திட்டினா சந்தோஷப்படுங்க!

by nandaa Thu Jan 28, 2010 7:51 pm

யாராவது உங்களை கோபத்தில் "மரம் மாதிரி நிற்காதே' என்று
திட்டிவிட்டார்களா? அப்படிச் சொன்னால் கவலைப்படாதீர்கள். இது, சிவனைக்
குறிப்படும் ஒரு சொல்லாகும்.
சிவனுக்கும், அம்பிகைக்கும் பல பெயர்கள்
உள்ளன. இப்பெயர்களைச் சொல்லி கோயில்களில் சுவாமி, அம்பாளுக்கு
லட்சார்ச்சனை, திரிசகஹஸ்ரம் (3000), சஹஸ்ரநாமம் (1008 ), திரிசதி (300),
அஷ்டோத்ர (108 ) அர்ச்சனைகள் செய்வர். இந்த வரிசையில், சிவனுக்கு "தாணு'
என்ற பெயரும் உண்டு. இதற்கு, "பட்டுப்போன கட்டை' என்பது பொருள்.
பட்டுப்போன மரம் உயிரற்ற பொருளுக்கு ஒப்பானது. அதில் துளிர்விடாது. உடலை
பட்டுப்போன ஒன்றாகக் கருதினால், அதில் ஆசை, பொறாமை, கோபம் போன்ற
தீயகுணங்கள் முளைக்காது. சிவன், தாணுவாக இருக்கும்போது, அம்பிகைக்கு
"அபர்ணா' என்ற பெயர் வருகிறது. "பரணம்' என்றால் "இலை'. ஒருசந்தர்ப்பத்தில்
சிவனைப் பிரிந்த அம்பிகை, இலை கூட உண்ணாமல், சிவனை மட்டும் தியானித்து,
மீண்டும் அவரைச் சேர்ந்தாள். இதனால், "இலைகூட இல்லாதவள்' என்ற பொருளில்
இவளுக்கு "அபர்ணா' என்ற பெயர் ஏற்பட்டது. தனக்கென ஏதும்
வைத்துக்கொள்ளாமல், தியாகத்தன்மைக்கு எடுத்துக்காட்டாகத் திகழ்பவள்
அம்பிகை. அதாவது, சிவனும், அம்பிகையும் தங்களுக்கென எதுவும் இல்லாத
நிலையுடன் அருளுகின்றனர் என்பதை இந்த பெயர்கள் உணர்த்துகின்றன. இனிமேல்,
யாராவது "பட்டுப்போன மரம்' என்றோ, "ஒன்றுமில்லாதவன்' என்றோ திட்டினால்,
இந்த விளக்கத்தைச் சொல்லுங்கள். ஓடியே போய் விடுவார்கள்.

திட்டினா சந்தோஷப்படுங்க! Icon_lol