யாரையும் உள்நோக்கம் கற்பிக்கும் வேலையல்ல!

by சபீர் Sat Jan 30, 2010 12:45 pm

இது விழிப்புணர்வு பிரச்சாரமே தவிர யாரையும் உள்நோக்கம் கற்பிக்கும் வேலையல்ல!

முஸ்லிம்களாகிய நாம் சமுதாயத்தின் அவலங்களை பற்றி சிந்திக்கிறோமா? நம் தீன்குலத்து பெண்கள் ஹிஜாப் அணிந்து பச்சிழங்குழந்தையுடன் பரிதாபமாக சாலையோரங்களில் பிச்சை எடுக்கிறார்களே அவர்களைப் பற்றி நாம் சிந்திப்பதுண்டா?

சிந்தித்துப் பாருங்கள்

நமக்கு திருப்பிச் செலுத்த சக்தியிருந்தும் நம்முடைய குடும்பப் பெண் (தாயோ, மனைவியோ, சகோதரியோ) பக்கத்து வீட்டு பெண்களிடம் சிறு கடனுதவியை கேட்டாலே நமக்கெல்லாம் மூக்கின் மேல் கோபம் வருமே, ஏன்! நம்முடைய குடும்பப் பெண் என்றால் நமக்கு அந்த அளவுக்கு அக்கறைதானே!

ஆனால் அதே சமயம் கவனிப்பாரற்று, ஆதரவு கொடுக்க யாருமின்றி, அநாதைகளாகவும், நாதியற்றவர்களாகவும் நம் பகுதியில் சில பெண்கள் இருந்து அடுத்த வேலை உணவுக்கு வழியின்றி கைக்-குழந்தையுடன் அங்கும் இங்குமாக யாராவது ஒரு பைசா போடமாட்டானா என்று சாலையில் பிச்சை எடுக்கிறார்களே முஸ்லிம் பெண்கள் அவர்களின் மீது அக்கறை காட்டுகிறோமா?

ஒருவேளை நாம் உறக்கத்தில் கனவு காணும்போது நாம் மரணித்தவிட்டதாகவும் நம் மரணத்திற்கு பின்னர் நம் தாய், தந்தை, சகோதரி, மனைவி, மகன், மகள் என நம் குடும்ப உறுப்பினர்கள் ஆதரவற்ற நிலையில் ஹிஜாப் அணிந்து சாலையோரம் பிச்சை எடுப்பது போன்றும் காட்சியைக் கண்டால் பதறித்துடித்து கண்விழித்து அழுதுக்கொண்டிருக்க மாட்டோமா?

குற்றம் யாருடையது!

· நம் அரசாங்கம் அடித்தட்டு மக்களாக கருதப்படும் இஸ்லாமிய சமுதாயத்தைப் பற்றி அக்கறை கொள்வதில்லை, நாமும் அப்படித்தான் இருக்கிறோம்.

· நம் சமுதாய அரசியல் தலைவர்கள் ஓட்டு வாங்கவதற்காக எத்தனையோ திட்டங்களை தீட்டுகின்றனர் ஆனால் குடும்பத்தில் கைவிடப்பட்ட முஸ்லிம் பிச்சைக்காரர்களை நல்வழிப்படுத்த திட்டம் தீட்டுகிறார்களா?

· எத்தனையோ ஜமாஅத்கள் வீரியமிக்க தாவா பிரசங்கம் செய்கின்றனர் முஸ்லிம் பிச்சைக்காரர்களை நல்வழிப்படுத்த தாவா பிரசங்கம் செய்கிறார்களா?

குறிப்பு

வாழ்வதற்கும், உண்பதற்கும் வழியின்றி மானத்தை இழக்காமல் ஹிஜாப் அணிந்து கவுரவமாக பிச்சை எடுக்கிறார்களே நம்குல பெண்கள் அவர்களை ஏன் நாம் நல்வழிப்படுத்த சிந்திப்பதில்லை? நம் சமுதாயத்தை பற்றி அக்கறை கொள்ளாமல் அல்லாஹ்வின் அருள் நமக்கு கிடைக்க வேண்டும் என்றால் அவனுடைய அருள் நமக்கு கிடைக்குமா?

நம் சமுதாய அடித்தட்டு மக்களுக்கு உதவிகள் செய்ய அரசாங்கத்தை எதிர்பாக்காதீர்கள் அவர்கள் உதவி வருமா என்பதில் சந்தேகமே! நாமே முன் வந்து திட்டம் தீட்டி இவர்களின் மறுவாழ்வுக்கு வழிவகை செய்வோம்! கூட்டு முயற்சிக்கு பாடுபடுவோம்! இதற்காகவாவது ஒன்று படுவோம்!

மறுமையில் நாம் அனைவரும் நம் பொறுப்பு பற்றி விசாரிக்கப்படுவோம்
நீங்கள் ஒவ்வொருவரும் பொறுப்பாளிகளே. உங்கள் பொறுப்புக்குட்பட்டவை பற்றி நீங்கள் விசாரிக்கப்படுவீர்கள். மக்களின் மீது ஆட்சி புரியும் தலைவர் அவர்களுக்குப் பொறுப்பாளியாவான். அவர்களை (பராமரித்த விதம்) குறித்து அவன் விசாரிக்கப்படுவான். பெண், தன் கணவனின் வீட்டிற்கும் அவனுடைய குழந்தைக்கும் பொறுப்பாளியாவாள். அவர்களை (பராமரித்த விதம்) குறித்து அவள் விசாரிக்கப்படுவாள். அடிமை, தன் எஜமானின் செல்வத்திற்குப் பொறுப்பாளியாவான். அவன் அதை (பாதுகாத்த விதம்) குறித்து விசாரிக்கப்படுவான். ஆக, நீங்கள் ஒவ்வொருவரும் பொறுப்பாளிகளே. உங்கள் பொறுப்புக்குட்பட்டவை குறித்து நீங்கள் விசாரிக்கப்படுவீர்கள் என நபி (ஸல்) அவர்கள் கூறினார்கள். புஹாரி : 2554 அப்துல்லாஹ் இப்னு உமர் (ரலி).

அடித்தட்டு மக்கள் மீதும் கருணைகாட்டுங்கள்!

“மனிதர்களின் மீது கருணை காட்டாதவனுக்கு அல்லாஹ் கருணைகாட்டமாட்டான்” என்று இறைத்தூதர்(ஸல்) அவர்கள் கூறினார்கள் என ஜரீர் இப்னு அப்தில்லாஹ்(ரலி) அறிவித்தார். ஆதாரம் : புகாரி.

by அன்பு தளபதி Sat Jan 30, 2010 1:29 pm

தயவு செய்து முஸ்லிம் என்று பிரிக்கதிர்கள் இந்தியர் எனவோ அல்லது தமிழர்கள் என்றோ கூறுங்கள் பொதுவான முறையில் நாம் குற்றங்களை கூறுவதும் அதை அப்படியே விடுவதுமே நாம் செயலாக உள்ளது அதை தீர்க்கும் வழி முறைகள் பற்றி யோசிப்போம்

by சபீர் Sat Jan 30, 2010 1:55 pm

நான் யார் மனதையும் புண்படுத்த அனுபவில்லை நண்பா யாவரும் எடுத்துக்கொள்ளவேண்டிய விடயம்தான் இது
உங்கள் கருத்தும் வரவேர்க்க தக்கது வரவேற்கிறேன் என்னுயிர் நண்பனே

by அன்பு தளபதி Sat Jan 30, 2010 2:04 pm

இதை பொதுவான மனிதர்களின் பிரச்சினையாக அணுகலாம் ஜி ஏழை நாடாக இருந்த பங்களாதேஷின் வெற்றிக்கு காரணம் கிராமீன் என்ற அமைப்பு அது தனி மனிதரின் உழைப்பு நாமும் எதாவது செய்யா வேண்டாமா