பீடா இ௫க்கும்!

arputham

jayaprakaash wrote:arputham

சபாரி தானே