பிடித்த கவிதை...

யுவா · யுவா Wed Jan 27, 2010 4:43 pm

எப்போதாவது
தெருவில் கிடக்கும்
கல்லெடுத்து
ஓரத்தில் எறிந்ததுண்டா?

விலாசம் கேட்டவருக்கு
வீடு வரை சென்று
வழிகாட்டியதுண்டா?

பர்சை தவறவிட்டதாய்
சொன்ன இளைஞருக்கு
பொய்யெனத் தெரிந்தும்
காசு கொடுத்ததுண்டா?

ஏக்கமாய் உன்னைப் பார்க்கும்
புத்தக மூட்டை சுமந்த
பள்ளிச் சிறுவனை
ஏற்றிச் சென்றதுண்டா?

எல்லாம் செய்துவிட்டு
`எதிர்பார்ப்பின்றி' என்று
சொல்லிக்கொண்டதுண்டா?

நானும்தான்..

ஆனால் நிச்சயம்
எதிர்பார்ப்பின்றி அல்ல
என் டைரியில் குறித்துக்கொள்ள..
யாரேனும் பாராட்ட..
கடைசியில்
இப்படியொரு கவிதை படைக்க......... பிடித்த கவிதை... 154550

யுவா · யுவா Wed Jan 27, 2010 4:50 pm

அரசியல்வாதி மறைமுகமாய்
துரோகம் செய்கையில்
அவசரமென்று வாங்கிய
பெருந்தொகையை
நண்பன்
திருப்பியே
தராது போகையில்
பஞ்சாயத்து ஆபிஸில்
ரேஷன் கடைகளிலென
பலவிடங்களில்
பலவகைகளில்
ஏமாற்றப்படுகையிலெல்லாம்
ஓடி ஒளிகிற கோபம் ...
பாக்கி காசை
கண்டக்டர் தராதபோதும்
சர்வர் தோசை கொணர
தாமதமாகும்போதும்தான்
வெளிப்பட்டுத் தொலைக்கிறது..

யுவா · யுவா Wed Jan 27, 2010 4:53 pm

எத்தனையோ பெண்கள்
காதலித்து
மனிதனை கவிஞனாக்கியதுண்டு.
ஆனால்-
ஏற்கனவே கவிஞனான என்னை
மனிதனாகவும் ஆக்கியவள்-நீ!

யுவா · யுவா Wed Jan 27, 2010 4:55 pm

வாசலில் அமர்ந்திருக்கும்
கிழிந்த உடை, குருட்டுப் பிச்சைக்காரிக்கு
மறுக்கப்பட்டு...
தங்கமும், வைரமும் ஜ்வலித்துக்கொண்டிருக்கும்
`சாமி'யின் உண்டியல்களில்
சென்று சேர்கின்றன...
காசுகள்! என்ன கொடுமை சார் இது

யுவா · யுவா Wed Jan 27, 2010 4:57 pm

காத்திருப்பது சுகம் என்று
மீராவுக்கு தெரிந்திருக்கிறதாம்..
காக்க வைப்பது பாவம் என்று
கண்ணனுக்கு ஏன் தெரியவில்லை அழுகை

?

செந்தில் · செந்தில் Wed Jan 27, 2010 4:58 pm

யுவா wrote:வாசலில் அமர்ந்திருக்கும்
கிழிந்த உடை, குருட்டுப் பிச்சைக்காரிக்கு
மறுக்கப்பட்டு...
தங்கமும், வைரமும் ஜ்வலித்துக்கொண்டிருக்கும்
`சாமி'யின் உண்டியல்களில்
சென்று சேர்கின்றன...
காசுகள்!

உதயசுதா · உதயசுதா Wed Jan 27, 2010 4:58 pm

யுவா.அருமையான கவிதை. வாழ்த்துக்கள்.

**ரிபாஸ்** · **ரிபாஸ்** Wed Jan 27, 2010 5:01 pm

அருமையான வரிகள் யுவா வாழ்த்துக்கள்

இந்த பதிவைத் துவங்கியவர் நன்றி கூறியுள்ளார் ரிபாஸ்

யுவா · யுவா Wed Jan 27, 2010 5:07 pm

நன்றி ஈகரை உறவுகளே அன்பு மலர்

யுவா · யுவா Wed Jan 27, 2010 5:31 pm

************************************
ரோஜாவுக்காக தினமும் நீரூற்றுகிறேன்
எண்ணிக்கையில் என்னமோ
முட்களே முந்துகின்றன.

************************************

நண்பன் செயலிழந்ததற்கு
எனக்கும் தண்டனையா
கவலைப்பட்டது 'ஒரு கால்செருப்பு'

************************************

எத்தனை பேர் இழுத்துமென்ன
இன்னும் வரவில்லை
சேரிக்குள் தேர்

************************************

”உனக்காக
ஒரு ரோஜா கொடுத்தபோது
கேட்டாய்...
`இது எல்லா காதலர்களும்
அவரவர் காதலிக்கு கொடுப்பதுதானே’ என்று.

நான் சொன்னேன்..

`கொடுப்பது நானும்
பெறுவது நீயுமாதலால்
இது
தனித்துவம் வாய்ந்தது’ என்று”

*************************************

Sponsored content · Sponsored content

பிடித்த கவிதை...

பிடித்த கவிதை...

நையப்புடை

Re: பிடித்த கவிதை...

சேரிடம் அறிந்து..

காதலா.. காத்திருப்பா..?

Re: பிடித்த கவிதை...

Re: பிடித்த கவிதை...

Re: பிடித்த கவிதை...

Re: பிடித்த கவிதை...

குட்டி கவிதை!

Re: பிடித்த கவிதை...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக