ஹை‌ட்டி தீவில் இருந்து குழந்தைக‌ள் கடத்‌‌திய 10 பே‌ர் கைது

ஒரு ல‌ட்ச‌த்த‌ி‌ற்கு‌ம் மே‌ற்ப‌ட்டவ‌ர்களை ப‌லி கொ‌ண்ட பூகம்பம் பாதித்த ஹை‌ட்டி தீவின் போர்ட்-ஆப்-பிரின்ஸ் நகரில் இருந்து 33 அனாதை குழந்தைகளை கட‌த்த‌ி‌ச் சென்ற அமெரிக்காவை சேர்ந்த 10 பேரை காவ‌ல்துறை‌யின‌ர் கைது செ‌ய்து‌ள்ளன‌ர்.

அமெரிக்கா அருகே உள்ள ஹை‌ட்டி தீவில் கடந்த 12ஆ‌ம் தேதி ஏ‌ற்ப‌ட்டு பய‌ங்கர ‌‌நிலநடு‌க்க‌த்தா‌ல் ஒரு ல‌ட்ச‌த்‌தி‌ற்கு‌ம் மே‌ற்ப‌ட்டோ‌ர் பலியானார்கள். பெரும்பாலான குழந்தைகள் தாய், தந்தையை இழந்து அனாதைகளாகிவிட்டனர்.

மேலும், உணவு, தண்ணீர் கிடைக்காமல் பொதுமக்கள் பசி, பட்டினியால் வாடுகின்றனர். இதனால‌் இங்கு கொள்ளை சம்பவங்கள் நடைபெற்று வருகின்றன. பெற்றோரை இழந்து, அனாதைகளாகி ஆதரிக்க யாரும் இன்றி தவிக்கும் குழந்தைகளை கடத்தும் கும்பலும் நடமாடி வருகிறது.

இந்த நிலையில் பூகம்பம் பாதித்த போர்ட்- ஆப்- பிரின்ஸ் நகரில் இருந்து 33 அனாதை குழந்தைகளை அமெரிக்காவை சேர்ந்த ஒரு கும்பல் கடத்தி சென்றது. இதை அறிந்த ஹை‌ட்டி காவ‌ல்துறை‌யின‌ர் தீவிர நடவடிக்கை மேற்கொண்டனர். அவர்கள் டோமினிக்கன் குடியரசு எல்லை வழியாக குழந்தைகளை கடத்த இருப்பது தெரியவந்தது.

உடனே அங்கு சென்று குழந்தைகளை கடத்த முயன்ற அமெரிக்கர்கள் 10 பேரை கைது செய்தனர். அவர்களிடம் இருந்து குழந்தைகள் மீட்கப்பட்டனர். பிடிபட்டவர்களிடம் காவ‌ல்துறை‌யின‌ர் நட‌த்‌திய விசாரணை‌யி‌ல், அமெரிக்காவில் இடாகோ பகுதியில் உள்ள பாபிஸ்ட் சர்‌ச் உறுப்பினர்கள் என்று தெரிவித்து‌ள்ளன‌ர். ஹை‌ட்டியில் அனாதைகளாக இருக்கும் குழந்தைகளை தத்தெடுத்து வளர்ப்பதற்காக அழைத்து செல்வதாக கூறியு‌ள்ளன‌ர்.

ஆனால் அவர்களிடம் அதற்கான முறையான ஆவணங்கள் இல்லாததா‌ல் சிறையில் அடைக்கப்பட்டன‌ர்.