பூஜ்ஜியம்

kavinele · kavinele Sun Jan 31, 2010 5:46 pm

First topic message reminder :

பூஜ்ஜியம் இல்லாவிடில்
கணிதமே பூஜ்ஜியம்
எடுத்து வைத்தேன்
என் தரப்புவாதத்தை
-------------------------
இலக்கங்களுக்கு
பின்னால் நீ இருந்தால்
அவர்களின் மதிப்பு
அப்படியே கூடுகிறது
------------------------
நீ
முன் நின்றால்
அவர்கள்
மதிப்பிழந்து
போய் விடுகிறார்கள்
------------------

ராஜ்ஜியம் ஆண்ட
மாஜிகளெல்லாம்
ஆணவத்தால்
பூஜ்ஜியமாகிப் போனது
கண்கூடு
நீ
இறைவனுக்கும்
நெருக்கமானவன்
பூஜ்ஜியத்திலிருந்து
ராஜ்ஜியம் அமைத்தது
அவன்தானே?
பூஜ்ஜியமாய் இருந்துக்கொண்டு
ராஜ்ஜியத்தை ஆள்பவனும்
அவன்தானே?
மனிதனின் வாழ்வு
பூஜ்ஜியத்திலிருந்தே
தொடங்குகிறது
பூஜ்ஜியத்திலேயே
முற்றுப் பெறுகிறது

nandaa · nandaa Mon Feb 01, 2010 7:53 pm

jayakumari wrote:நீ
முன் நின்றால்
அவர்கள்
மதிப்பிழந்து
போய் விடுகிறார்கள்

எவர்கள்

jayakumari · jayakumari Mon Feb 01, 2010 7:56 pm

nandaa wrote:
jayakumari wrote:நீ
முன் நின்றால்
அவர்கள்
மதிப்பிழந்து
போய் விடுகிறார்கள்

எவர்கள்

இப்போது என்ன சொல்லிவிட்டேன் என்று இப்படி இடித்து கொள்கிறீர்கள் . மூளை குழம்பிவிட போகிறது பார்த்துகொள்ளுங்கள்

kirupairajah · kirupairajah Mon Feb 01, 2010 8:08 pm

kavinele wrote:
இலக்கங்களுக்கு
பின்னால் நீ இருந்தால்
அவர்களின் மதிப்பு
அப்படியே கூடுகிறது

நீ
முன் நின்றால்
அவர்கள்
மதிப்பிழந்து
போய் விடுகிறார்கள்

அருமை, பாராட்டுக்கள்!

nandhtiha · nandhtiha Mon Feb 01, 2010 9:51 pm

ஈகரை அன்பு உள்ளங்களுக்கு வணக்கம்.
பூஜ்யம்

இது ஒரு மர்மமான விடயம். அறிவியல் உலகத்தில் ஒரு ஒப்பரிய சொல் கணித உலகத்திற்கு இந்தியாவின் நன்கொடை பூஜ்யம் என்பதாகும், இதை அப்படியே பார்த்தால் இந்தியா கணித உலகத்திற்கு ஒன்றுமே செய்ய வில்லை என்றாகும். ஆனால் அதன் உண்மையான பொருள் பூஜ்யம் என்பது இந்தியாவின் கொடை என்பதாகும். சரி விடயத்துக்கு வருவோம்.

பூஜ்யம் ஒரு கணித எண்ணா? அல்லது குறியீடா? என்ற வினா எழும்புகிறது, கணித எண் என்றால் ஒரு எண்ணை அந்த எண்ணால் வகுத்தால் ஈவு ஒன்றாக வரவேண்டும், ஆனால் இது பூஜ்யத்தில் நடவாது, மற்றும் எந்த இரு எண்களைக் கொண்டு பெருக்கினாலோ அல்லது வகுத்தாலோ பூஜ்யத்தைப் பெற முடியாது,
கழித்தல் முறையில் மட்டுமே பெற முடியும்., அதாவது 1-1=0. 100-100=0 இதுபோல்த் தான்
பெற முடியும், இதனையே வேறு விதமாகப் பார்த்தால் பூஜ்யத்தினுள் எந்த எண் இருக்கிறதோ
அதே மதிப்பில் உள்ள எதிர் எண்ணும் இருக்க வேண்டும் உ-ம் (+100) இருந்தால் அதனுடன் (-100)
இருக்கவேண்டும். அதாவது இரண்டு எதிர்த் தத்துவங்கள் அல்லது எண்கள் சேரும் இடம் தான்
பூஜ்யம். பூஜ்யம் என்பதற்கு வடமொழி விளக்கம் பூஜிதும் யோக்யம் பூஜ்யம் என்பதாகும் அதாவது
போற்றப் பட வேண்டியது என்பது அதன் பொருள். எல்லோரையும் சமமாகப் பார்க்கும் துறவிகளை
பூஜ்யஸ்ரீ என்று அழைப்பது இதனால் தான். நல்லார்க்கும் பொல்லார்க்கும் நடுவில் நின்ற
நலமே என்று அருட்டிரு தாயுமானவர் பாடினார், பூஜ்யம் புனிதமான ஆனால் புரிந்து கொள்ள
முடியாத அதிசயம் நிறைந்தது, இதனால் தான் பூஜ்யத்துக்குள்ளே ஒரு ராஜ்ஜியத்தை ஆண்டுகொண்டு
புரியாமலே இருப்பான் ஒருவன் அவனைப் புரிந்து கொண்டால் அவன் தான் இறைவன் என்று கவியரசு
பாடினார், இதனை எளிமையாகப் புரிய வைத்த கவிஞர் திரு/திருமதி/செல்வி
கவிநிலேவுக்குப் பாராட்டுக்கள்