ஆபிஸ் 2003 மைக்ரோசாப்ட் கைவிடுகிறது

**சிவா** · **சிவா** Sun Apr 26, 2009 10:32 am

எம்.எஸ்.ஆபீஸ் 2003 கூட்டுத் தொகுப்பிற்கான முதன்மை உதவிப் பணிகளை ஏப்ரல் 14 முதல் கைவிடுவதாக மைக்ரோசாப்ட் நிறுவனம் அறிவித்துள்ளது. அதே நாளிலிருந்து விண்டோஸ் எக்ஸ்பி தொகுப்பிற்கும் எந்தவிதமான முதன்மை உதவிகளை வழங்குவதனையும் மைக்ரோசாப்ட் நிறுத்துவதாகவும் தெரிவித்துள்ளது. சென்ற செப்டம்பர் 2007ல் இறுதியாக எம்.எஸ்.ஆபிஸ் 2003 மேம்படுத்தப்பட்டது. அதற்கான சர்வீஸ் பேக் 3 அப்போது வெளியிடப்பட்டது.

இவற்றிற்கான உதவி இனி எக்ஸ்டெண்டட் என்ற முறையில் அளவோடு வழங்கப்படும். பொதுவாக மைக்ரோசாப்ட் முதன்மை உதவி சேவையினை முதல் ஐந்து ஆண்டுகளுக்கும் அடுத்த வகை உதவியினை அடுத்த ஐந்து ஆண்டுகளுக்கும் வழங்குவதை வழக்கமாகக் கொண்டுள்ளது. ஆபீஸ் 2003 அந்த ஆண்டு நவம்பரில் வெளியானது. டெவலப்பர்கள் உருவாக்கும் புதிய திட்டங்களுக்கு இதனை வழங்குவதனை 2007 ஆம் ஆண்டிலேயே நிறுத்திவிட்டது.

இவற்றுக்கான முதன்மை சேவை என்பது ஏதேனும் செயல்பாட்டில் பிழை இருப்பின் அதற்கான கோட் மற்றும் பாதுகாப்பில் பிரச்னை இருப்பின் அதற்கான தீர்வுகளைத் தரும் கோட் வழங்குவதாகும். இரண்டாம் நிலை சேவை என்பது இத்தகைய ஒப்பந்தங்களை மைக்ரோசாப்ட் நிறுவனத்துடன் மேற்கொண்டுள்ள நிறுவனங்களுக்கு மட்டுமே வழங்கப்படும்.

மார்ச் இறுதி வாரத்தில் ஆபீஸ் 2003 தொகுப்பில் உள்ள பிரசன்டேஷன் சாப்ட்வேர் தொகுப்பில் உள்ள ஒரு இடத்தைப் பயன்படுத்தி ஹேக்கர்கள் கெடுப்பதாக மைக்ரோசாப்ட் அறிவித்தது. ஆனால் அதற்கான தீர்வினை என்றைக்குள் கொடுக்கப்போகிறது என அறிவிக்கவில்லை. இருப்பினும் இதற்கான தீர்வு கிடைக்கும் என்றே தெரிகிறது. ஆபிஸ் 2003க்கான இரண்டாம் நிலை சப்போர்ட் ஏப்ரல் 8, 2014 வரை கிடைக்கும்.

Guest · Guest Thu Jul 02, 2009 8:18 am

மிகவும் அ௫மையான தகவல் மகிழ்ச்சி

ஆபிஸ் 2003 மைக்ரோசாப்ட் கைவிடுகிறது

ஆபிஸ் 2003 மைக்ரோசாப்ட் கைவிடுகிறது

Re: ஆபிஸ் 2003 மைக்ரோசாப்ட் கைவிடுகிறது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக