தேவகோட்டையில் ருசிகரம்: அசல் படம் இன்று ரிலீஸ் தியேட்டர் முன் கிடாய் வெட்டி பூஜை

**சிவா** · **சிவா** Sun Feb 07, 2010 3:07 am

தேவகோட்டையில் ருசிகரம்: அசல் படம் இன்று ரிலீஸ் தியேட்டர் முன் கிடாய் வெட்டி பூஜை செய்த அஜித் ரசிகர்கள்:

தேவகோட்டை, பிப். 7- நடிகர் அஜித்-சமீரா ரெட்டி, பாவணா நடித்த அசல் திரைப்படம் இன்று தமிழகம் முழுவதும் ரிலீசாகி உள்ளது. இதையொட்டி அஜித் ரசிகர்கள் காலை முதலே தியேட்டர் முன்பு குவிந்தனர். பட்டாசு வெடித்து மகிழ்ச்சி பெருக்குடன் அனைவருக்கும் இனிப்பு வழங்கினர்.

பொதுவாக தங்களது நடிகர்கள் நடித்த படம் ரிலீசாகும் போது கட்ட வுட்டுக்கு பாலாபிஷேகம், மாலை அணிவது வழக்கம். ஆனால் தற்போது அஜித் ரசிகர்கள் கிடாய் வெட்டி பூஜை செய்து உள்ளனர். இந்த ருசிகர சம்பவம் சிவ கங்கை மாவட்டம் தேவ கோட்டையில் நடந்து உள்ளது.

அசல் திரைப்படம் தேவகோட்டையில் உள்ள திருச்சி-ராமேசுவரம் சாலையில் லட்சுமி திரையரங்கில் திரையிடப்பட்டு உள்ளது. படம் தொடங்கும் முதல் காட்சிக்கு முன்பாக ரசிகர்கள் திரையரங்கம் முன்பு ஏராளமானோர் திரண்டனர். அப்போது அங்கு கிடாய் ஒன்றை இழுத்து வந்து வெட்டி பூஜை செய்தனர்.

அதனை தொடர்ந்து கவுன்டரில் டிக்கெட் வழங்கப்பட்டது. இதன் முதல் விற்பனையை நகரசபை துணை தலைவர் பெரி.பாலா தொடங்கி வைத்தார். முதல் டிக்கெட்டை அஜித் ரசிகர் மன்ற மாவட்ட தலைவர் கார்த்திக் பெற்றுக் கொண்டார்.

நிகழ்ச்சியில் கவுன்சிலர் தமிழரசன், முன்னாள் தி.மு.க. அவைத்தலைவர் பிச்சை மைதீன், ஐகோர்ட்டு வக்கீல் சஞ்சய் உள்பட ஏராளமானோர் பங்கேற்றனர்.

kalaimoon70 · kalaimoon70 Sun Feb 07, 2010 4:02 am

தனி மனிதன் வழிபாடு ஒழிதால் ஒழிய,தமிழன் தலை நிமிர இன்னும் காலம் ஆகும்.

antokkuly · antokkuly Sun Feb 07, 2010 4:19 am

நடிகர்கள் யார்?. நாம் கொடுக்கும் பணத்தில் சுகபோகமாக வாழ்பவர்கள்.
அவர்கள் நமக்கு என்ன செய்தார்கள்.
ஏன் தமிழினம் இன்னும் உணரவில்லை?.
இதை உணராதவரை தமிழன் தலை
நிமிர முடியாது.

kalaimoon70 · kalaimoon70 Sun Feb 07, 2010 5:15 am

நம் பிள்ளைகளுக்குப்
பல் முளைக்கும் முன்பே இந்த சினிமா
மீசை முளைக்க வைத்து விட்டது.
இந்த அழுக்குத் திரை
சலவை செய்யப்படுமா?
இல்லையெனில்...
மக்களைச் சுருள வைக்கும்
திரைப்பட சுருளையெல்லாம்
ஒரு தீக்குச்சிக்குத் தின்னக் கொடுப்போம்'
- வைரமுத்து

Sponsored content · Sponsored content

தேவகோட்டையில் ருசிகரம்: அசல் படம் இன்று ரிலீஸ் தியேட்டர் முன் கிடாய் வெட்டி பூஜை

தேவகோட்டையில் ருசிகரம்: அசல் படம் இன்று ரிலீஸ் தியேட்டர் முன் கிடாய் வெட்டி பூஜை

Re: தேவகோட்டையில் ருசிகரம்: அசல் படம் இன்று ரிலீஸ் தியேட்டர் முன் கிடாய் வெட்டி பூஜை

Re: தேவகோட்டையில் ருசிகரம்: அசல் படம் இன்று ரிலீஸ் தியேட்டர் முன் கிடாய் வெட்டி பூஜை

Re: தேவகோட்டையில் ருசிகரம்: அசல் படம் இன்று ரிலீஸ் தியேட்டர் முன் கிடாய் வெட்டி பூஜை

Re: தேவகோட்டையில் ருசிகரம்: அசல் படம் இன்று ரிலீஸ் தியேட்டர் முன் கிடாய் வெட்டி பூஜை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக