கரு வளையங்கள் நீங்க

கண் கருவளையத்திற்கான காரணங்கள்:

இரும்பு சத்து குறைகிற போது.

பரம்பரை வழியால்.

போதிய அளவு தூக்கமின்மையால்.

அளவுக்கதிகமாக கண்களக்கு வேலை கொடுப்பதால்.

நீண்ட நேரம் கம்ப்யூட்டர் மற்றும் டி.வி முன்னாடி உட்கார்ந்திருப்பதால். போஷாக்கில்லாத ஆகாரத்தினால்.

பொதுவான ஆலோசனைகள் :

கடைகளில் ரெடிமேட் ஐ மாஸ்க்குகள் கிடைக்கின்றன. அவற்றை வாங்கி உபயோகிக்கலாம்.

புகைப்பழக்கமும், குடிப்பழக்கமும் உள்ளவர்களுக்கு இந்தப் பிரச்னை கண்டிப்பாக இருக்கும். சருமத்திற்குத் தேவையான வைட்டமின் சி-யை இந்தப் பழக்கங்கள் குறைப்பதால் அதன் விளைவாகக் கருவளையங்கள் தோன்றுகின்றன.

கண் பார்வையில் கோளாறு உள்ளவர்களுக்குக் கூட சில சமயம் இதுமாதிரி கருவளையங்கள் ஏற்படலாம். எனவே கண் பார்வைக்கான சிகிச்சை சரியாக மேற்கொள்ளப் படும் பட்சத்தில் இந்தப் பிரச்னை குணமாக வாய்ப்புண்டு.

தூங்கும் போது தலை கீழாகவும், கால்கள் மேலாகவும் இருக்கும்படி தூங்கினால் முகத்திற்கு இரத்த ஒட்டம் அதிகரிக்க வாய்ப்புகள் அதிகம். இதன் விளைவாகவும் கரு வளையங்கள் குறையும்.

தலையணை இல்லாமல் தூங்கும் பழக்கமும் கருவளையங்களைக் குணமாக்குவதில் உதவும்.

இரவு தூங்கச் செல்வதற்கு முன்பாகக் கண்களில் போடப்பட்ட மேக்கப்பை அகற்ற வேண்டும். இல்லாவிட்டால் கருவளையங்கள் கண்டிப்பாக வரும்.

கண்களுக்கு உபயோகிக்கும் மேக்கப் சாதனங்கள் தரமானவையாக இருக்க வேண்டியது மிக முக்கியம்.

இரும்புச் சத்தும், வைட்டமின்களும் அதிகமுள்ள உணவுகள் நிறைய சேர்த்துக் கொள்ளப் பட வேண்டும்.

வெயிலில் வெளியே போகும் போது கண்களுக்கு குளிர் கண்ணாடிகள் அணிந்து செல்ல வேண்டும்.

மலச்சிக்கல் இல்லாமல் பார்த்துக் கொள்ள வேண்டியதும் கருவளையங்கள் வராமலிருக்க மிக முக்கியம.

கற்றாழையின் உள்ளே இருக்கும் சாற்றை எடுத்து சிறிதளவு பன்னீரில் கலந்து கண்களுக்கடியில் தடவினால் கருவளையங்கள் மறையும்.

உருளைக்கிழங்கைத் துருவி சாறு எடுத்துக் கொள்ளவும். அத்துடன் கொஞ்சம் கோதுமை மாவைக் கலந்து கண்களுக்கடியில் தடவி, சிறிது நேரம் கழித்துக் கழுவலாம்.

பாதாம் பருப்பு, பிஸ்தா பருப்பு மற்றும் பேரிச்சம் பழத்தை சம அளவு எடுத்துக்கொண்டு அவற்றடன் சிறிதளவு குங்குமப்பூ கலந்து முதல் நாள் இரவே வெதுவெதுப்பான தண்ணீரில் ஊற வைத்து விடவும்.
மறுநாள் காலையில் அதை அரைத்துக் கண்களுக்கடியில் தடவி சிறிது நேரம் ஊறிக் கழுவினால் கருவளையங்கள் நீங்குவதோடு, அந்தப் பகுதிகள் மென்மையாகவும் மாறும்.

தாய்ப்பாலையும், இளநீரையும் சம அளவு எடுத்துக் கலந்து கருவளையங்கள் உள்ள பகுதிகளில் தடவி, மென்மையாக மசாஜ் செய்துவிடலாம்.

மஞ்சள் வாழைப்பழத்தை மசித்து இரு கண்களின் மேலும் வைத்து ஒரு துணியால் கட்டி விட வேண்டும். பதினைந்து நிமிடங்கள் கழித்து அதை எடுத்து விட்டுக் கழுவி விடலாம். அடிக்கடி இப்படிச் செய்து வந்தால் கருவளையங்கள் மறையும்.

கரிசலாங்கண்ணிச் சாற்றில் வீட்டிலேயே தயாரிக்கப்படும் கண்மையை உபயோகிப்பது நல்லது.

கெட்டித் தயிரில் உள்ள ஆடையை எடுத்துக் கண்களுக்கடியில் தடவி பத்து நிமிடங்கள் அப்படியே விட்டு விடவும். பிறகு வெதுவெதுப்பான தண்ணீராலும், குளிர்ந்த தண்ணீராலும் மாற்றி மாற்றிக் கழுவ வேண்டும்.

நேரம் கிடைக்கிற போதெல்லாம் பன்னீரில் நனைத்த பஞ்சைக் கண்களின் மேல் வைத்துக்கொண்டு படுத்திருப்பது இந்தப் பிரச்னைக்கு உதவும்.

விளக்கெண்ணையை மெல்லிய படலமாகக் கண்களுக்கடியில் தடவி, பத்து நிமிடங்கள் கழித்துக் கழுவி விடவும். வாரம் இரண்டு முறைகள் இப்படிச் செய்து வந்தால் கருவளையங்கள் கட்டுப்படும்.