இந்தியாவை விட சம்பளம் குறைவு : துபாயில் டிரைவர்கள் புலம்பல்

இந்தியாவை விட சம்பளம் குறைவு : துபாயில் டிரைவர்கள் புலம்பல்





துபாய் :இந்தியாவை விட துபாயில் டிரைவர்களுக்கு குறைந்த சம்பளமே கொடுக்கப்படுவதாக, துபாயில் உள்ள இந்திய டிரைவர்கள் தெரிவித்துள்ளனர்.

துபாயில் வேலை செய்தால் அதிகம் சம்பாதிக்கலாம் என்ற ஆசையில், இந்தியர்கள் பலர் வீட்டை விற்றும், தனது மனைவியின் நகைகளை விற்றும் தரகர்கள் மூலமாக விசா பெற்று துபாய்க்கு செல்கின்றனர். ஆனால், அங்கு எதிர்பார்த்தபடி சம்பளம் கிடைக்காமல் அவதிப்படுகின்றனர்.துபாயில் உள்ள மெட்ரோ போக்குவரத்து நிறுவனம், தங்களை தினமும் 12 மணி நேரம் வேலை வாங்கிக் கொண்டு, வார விடுப்பு கூட கொடுக்காமல் குறைந்த ஊதியம் தருவதாக இந்திய டிரைவர்கள், அந்த நாட்டு தொழிலாளர் நலத்துறை அமைச்சரிடம் புகார் மனு அளித்துள்ளனர். தங்கள் கோரிக்கையை வலியுறுத்தி, ஒரு நாள் வேலை நிறுத்தம் செய்துள்ளனர்.

இது குறித்து அங்குள்ள பத்திரிகை நிருபரிடம் இந்திய டிரைவர்கள் குறிப்பிடுகையில், "போக்குவரத்து நிறுவனத்துக்கு நாங்கள் ஒவ்வொருவரும் 15 ஆயிரம் முதல் ஒரு லட்சம் ரூபாய் வரை ஈட்டித் தர வேண்டும். இதற்கு குறைந்து உழைத்தால், 2 ஆயிரத்து 500 ரூபாய் அபராதம் விதிக்கின்றனர்.எங்களுக்கு 3 ஆயிரத்து 500 ரூபாய் மாதச் சம்பளம் தருகின்றனர். இதில் விசா கமிஷன், சீருடை படி, மருத்துவ படி என பிடித்தம் செய்து விடுகின்றனர். சொந்த ஊருக்கு செல்வதற்கு பயணப் படி கூட தர மறுக்கின்றனர். அது மட்டுமல்லாது, சாலை பாதுகாப்பு விதிமுறைகளை மீறும் போது விதிக்கப்படும் அபராதத்தை, இன்சூரன்ஸ் போன்றவற்றின் மூலம் கழிக்கலாம். ஆனால், இந்த அபராதத் தொகையையும் எங்கள் தலையில் தான் கட்டுகின்றனர். இந்த நிலை முன்னரே தெரிந்திருந்தால், இந்தியாவிலேயே வேலை பார்த்திருப்போம். இந்தியாவை விட மிகக் குறைவான சம்பளமே இங்கு கிடைக்கிறது.இவ்வாறு டிரைவர்கள் கூறினர்.

ரொம்ப அநியாயம் பன்றாங்க துபாயில் பாவம் இந்தியர்கள்

என்ன பன்றது மானிக் எல்லாரும் ஏதோ ஒரு காரணத்திற்க்காக

இங்கு வந்து கஷ்டப்படுகிறார்கள்

அதை இந்தியாவிலேயே சம்பாதிக்கலாம்ல ஏன் இப்படி அங்க போயி கஷ்டப்படனும்.....

சரி தான் மானிக்.......பார்க்கலாம்

என்னதான் சொன்னாலும் நீங்களும் துபாய்லதானே வேலை பாக்குறீங்க

என்ன செய்வது மானிக்...



அவுங்கவுங்க விதிப்படி தானே நடக்கும்

உங்க விதி ஏப்ரல் மாசத்தோட முடியுதா (அதாவது துபாய்)

அப்படிதான் நினைக்கிறேன் மானிக்

எல்லாம் கடவுள் விட்ட வழி

ஏன் இதுக்கு முன்னாடி கடவுள் உங்க வழியை மறைச்சிட்டு நின்னாரா