சைவமே நல்லது

காய்கறி உணவு வகைகளை நன்கு சேர்த்துக் கொண்டால் இதய அடைப்பு, பக்கவாதம், புற்றுநோய் போன்ற மூன்று அபாயங்களை முனகூட்டியே தடை செய்து விடலாம். இத்துடன் நில்லாமல் இந்த வகையான நோய்கள் எந்த இடத்தில் இருந்தாலும் நீக்கமற குணப் படுத்திவிட வல்லது சைவ உணவு. இந்த உண்மையை சமீபத்தில் விஞ்ஞானிகள் கண்டுபிடித்துள்ளனர். இந்த மருத்துவ முறையை செல்ல மாக வெஜ்ஜிக்யூர் என்று குறிப்பிடுகிறார்கள்.

காய்கறிகளிலும், பழங்களிலும் மிகமுக்கியமாக காரோடினாய்ட்ஸ் என்னும் செம்மஞ்சள் நிறத்தில் ஒரு வண்ணப்பொருள் இருக்கிறது. இந்தப்பொருளே முக்கியமான தடுப்பு மருந்தாக இருந்து செயல்படுகிறது என்று கண்டுபிடித்துள்ளார்கள்.

இதுவே உடலில் எல்லா இடங்களிலும் முக்கியப்பங்கேற்று தீங்கு செய்யும் அனைத்துக் கிருமிகளையும் வெளியேற்றுகிறது. உடலைக் குணமாக்குகிறது. இந்த உண்மையை நிரூபித்துப் பார்க்கத் தினமும் இரண்டு கோப்பைத் தக்காளிச் சாறு குடிக்கக் கொடுத்தார்கள். இது உடலின் நோய் எதிர்ப்புச் சக்தியை அதிகரிக்கக் கண்டார்கள்.

இத்துடன் உடலின் செல்களைச் சேதப்படுத்திப் புற்றுநோய், இதய நோய், பக்கவாதம் போன்றவற்றை ஏற்படுத்தும் நிரந்தரமற்ற அணு மூலக்கூறுகளின் செயல் திறனைக் கட்டுப்படுத்துகிறது. இதனால் இரத்தத்தில் கொழுப்பு சேர்வது தடுக்கப்படுகிறது. உடலின் செல் சவ்வுகள் இந்த நோய்களால் தாக்கப்படாமல் முன் கூட்டியே தடுக்கப்படுகிறது. உடல் நிலையும் தொடர்ந்து ஆரோக்கியமாக இருக்கிறது.

இந்த நன்கொடையை வலிமையான, நீடித்து உழைக்கக்கூடிய தன்மையை காரோடினாய்ட்ஸ் என்ற பொருள்தான் நமக்கு வழங்குகிறது. முட்டைக்கோஸ், கீரை வகைகளில் உள்ள வைட்டமின்-ஈ யும் இந்த ப்ரீரேடிக் கலிலிருந்து நமக்குப்பாதுகாப்பு கொடுக்கிறது. பழங்களிலும் இந்த மஞ்சள் நிறப்பொருள் உள்ளது. புற்று நோய் தாக்காமல், இரத்த ஓட்டக் குறைவால் இதயம் அடைக்கப்படாமல் இருக்க இதுவே சிறந்த இயற்கை வழி என்றும், இது வாழ்நாளை அதிகரித்துத் தருகிறது.