கங்கனாவை அறைந்த பெண் காவலருக்கு வேலை தருவதாக பாடகர் விஷால் தத்லானி உறுதி!

**ayyasamy ram** · **ayyasamy ram** Fri Jun 07, 2024 3:25 pm

மக்களின் அறியாமையை அடித்து கேட்டிருக்கிறார்.. Hats off: கங்கனாவை அறைந்த கான்ஸ்டபிளை பாராட்டிய சேரன்

கங்கனாவை அறைந்த பெண் காவலருக்கு வேலை தருவதாக பாடகர் விஷால் தத்லானி உறுதி! Cheran-110790901

--
மக்களவைத் தேர்தலில் இமாச்சல பிரதேச மாநிலத்தில் இருக்கும்
மண்டி தொகுதியில் பாஜக சார்பில் போட்டியிட்டுட வெற்றி
பெற்றிருக்கிறார் பாலிவுட் நடிகையான கங்கனா ரனாவத்.
வெற்றிக்கு பிறகு அவர் டெல்லிக்கு கிளம்பிச் சென்றார்.

டெல்லிக்கு செல்ல சண்டிகர் விமான நிலையத்திற்கு இன்று
அதிகாலை வந்த கங்கனா ரனாவத்தை அங்கு பணியில் இருந்த
மத்திய தொழில்துறை பாதுகாப்பு படையை சேர்ந்த குல்விந்தர்
கவுர் என்கிற கான்ஸ்டபிள் கன்னத்தில் அறைந்துவிட்டார்.
மேலும் கங்கனாவை திட்டவும் செய்தார்.

என்னை ஏன் அடித்தீர்கள் என கங்கனா கேட்டதற்கு, 2020ம்
ஆண்டு நடந்த விவசாயிகளின் போராட்டத்தை கொச்சைப்
படுத்தியதற்கு என பதில் அளித்திருக்கிறார் குல்விந்தர்.

விவசாயிகள் எல்லாம் காசு வாங்கிக் கொண்டு போராடியதாக
தெரிவித்தார் கங்கனா. என் அம்மாவும் தான் போராடினார் என
குல்விந்தர் கவுர் கோபமாக பேசிய வீடியோ வெளியாகி
வைரலாகிவிட்டது.

அந்த வீடியோவை பார்த்த இயக்குநரும், நடிகருமான சேரன்
எக்ஸ் தளத்தில் கூறியிருப்பதாவது,
-
இந்த பெண்மணியின் கோபத்தில் நியாயம் இருப்பதாக
பார்க்கிறேன்.. அந்த அடி நடிகைக்காகனதல்ல. வாக்களித்த
மக்களுக்கானது.. விவசாயிகளின் உணர்வு தெரியாமல் பேசிய அந்த
வார்த்தைகளுக்கு பின்னும் இந்த கவர்ச்சிக்கு ஓட்டு விழுகிறது
என்றால்.. மக்களின் அறியாமையை அடித்து கேட்டிருக்கிறார்..
Hats off..என தெரிவித்தார்.

சேரனின் ட்வீட்டை பார்த்த சிலர் அவர் சொல்வது மிகவும் சரி என
தெரிவித்துள்ளனர். மேலும் சிலர் எதிர்ப்பு தெரிவித்துள்ளனர்.

இதற்கிடையே கங்கனாவை அடித்ததற்காக குல்விந்தர் கவுர்
சஸ்பெண்ட் செய்யப்பட்டுள்ளார். அவர் மீது விசாரணை நடத்த
உத்தரவிடப்பட்டுள்ளது. காவலில் வைக்கப்பட்டிருக்கும்
குல்விந்தர் கவுருக்கு ஆதரவும் எதிர்ப்பும் கிளம்பியிருக்கிறது.
-
-நன்றி: சமயம்-செய்திகள்

**T.N.Balasubramanian** · **T.N.Balasubramanian** Fri Jun 07, 2024 4:59 pm

சேரனும் ஒரு காலத்தில் மக்களவை உறுப்பினராக மாறி அடிபட்டால் தெரியும்.
சொந்த விஷயங்களுக்காக அரசு பணி செய்யும் ஒருவர்
மக்களால் தேர்ந்து எடுக்கப்பட்ட பிரதிநிதியை அடிப்பது மிகவும் தவறு.
கூடுதலாக கூறவேண்டுமெனில், ஜனநாயக நாட்டில் சாதாரண குடிமக்களையும்
குற்றம் செய்யாத போது அடிப்பது தவறு.
அடிபட்டது பாண்டியனாக இருந்தாலும் சோழனாக இருந்தாலும் சேரனின் வாதம்
ஒருசார்பு பற்றியது.

**ayyasamy ram** · **ayyasamy ram** Sat Jun 08, 2024 8:34 am

கங்கனாவை அறைந்த பெண் காவலருக்கு வேலை தருவதாக பாடகர் விஷால் தத்லானி உறுதி! 0bea1148aba19d629103386e87a155719824c95eace9ad1a9c08f816fcefaaab

---
மும்பை:
சண்டிகர் விமான நிலையத்தில் கங்கனாவை அறைந்த
சிஐஎஸ்எஃப் பெண் காவலருக்கு வேலை தருவதாக பாலிவுட்
பாடகர் விஷால் தத்லானி உறுதியளித்துள்ளார்.

சண்டிகர் விமான நிலையத்தில் நடிகையும், பாஜக எம்.பி.யுமான க
ங்கனா ரணாவத்தின் கன்னத்தில் சிஐஎஸ்எஃப் பெண் காவலர்
அறைந்ததாக வெளியான வீடியோ வைரலாகி பரபரப்பை
ஏற்படுத்தியது.

விமான நிலையத்தில் பணியிலிருந்த சிஐஎஸ்எஃப் பெண் காவலர்
குல்விந்தர் கவுர் என்பவர் கங்கனா ரணாவத்தின் கன்னத்தில்
அறைந்ததாக கூறப்படுகிறது. இதற்கு விவசாயிகளுக்கு எதிராக
கங்கனா தெரிவித்த கருத்துகளே காரணம் எனத் தகவல்
வெளியாகியுள்ளது.

இதனையடுத்து கங்கனாவுக்கு ஆதரவாக ஒரு தரப்பினரும்,
சிஐஎஸ்எஃப் பெண் காவலருக்கு ஆதரவாக ஒரு தரப்பினரும் சமூக
வலைதளங்களில் கருத்து தெரிவித்து வருகின்றனர்.

சிஐஎஸ்எஃப் பெண் காவலர் மீது பல்வேறு பிரிவுகளின் கீழ் பஞ்சாப்
போலீஸார் வழக்குப் பதிவு செய்துள்ளனர். அவர் தற்போது பணியிடை
நீக்கம் செய்யப்பட்டுள்ளார்.

இந்த நிலையில், கங்கனாவை அறைந்த பெண் காவலருக்கு
இசையமைப்பாளரும் பாடகருமான விஷால் தத்லானி ஆதரவு
தெரிவித்துள்ளார்.

இது தொடர்பாக அவர் தனது இன்ஸ்டா ஸ்டோரி பகுதியில்,
'நான் வன்முறையை ஆதரிப்பது இல்லை. ஆனால் நிச்சயமாக அந்த
காவலரின் தனிப்பட்ட கோபத்தின் தேவையை என்னால் புரிந்து
கொள்ள முடிகிறது. அவர் மீது ஏதேனும் நடவடிக்கை எடுக்கப்பட்டால்,
அவருக்காக வேலை காத்துக் கொண்டிருக்கிறது என்பதை நான்
உறுதியளிக்கிறேன்.

ஜெய்ஹிந்த். ஜெய்ஜவான். ஜெய் கிசான்' என்று விஷால் தத்லானி
தெரிவித்துள்ளார்.

அவரது இந்த பதிவு சமூக வலைதளங்களில் வைரலாகி வருகிறது.
-
-இந்து தமிழ் திசை & டெய்லி ஹண்ட்

Sponsored content · Sponsored content

கங்கனாவை அறைந்த பெண் காவலருக்கு வேலை தருவதாக பாடகர் விஷால் தத்லானி உறுதி!

கங்கனாவை அறைந்த பெண் காவலருக்கு வேலை தருவதாக பாடகர் விஷால் தத்லானி உறுதி!

Re: கங்கனாவை அறைந்த பெண் காவலருக்கு வேலை தருவதாக பாடகர் விஷால் தத்லானி உறுதி!

Re: கங்கனாவை அறைந்த பெண் காவலருக்கு வேலை தருவதாக பாடகர் விஷால் தத்லானி உறுதி!

Re: கங்கனாவை அறைந்த பெண் காவலருக்கு வேலை தருவதாக பாடகர் விஷால் தத்லானி உறுதி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக