விபத்தில் நடிகை பலி – சக நடிகரும் தற்கொலை செய்ததால் பரபரப்பு

**ayyasamy ram** · **ayyasamy ram** Mon May 20, 2024 7:24 pm

---
விபத்தில் சிக்கி தெலுங்கு நடிகை மரணமடைந்த சோகத்தில் அவரது
காதலரும், நடிகருமான சந்திரகாந்தும் தற்கொலை செய்து கொண்டது
ரசிகர்களிடையே அதிர்ச்சியை ஏற்படுத்தியுள்ளது.

ஜோகாலி, நீலி, ராதாராமா என பல்வேறு கன்னடம் மற்றும்
தெலுங்கு தொலைக்காட்சித் தொடர்களில் நடித்து பிரபலமானவர்
பவித்ரா ஜெயராம். இவர் ரோபோ பேமிலி என்ற கன்னட படத்திலும்
நடித்திருக்கிறார்.

தற்போது, தமிழில் ஜீ தொலைக்காட்சியில் ஒளிபரப்பாகி வரும்
மாரி தொடரின் தெலுங்கு ரீமேக்கான திரியாயினி என்ற
தெலுங்கு தொடரிலும் பவித்ரா ஜெயராம் நடித்து வந்தார்.

திரியாயினி தொடரிலில் திலோத்தமா என்ற கதாபாத்திரத்தில்
நடித்து வந்த பவித்ரா ஜெயராமன், கடந்த திங்கட்கிழமை காரில்
சென்று கொண்டிருந்தபோது, ஆந்திர மாநிலம் மெகபூபா நகர்
அருகே விபத்தில் சிக்கி மரணமடைந்தார்.

நடிகை பவித்ரா சென்ற அதே காரில் பயணித்து சிறு
காயங்களுடன் உயிர் தப்பிய நடிகரும், அவரது காதலருமான
சந்திரகாந்த் தற்போது தற்கொலை செய்து கொண்டார்.
தற்கொலைக்கு முன்பு அவர் வெளியிட்ட வீடியோவில், பவித்ரா
கார் விபத்தில் மரணமடையவில்லை என அதிர்ச்சியான தகவலை
தெரிவித்துள்ளார்.

தெலுங்கில் திரியாயினி தொடரில் நடித்து வந்த பவித்ராவும்,
அதே சீரியலில் நடித்து வந்த சந்திரகாந்தும் திருமணம் செய்து
கொள்ளாமலே கணவன் – மனைவி போல் ஒரே வீட்டில் வாழ்ந்து
வந்துள்ளனர்.

இந்நிலையில், கடந்த சில நாட்களுக்கு முன்பு புதிதாக தெலுங்கு
சீரியல் ஒன்றில் நடிக்க வாய்ப்பு வந்ததால், இருவரும் பெங்களூரில்
இருந்து ஐதராபாத்துக்கு சென்று கொண்டிருந்ததாகவும்,
அதே காரில் பவித்ராவின் தங்கை முன் இருக்கையில் அமர்ந்திருந்ததாக
தெரிவித்துள்ளார்.

வேகமாக சென்று கொண்டிருந்த கார் பேருந்து ஒன்றை முந்த
முயன்றபோது, பக்கவாட்டில் உரசியதாகவும், இதனால்
அச்சமடைந்த ஓட்டுநர் காரை திருப்பியபோது, சாலையின் நடுவே
இருந்த டிவைடரில் மோதிவிட்டதாகவும் கூறியுள்ளார்.

இருப்பினும், அந்த விபத்தில் யாருக்கும் பெரிய அளவு காயம்
ஏற்படவில்லை என்றும், தனக்கு மட்டும் கை மற்றும் தலையில்
லேசான காயம் ஏற்பட்டு, ரத்தம் வழிந்ததாகவும், அதை பார்த்த
பவித்ராவுக்கு அதிர்ச்சியில் மாரடைப்பு ஏற்பட்டே அவர்
உயிரிழந்ததாகவும் சந்திரகாந்த் விளக்கம் அளித்துள்ளார்.

இதனால் பவித்ராவின் மரணம் தனக்கு மிகவும் வலியை
ஏற்படுத்திவிட்டதாகவும், அவரது இழப்பை தன்னால் தாங்கிக்
கொள்ளவே முடியவில்லை என்றும் சந்திரகாந்த் அந்த வீடியோவில்
கூறி கதறி அழுதுள்ளார்.

இதையடுத்து, அவர் தற்கொலை செய்து கொண்ட நிலையில், அவரது
சக நடிகர்களுக்கும், ரசிகர்களுக்கும் சோகத்தை ஏற்படுத்தியுள்ளது.

-நியூஸ் 18

விபத்தில் நடிகை பலி – சக நடிகரும் தற்கொலை செய்ததால் பரபரப்பு

விபத்தில் நடிகை பலி – சக நடிகரும் தற்கொலை செய்ததால் பரபரப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக