ஹலோ தோழியே ..! குறைபாடின்றி குழந்தைகள் பிறக்க கீரை சாப்பிடுங்க!

by kalaimoon70 Sat Jan 30, 2010 3:14 pm

கிச் டிப்ஸ்...

கீரைகளில் அதிகளவில் ஆன்டி-ஆக்சிடன்ட்கள், மினரல்கள், போலேட் மற்றும் பிளேவனாய்டுகள் காணப்படுகின்றன. இந்த ரசாயனங்கள் உடலில் காணப்படும் செல்கள் சேதமடைவதை தடுக்கிறது. அதுமட்டுமல்லாமல் இவைகள் உடலின் எதிர்ப்பு சக்தியை வலுப்படுத்துகிறது.

பச்சைக் காய்கறிகள் குடல் மற்றும் இதயம் போன்றவற்றின் ஆரோக்கியத்தை பாதுகாப்பதாக ஆராய்ச்சியாளர்கள் தெரிவித்துள்ளனர்.

ஏனென்றால் இவற்றில் அதிகளவில் நார்ச் சத்துக்கள் காணப்படுவதோடு பிற ஊட்டச் சத்துக்களான மாக்னீசியம், பொட்டாசியம் மற்றும் வைட்டமின்-கே போன்றவையும் காணப்படுகின்றன. கீரைகளில் கால்சியம், வைட்டமின் பி, சி, இ, போன்றவைகளும் காணப்படுகின்றன. ஆனால் இவற்றில் கார்போஹைட் ரேட்கள் இல்லை. கீரை மிகச் சிறந்த உணவு.

கர்ப்பிணி பெண்கள் கீரை சாப்பிடுவதால், குழந்தைகளுக்கு பிறவி குறைபாடுகள் வராமல் தடுக்கும் பாலிக் ஆசிட்கள் கிடைக்கிறது. கீரைகளில் காணப்படும் இரும்பு சத்துக்கள் ஹீமோகுளோபின் அளவுகளை அதிகரித்து அனீமியா எனும் ரத்த சோகை ஏற்படாமல் தடுக்கிறது.

கீரைகளில் அதிகளவிலான குளோரோபில் எனப்படும் பச்சையம் காணப்படுவதால் தான் அவை பச்சை நிறமாக உள்ளன. இந்த குளோரோபில்கள் புற்றுநோய் வராமல் தடுக்க உதவுவதாக, சமீபத்திய ஆராய்ச்சிகள் தெரிவிக்கின்றன.

நாம் சாப்பிடும் உணவில் சேர்க்கப்படும் உப்பு, பாக்கெட் <உணவுகள், பதப்படுத்தப்பட்ட உணவு போன்றவற்றின் மூலம் உடலில் சோடியம் அளவுகள் அதிகரிக்கும். இதனால் உ<டலில் நீர் தேக்கம், உயர் ரத்த அழுத்தம் போன்றவை ஏற்பட்டு <உடல் ஆரோக்கியம் கெடும். ஆனால் கீரைகள் சாப்பிடுவதால் உடலின் சோடியம் அளவு சமமாக இருக்குமாறு பராமரிக்கப்படுகிறது.

கீரைகளை எவ்வாறு சமைப்பது:

கீரைகளை அதிகம் வேக வைக்கக் கூடாது. அவ்வாறு அதிகமாக வேக வைத்தால், அவற்றில் காணப்படும் குளோரோபில் எனப்படும் பச்சையம் மற்றும் பல ஊட்டச் சத்துக்களும் அழிந்து விடுகின்றன. கீரைகளை சுத்தம் செய்து கழுவிய பின், அவற்றை குறைந்த தீயில் ஐந்து முதல் ஏழு நிமிடங்கள் வரை மூடி வைத்து, வேக வைக்கலாம். கீரைகளை பிரஷர் குக்கர்களில் சமைக்கக் கூடாது. நீரிழிவு நோய்க்கு சிறந்தது: வெந்தயக் கீரை, பசலைக் கீரை போன்ற கீரை வகைகள் நீரிழிவு நோயாளிகளுக்கு மிகவும் நல்லது.
.........................நன்றி தினமலர் .........................