பெண் குழந்தைகளைப் பெற்றவர்கள் அவர்களை வளர்ப்பதில் இவ்வாறு கவனம் செலுத்த வேண்டும்.

* பெண் குழந்தை பிறந்ததுமே அதன் உறுப்புகள் அனைத்தும் சரியான வளர்ச்சி யில் இருக்கின்றனவா என்று பார்க்க வேண்டும். முக்கியமாக அதன் அந்தரங்க உறுப்பு வளர்ச்சியில் ஏதேனும் மாற்றங்கள் தென்பட்டால் உடனடியாக மருத்துவரிடம் கேட்டுத் தெளிவுப்படுத்திக் கொள்வது பாது காப்பானது.

* மூன்று வயதிலேயே குழந்தை களுக்கு செக்ஸ் கல்வியைப் புகட்ட ஆரம்பிக்கலாம் என்கிறார்கள் மருத்து வர்கள். செக்ஸ் கல்வி என்றதும் அந்த ரங்க உறவுகளைப் பற்றி சொல்லித்தர வேண்டும் என்று அர்த்தமில்லை. அதன் பாலுறுப்புகள் பற்றி, அவற்றை சுத்தமாக வைத்துக் கொள்ளும் முறைகள் பற்றி சொல்லித் தரலாம்.

* பெண் குழந்தைகளைப் பொறுத்தவரை யில் அவர்களது உடல் வளர்ச்சி, சுற்றுப்புறச் சூழல், சாப்பாட்டு முறைகள் போன்றவற்றைப் பொறுத்து அவர்கள் பூப்பெய்தும் வயது வேறுபடலாம். இந்தக் காலத்துப் பெண் குழந்தைகள் எட்டு வயதிலேயேகூட பூப்பெய்தி விடுகிறார்கள். எனவே பெண் குழந்தையின் தாய், அதற்கு ஆறு, ஏழு வயதிலிருந்தே மாதவிலக்கு என்றால் என்ன, அது வரும்போது என்ன செய்ய வேண்டும், எப்படிச் செயல்பட வேண்டும் என்றெல்லாம் கற்றுக் கொடுக்கலாம். திடீரென மாதவிடாய் ஏற்படும்போது இரத்தத்தைக் கண்டு அவர்கள் பயப்படாமலிருக்கவும், நாப்கின்கள் உபயோகிக்கவும் கற்றுத் தரலாம்.

* பாலியல் வன்முறைகள் பெருகி வரும் காலமிது. எனவே உங்கள் குழந்தையை அழகு பார்க்கும் நோக்கத்தில் அதற்கு அரை குறை ஆடைகளை அணிவிக்காதீர்கள். அதன் உடல் முழுவதையும் மூடும்படியான உடையே அதற்குப் பாதுகாப்பு.

* ஆண்-பெண் நட்பைப் பற்றிய தெளிவை ஆரம்பத்திலேயே உங்கள் பெண் குழந்தைக்கு ஏற்படுத்துங்கள். ஆண்களோடு பழகுவதில் தவ றில்லை என்பதையும், எந்த எல்லை வரை போகலாம் என்பதையும் சொல்லி வையுங்கள். ஆண்களுடனான ஸ்பரிசத்தைத் தவிர்க்கக் கற்றுக் கொடுங்கள். வயதில் மூத்த ஆண் களிடம் பேசும்போது ஜாக்கிரதையாக இருக்க அறிவுறுத்துங்கள். தன்னைத் தவறான எண்ணத்தில் நெருங்கும் ஆணை அடையாளம் காண்பது எப்படி என்று கற்றுக் கொடுங்கள். எக்காரணம் கொண்டும் தன்னை அந்நிய ஆண் கள் தொட்டுப் பேசுவதையோ, முத்த மிடுவதையோ, அரவணைப்பதையோ அனுமதிக்கக் கூடாது என்று சொல்லி வையுங்கள். எதிர்பாராத விதமாக உங்கள் குழந்தை அப்படிப்பட்ட ஆண்களிடம் மாட்டிக் கொண் டாலும் அதை மறைக்காமல் உங்களுக்குத் தெரியப்படுத்தச் சொல்லுங்கள். குழந்தை குற்றம் சாட்டும் நபர் உங்களுக்கு நெருங்கிய உறவினராகவோ, நண்பராகவோ இருந்தாலும் அவர்களைத் தட்டிக் கேட்கவும், தண்டிக்கவும் தயங்காதீர்கள்.