சென்​னையில் ஆப்​பி​ரிக்க எழுத்​தா​ளர்​கள்!

தமிழ் எழுத்தாளர்களுடன்...

திண​றி​ய​வர்​கள் ஆப்​பி​ரிக்க எழுத்​தா​ளர்​கள் ஆலென் மாபாங்கு,​​ வெரோ​னிக் தாஜோ.​ இரண்​டா​வ​தா​கக் குறிப்​பி​டப்​பட்​ட​வர் பெண் எழுத்​தா​ளர்.​ இந்த நிகழ்ச்​சியை ஏற்​பாடு செய்​தது அல்​ல​யன்ஸ் ஃபி​ரான்​சே​ஸýம்,​​ இந்​தி​யா​வில் உள்ள பிரெஞ்சு தூத​ர​க​மும்.​ சென்​னை​யில் நிகழ்ச்​சியை ஏற்​பாடு செய்​த​வர் வெ.ஸ்ரீராம்.​ புகழ்​பெற்ற மொழி​பெ​யர்ப்​பா​ளர்.​

""இந்​திய-​பிரெஞ்சு மொழி,​​ பண்​பாட்டு நட்​பு​ற​வுக் கழ​க​மான அல்​ல​யன்ஸ் ஃபி​ரான்​சே​ஸýம்,​​ பிரெஞ்சு தூத​ர​க​மும் இணைந்து பல​வி​த​மான கலை,​​ இலக்​கிய நிகழ்ச்​சி​களை நடத்தி வரு​கின்றன.​ பிரான்​சின் அரசு அனுப்பி வைத்த 10-12 எழுத்​தா​ளர்​கள் இந்​தி​யா​வின் பல பகு​தி​க​ளுக்கு இப்​போது வந்​தி​ருக்​கின்​ற​னர்.​

அவர்​க​ளு​டன் இந்​தி​யா​வில் உள்ள எழுத்​தா​ளர்​க​ளைச் சந்​திக்க வைத்​துக் கலந்​து​ரை​யா​டல் நிகழ்ச்​சி​கள் நடை​பெற்​றுக் கொண்​டி​ருக்​கின்​றன.​ அப்​படி வந்​த​வர்​க​ளில் சென்​னைக்கு வந்​த​வர்​கள்​தாம் ஆலென் மாபாங்​கும்,​​ வெரோ​னிக் தாஜோ​வும்.​ ​ஆப்​பி​ரிக்​கா​வில் பல நாடு​கள் பிரான்​சின் ஆதிக்​கத்​தின் கீழ் இருந்​தன.​ அத​னால் பிரெஞ்சு மொழி கற்​றுக் கொள்​வது என்​பது அங்கு சாதா​ர​ணம்.​ ஆலென் மாபாங்கு ஆப்​பி​ரிக்​கா​வின் காங்கோ நாட்​டைச் சேர்ந்​த​வர்.​ 12 நூல்​களை வெளி​யிட்​டி​ருக்​கி​றார்.​ ஆப்​பி​ரிக்​கா​வின் ஐவரி கோஸ்ட்​டைச் சேர்ந்​த​வர் வெரோ​னிக் தாஜோ.​ ஆனால் பிறந்​தது என்​னமோ பிரான்சு நாட்​டின் பாரி​சில்​தான்.​

இவ​ரும் சளைத்​த​வ​ரில்லை.​ 13 நூல்​களை வெளி​யிட்​டி​ருக்​கி​றார்.​இவர்​கள் இரு​வ​ரை​யும் சென்​னை​யில் உள்ள தமிழ் எழுத்​தா​ளர்​க​ளைச் சந்​திக்​கச் செய்ய வேண்​டும் என்று நினைத்​தேன்.​ இவர்​கள் இரு​வ​ரும் பிரெஞ்​சில் எழு​தும் ஆப்​பி​ரிக்க எழுத்​தா​ளர்​கள்.​ இந்​தி​யா​வில் ஆங்​கி​லத்​தில் எழு​தும் எழுத்​தா​ளர்​க​ளின் புத்​த​கங்​களை அவர்​கள் ஏற்​க​னவே ஆங்​கி​லத்​தில் படித்​தி​ருக்​கி​றார்​கள்.​

ஆனால் தமி​ழில் எழு​தும் எழுத்​தா​ளர்​க​ளைப் பற்றி அவர்​க​ளுக்கு எது​வும் தெரி​யாது.​ அது​போல இவர்​கள் இரு​வ​ரை​யும் பற்றி தமிழ் எழுத்​தா​ளர்​க​ளுக்​கும் தெரி​யாது.​ எனவே இந்​தக் கலந்​து​ரை​யா​டல் நிகழ்ச்​சியை ஏற்​பாடு செய்​தேன்.​

கவி​ஞர் ஞானக்​கூத்​தன்,​​ எழுத்​தா​ளர்​கள் இம​யம்,​​ சங்​க​ர​ரா​ம​சுப்​பி​ர​ம​ணி​யன்,​​ பாரவி,​​ யுவன் சந்​தி​ர​சே​கர்,​​ கவி​ஞர் குட்டி ரேவதி,​​ புகழ் போன்​றோர் கலந்து கொண்​ட​னர்.​ விடு​மு​றை​நா​ளாக இருந்​தி​ருந்​தால் இன்​னும் நிறை​யப் பேர் கலந்து கொண்​டி​ருப்​பார்​கள்'' என்​றார்.



வெ.ஸ்ரீராம்

​நமது எழுத்​தா​ளர்​க​ளுக்கு ஆப்​பி​ரிக்க-​பிரெஞ்சு எழுத்​தா​ளர்​க​ளி​டம் கேட்க நிறை​யக் கேள்​வி​கள் இருந்​தன.​ குட்டி ரேவதி ஆப்​பி​ரிக்க-​பெண் எழுத்​தா​ளர்​க​ளைப் பற்​றிக் கேட்​டார்.​ அதற்கு வெரோ​னிக் தாஜோ,​​ ""நாங்​கள் பெண் எழுத்​தா​ளர்,​​ ஆண் எழுத்​தா​ளர் என்று பாகு​பாடு பார்ப்​பது கிடை​யாது.​ நான் ஒரு எழுத்​தா​ளர்.​ நான் ஒரு பெண்.​ என் ஜன்​னல் வழியே உல​கத்​தைப் பார்க்​கி​றேன்.​ எனது கண்​ணோட்​டத்​தில் அவற்​றைப் பற்றி எழு​து​கி​றேன்.​ பெண் எழுத்​தா​ளர் என்ற அள​வில் என்னை நான் சுருக்​கிக் கொள்​வ​தில்லை'' என்​றார்.​ ""பெண்​கள் எல்​லாப் பிரச்​னை​க​ளை​யும் எழு​து​கி​றார்​களா?​'' என்று அடுத்த கேள்வி.​

""பெண் சில விஷ​யங்​க​ளைப் பேச முடி​யாது என்ற நிலை முத​லில் அங்​கே​யும் இருந்​தது.​ ஒரு பெண் எழுத ஆரம்​பித்​தால் எழுத்​தா​ளர் என்ற நிலை​யி​லும்,​​ பெண் என்ற நிலை​யி​லும் கவ​னம் பெறு​கி​றாள்.​ எல்​லா​ரா​லும் கூர்​மை​யா​கக் கவ​னிக்​கப்​ப​டு​கி​றாள்.​ காதல்,​​ பாலி​யல் பற்றி பெண் பேசு​வ​தற்கு முத​லில் அங்கே கட்​டுப்​பாடு இருந்​தது.​ குடும்​பத்​தைப் பற்றி மட்​டும் பேசி​னோம்.​ இப​போது அர​சி​யல்,​​ சமூ​கம் என எல்லா விஷ​யங்​க​ளை​யும் பற்​றித் தைரி​ய​மா​கப் பேசு​கி​றோம்.




வெரோ​னிக் தாஜோ

என்ன எழு​து​கி​றோம் என்​பது எப்​போ​தும் முக்​கி​யம்.​ எப்​படி எழு​து​கி​றோம் என்​ப​தைத் தீர்​மா​னிப்​பது யாருக்கு எழு​து​கி​றோம் என்​ப​து​தான்.​ அதி​கம் படிக்​கா​த​வர்​க​ளுக்​கும் புரி​யும்​படி எழுத வேண்​டும்.​ எங்​க​ளைப் பொறுத்த அள​வில் ஆப்​பி​ரிக்க வாய்​மொழி இலக்​கி​யங்​க​ளுக்கு முக்​கி​யத்​து​வம் கொடுக்​கி​றோம்.​ நாட்​டுப்​புற கதை​களை மேலும் மேலும் ஆழ​மாக,​​ மேலும் மேலும் நுண்​மை​யாக ஆராய்ந்து கொண்டே போனீர்​கள் என்​றால் அது உல​கம் தழு​விய தன்​மை​யு​டன் இருப்​பதை உணர்ந்து கொள்​ள​லாம்.​ அதா​வது அது சொல்​லக் கூடிய செய்தி உலக அள​வுக்​குப் பொருந்​தக் கூடி​ய​தாக இருக்​கும்'' என்​றார்.​

""சும்மா எழு​தி​விட்டு மட்​டும் போவீர்​களா?​ இல்லை சமு​தா​யத்​தில் மாற்​றங்​கள் ஏற்​ப​டச் செயல்​ப​டு​வீர்​களா?​'' என்ற கேள்​வி​யைக் கிளப்​பி​னார்​கள்.​

அதற்கு ஆலென் மாபாங்கு பதில் சொன்​னார்.​

""ஒரு மனி​தன் என்​கிற வகை​யில் எல்​லா​ரும் ஆக்​டி​விஸ்ட்​தான்.​ காங்​கோவி​லி​ருந்து பிரான்ஸ் வெளி​யே​றிய பின்பு,​​ அங்கே சர்​வா​தி​கார ஆட்சி ஏற்​பட்​டது.​ அதை எதிர்த்து எழு​தி​னோம்.​ எத்​தி​யோப்​பியாவில் ஏகப்​பட்ட பிரச்​னை​கள் இருந்​தன.​ அதைப் பற்​றி​யெல்​லாம் எழு​தி​னோம்.​ எழுத்​தா​ளன் என்​ப​வன் அடிப்​ப​டை​யில் சமூக மாறு​த​லுக்​கா​கக் குரல் கொடுப்​ப​வன்.​ அதே சம​யம் அவன் அழ​கி​ய​லு​ணர்​வும் உடை​ய​வன்'' என்​றார்.​



ஆலென் மாபாங்கு

""தமிழி​லி​ருந்து ஆங்​கி​லத்​தில் ஏதா​வது நாவலை,​​ கதையை மொழி​பெ​யர்த்​தால் பேச்சு வழக்கை தமி​ழில் உள்​ளது போல ஆங்​கி​லத்​தில் கொண்டு வர முடி​ய​வில்​லையே.​ ஆப்​பி​ரிக்க மொழியி​லி​ருந்து பிரெஞ்சு மொழிக்கு மொழி​பெ​யர்க்​கும்​போ​தும் அப்​ப​டித்​தானா?​'' என்ற கேட்​டார் யுவன் சந்​தி​ர​சே​கர்.​

""எனக்கு ஆப்​பி​ரிக்க மொழி​க​ளில் ஏழு மொழி​கள் தெரி​யும்.​ பல ஆப்​பி​ரிக்க மொழி​க​ளுக்கு எழுத்து வடி​வமே இல்லை.​ வெறும் பேச்​சு​தான்.​ அதை பிரெஞ்சு மொழிக்​குக் கொண்டு வரும் போது பிரெஞ்சு மொழி​யின் கட்​டுக்​கோப்பு அதற்கு இடம் தரு​வ​தில்லை.​ ஆனால் பிரெஞ்சு மொழி​யின் இந்​தக் கட்​டுக் கோப்​பைக் கொஞ்​சம் தளர்த்தி எழு​து​கி​றோம்.​ இதற்கு நல்ல வர​வேற்பு உள்​ளது.​

அது​மட்​டு​மல்ல இத்​த​கைய எழுத்​து​கள் பிரெஞ்சு மொழிக்​குப் புது​வ​ர​வாக உள்​ளன.​ இத​னால் பிரெஞ்​சில் எழு​தக் கூடிய ஆப்​பி​ரிக்க எழுத்​தா​ளர்​க​ளுக்கு நல்ல வர​வேற்பு உள்​ளது.'' என்​றார்.​

"பிரெஞ்சு இலக்​கி​யம் என்​றாலே ஏதா​வது தத்​து​வ​நோக்​கு​டன்​தானே இருக்​கும்.​ ஆப்​பி​ரிக்க இலக்​கி​யத்​தில் அப்​படி பார்க்க முடி​வ​தில்லை.​ ஆப்​பி​ரிக்க-​பிரெஞ்சு இலக்​கி​யத்​தின் தன்மை என்ன?​'' என்று கேட்​டார் எழுத்​தா​ளர் இம​யம்.​ ""இரு சமூ​கங்​க​ளும் தனக்​கே​யு​ரிய தன்​மை​க​ளைக் கொண்​டி​ருக்​கின்​றன.​ பிரெஞ்சு இலக்​கி​யம் பிரெஞ்சு இலக்​கி​ய​மா​கவே இருக்​கி​றது.​

ஆப்​பி​ரிக்க இலக்​கி​யம் ஆப்​பி​ரிக்க இலக்​கி​ய​மா​கவே இருக்​கி​றது.​ நாங்​கள் ஆப்​பி​ரிக்க-​பிரெஞ்சு இலக்​கி​யத்​தில் ஆப்​பி​ரிக்​கா​வின் வேர்​களை அறி​மு​கப்​ப​டுத்​து​கி​றோம்.​ ஆப்​பி​ரிக்​கா​வின் பல மொழி​க​ளுக்கு எழுத்​து​வ​டி​வமே இல்லை என்​ப​தால்,​​ அங்கே காலங்​கா​ல​மா​கப் பேசப்​ப​டும் வாய்​மொழி இலக்​கி​யங்​களே
அதி​கம்.​

பிரெஞ்சு மொழி கற்​று​விட்டு அதில் எழுத முன்​வ​ரும் ஆப்​பி​ரிக்க எழுத்​தா​ளர்​கள் இந்த வாய்​மொழி இலக்​கி​யத்​தைத் தவிர்த்​து​விட முடி​யாது.​ ஆப்​பி​ரிக்கா இலக்​கி​யங்​க​ளின் வள​மான படி​மங்​களை,​​ அழ​கான கருத்​து​களை பிரெஞ்சு மொழி​யில் சொல்ல விரும்​பு​கி​றோம்.​ முயற்​சிக்​கி​றோம்''என்​றார் ஆலென் மாபாங்கு.​

இந்​தக் கலந்​து​ரை​யாட​லில் பங்​கு​பெற்று கேள்வி கேட்ட எழுத்​தா​ளர்​க​ளுக்​கும்,​​ கேள்​விக்​குப் பதில் சொன்ன எழுத்​தா​ளர்​க​ளுக்​கும் நிறைய வேறு​பா​டு​கள் இருக்​கின்​றன.​ நாடு,​​ மொழி,​​ இனம்,​​ சிந்​திக்​கும்​முறை,​​ செயல்​ப​டும்​வி​தம் எல்​லா​வற்​றி​லும் வேறு​பா​டு​கள்.​ இருந்​தும் இரு​த​ரப்​பும் ஆர்​வ​மு​டன் கருத்​து​க​ளைப் பகிர்ந்து கொண்​டது ​ முக்​கி​ய​மா​னது.​ ​