காங்கிரஸ் அதிரடி!!-துணை சபாநாயகர் பதவி கொடுங்கள்,..

**ayyasamy ram** · **ayyasamy ram** Sun Jun 16, 2024 1:44 pm

--

சமீபத்தில் 18வது மக்களவை அமைக்கப்பட்ட பிறகு முதல்
கூட்டத்தொடர் தொடங்க உள்ளது. மக்களவைக்கு புதிதாக
தேர்ந்தெடுக்கப்பட்ட உறுப்பினர்கள் பதவியேற்புக்கு பின்,
லோக்சபா சபாநாயகர் தேர்தல், வருகின்ற ஜூன், 26ல் நடக்க
உள்ளது.

பாரதிய ஜனதா வேட்பாளருக்கு, தேசிய ஜனநாயக கூட்டணி,
கட்சிகள் ஆதரவு தெரிவித்துள்ளன.

எதிர்க்கட்சிகள் துணை சபாநாயகர் பதவியை கோரியுள்ளன.
எமக்கு பிரதி சபாநாயகர் பதவியை ஆளும் கட்சி விட்டுக்
கொடுக்கவில்லை என்றால் சபாநாயகர் வேட்பாளரையும்
நிறுத்தலாம் என எதிர்கட்சியினர் தெரிவித்தனர்.

நாடாளுமன்ற மரபுப்படி, துணை சபாநாயகர் பதவி
எதிர்க்கட்சிக்கே வழங்கப்படுகிறது. மக்களவையில், பாஜக
தலைமையிலான தேசிய ஜனநாயக கூட்டணி கட்சிகளுக்கு
293 இடங்களும், இந்தியா பிளாக் 234 இடங்களிலும் உள்ளன.

நரேந்திர மோடியின் இரண்டாவது ஆட்சியில் அமைந்த அரசில்,
மக்களவை துணை சபாநாயகர் பதவி காலியாக இருந்தது.
17வது மக்களவையில் துணை சபாநாயகர் பதவி காலியாக இருந்த
நிலையில் ஓம் பிர்லா சபாநாயகராக தொடர்ந்து பணியாற்றினார்.

இவ்வாறானதொரு அரசியலமைப்பு பதவியை காலியாக வைக்க
எதிர்க்கட்சிகள் இம்முறை விரும்பவில்லை. துணை சபாநாயகர்
பதவிக்கு தேர்தல் நடத்த வேண்டும் என எதிர்க்கட்சிகள் கூறுகின்றன.

மக்களவை துணை சபாநாயகர் பதவி மட்டுமின்றி, மக்களவை
எதிர்க்கட்சி தலைவர் பதவியும் கடந்த 10 ஆண்டுகளாக காலியாக
உள்ளது. விதிகளின்படி, எதிர்க்கட்சித் தலைவர் என்பது, சபையின்
பலத்தில் பத்து சதவீதத்திற்கு மேல் வெற்றி பெற்று, அவையில்
முக்கிய எதிர்க்கட்சியாக இருக்கும் கட்சியில் இருந்து
உருவாக்கப்படுகிறது.

ஆனால் கடந்த 2014 மற்றும் 2019ல் காங்கிரஸிடம் அந்த எண்ணிக்கை
இல்லை. ஆனால் இந்த முறை எதிர்க்கட்சி தலைவர் பதவி காங்கிரஸ்
கணக்கில் வரலாம். ராகுல் காந்தி எதிர்க்கட்சித் தலைவராக்கப்படுவார்
என்று நம்பப்படுகிறது.

--Seithi Punal & Dailyhunt

காங்கிரஸ் அதிரடி!!-துணை சபாநாயகர் பதவி கொடுங்கள்,..

காங்கிரஸ் அதிரடி!!-துணை சபாநாயகர் பதவி கொடுங்கள்,..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக