தேர்தல் முறைகேடுகள் குறித்து விசாரிப்பது அவசியம் - ஐ.ஒ

kirupairajah · kirupairajah Sat Jan 30, 2010 5:16 pm

நடந்துமுடிந்த ஜனாதிபதித் தேர்தலின் முடிவுகளில் அரசாங்கம் மாற்றம் செய்துவிட்டதாகவும், இத்தேர்தல் முடிவை ஏற்க முடியாதென்றும் எதிரணி சார்பாக போட்டியிட்ட சரத் பொன்சேகா கூறியிருந்தது தெரிந்ததே. தேர்தல் முடிந்து எண்ணும்பணி ஆரம்பித்த உடனுமே, சரத் பொன்சேகா ஜனாதிபதியைக் கொல்லும் சதியில் ஈடுபட்டுள்ளார் என அரசு ஒரு புரளியைக் கிளப்பிவிட்டு, சரத் வெளியில் நடமாட முடியாதபடி ஹோட்டலுக்குள்ளேயே முடக்கியது. இதற்காக 300-400 படையினரைக் கொண்டு சரத் பொன்சேகாவைச் சுற்றி வளைத்திருந்ததும் தெரிந்ததே. இவ்வாறு தம்மை முடக்கி வைத்துவிட்டு, தமக்கு விழுந்த ஓட்டுக்களை மஹிந்த தனக்காக மாற்றிக்கொண்டதாகக் குற்றம் சாட்டியுள்ள சரத், இத்தேர்தல் முடிவை ரத்துசெய்யவேண்டும் எனக் கேட்டிருந்தார்.

இந்நிலையில் இலங்கைத் தேர்தல் முறைகேடுகள் குறித்து விசாரணை நடத்த வேண்டியது அவசியம் என்று இலங்கை அதிகாரிகளை வலியுறுத்தியுள்ளது ஐரோப்பிய ஒன்றியம். ஐ.ஒ வெளிநாட்டுக் கொள்கை அதிகாரி கத்தரின் ஆஷ்டன் நேற்று வெள்ளிக்கிழமை வெளிவிட்ட அறிக்கையிலேயே இவ்வாறு வலியுறுத்தியுள்ளதோடு, தோற்கடிக்கப்பட்ட எதிர்க்கட்சி வேட்பாளர் சரத் பொன்சேகாவின் பாதுகாப்பும் உறுதிப்படுத்தப்படவேண்டும் என கேட்டுள்ளார்.
ஐரோப்பிய நாடுகள் மஹிந்த ராஜபக்ஷவுடன் சேர்ந்து பணியாற்றத் தயார் என்றாலும் கூட, தேர்தலின்போது தேர்தல் கண்காணிப்பாளர்களால் புகாரளிக்கப்பட்ட பெருமெண்ணிக்கையான நிகழ்வுகள் குறித்து தாம் கவலை கொள்வதாகவும் அவர் கூறியுள்ளார். மேற்படி முறைகேட்டு புகார்கள் குறித்து விசாரணை செய்யப்படும் என்றூம், அனைத்து வேட்பாளர்கள் மற்றும் பிரச்சார பணியாளர்களினதும் பாதுகாப்பு உறுதிப்படுத்தப்படும் என்றும் தாம் நம்புவதாகவும் அவர் தெரிவித்துள்ளார்.

தேர்தல் முறைகேடுகள் குறித்து விசாரிப்பது அவசியம் - ஐ.ஒ

தேர்தல் முறைகேடுகள் குறித்து விசாரிப்பது அவசியம் - ஐ.ஒ

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக