இன்று வைகாசி விசாகம்... நரசிம்ம ஜெயந்தி.. புத்த பூர்ணிமா... என்னென்ன சிறப்புக்கள், வழிபடும் முறை, பலன்கள்!

**ayyasamy ram** · **ayyasamy ram** Wed May 22, 2024 2:29 pm

---

இன்று வைகாசி விசாகம்.
அதே சமயம் வைகாசி மாதத்தின் பெளர்ணமியன்று தான்
நரசிம்ம ஜெயந்தியும் கொண்டாடப்படுகிறது.

இன்று வட இந்தியர்கள் புத்த பூர்ணிமாவைக் கொண்டாடி
வருகின்றனர். இத்தனை விசேஷங்கள் மிகுந்த இந்த நாளில் எப்படி
வழிபடுவது? என்னென்ன பலன்கள் என்று பார்க்கலாம் வாங்க.

ஒவ்வொரு தமிழ் மாதப் பௌர்ணமிக்கும் ஒவ்வொரு சிறப்பு உண்டு.
அந்த வகையில் வைகாசி மாதத்தில் வரும் பௌர்ணமியில் விசாக
நட்சத்திரமும் இணையும் நாள் வைகாசி விசாகமாக கொண்டாடப்
படுகிறது.

முருகனின் நட்சத்திரமான விசாகத்தில் தான் முருகப்பெருமான்
சிவபெருமானின் நெற்றி கண்ணில் இருந்து அவதரித்த நாளாக
அனுசரிக்கப்படுகிறது. அதே போல் இதே நாளில் தான் எமதர்மன்
அவதரித்த நாளாகவும் கூறப்படுகிறது.
விசாக நட்சத்திரம் ஆறு நட்சத்திரங்களின் கூட்டு என்கின்றன
ஜோதிட சாஸ்திரங்கள்.

வைகாசி விசாகம் முருகப்பெருமானுக்கு சிறப்பு வாய்ந்த தினமாக
இருப்பதாலும் நெருப்பிலிருந்து முருகன் அவதரித்ததாலும் முருகனை
குளிர்விக்க பக்தர்கள் பால்குடம் எடுத்து வழிபாடு செய்வதை
வழக்கமாகக் கொண்டுள்ளனர். முருகனின் அறுபடை வீடுகளிலும்
வைகாசி விசாகம் வெகுசிறப்பாக கொண்டாடப்படும். சிறப்பு
வழிபாடுகள் நடத்தப்படும்.
--
இன்று வைகாசி விசாகம்... நரசிம்ம ஜெயந்தி.. புத்த பூர்ணிமா... என்னென்ன சிறப்புக்கள், வழிபடும் முறை, பலன்கள்! 7079eb16d86a02375ec62db637129b43d62be4fea9bddc69b664da9e440ed399

இன்று வைகாசி விசாகம்... நரசிம்ம ஜெயந்தி.. புத்த பூர்ணிமா... என்னென்ன சிறப்புக்கள், வழிபடும் முறை, பலன்கள்! 7079eb16d86a02375ec62db637129b43d62be4fea9bddc69b664da9e440ed399

இந்நாளில் விரதம் இருந்து வழிபட்டால் நினைத்த காரியம் கைகூடும் ,
பகை விலகும் என்கின்றன ஜோதிட சாஸ்திரங்கள். பொதுவாக குழந்தை
பேறு கிடைக்க கந்த சஷ்டி விரதத்தை மேற்கொள்வதைப் போல் முருகன்
அவதரித்த இத்தினத்தில் விரதம் இருந்து வழிபாடுகளை மேற்கொண்டால்
முருகப்பெருமானே மகனாக பிறப்பார் என்ற நம்பிக்கை இருந்து
வருகிறது.

இன்று மே மாதம் 22ம் தேதி காலை 8:18 க்கு வைகாசி விசாகம் தொடங்கி
நாளை மே 23ம் தேதி 9:43 வரை நீடிக்கிறது. இந்நாளில் முருகப்பெருமானை
வழிபாடு செய்து கந்த சஷ்டி கவசம், கந்தர் அனுபூதி, திருப்புகழ் இவைகளை
படித்து வரலாம். இதனை படிக்க இயலாதவர்கள் முருகனுக்கு உரிய
மூல மந்திரமான ஓம் சரவணபவ என்று கூறினாலே போதும்.
முருகப்பெருமானின் பரிபூரண அருள் கிடைத்து விடும்.

எந்த ஒரு பிரச்சனை வந்தாலும் முருகனை வழிபாடு செய்தாலே
பிரச்சனைகள் அனைத்தும் தெறித்து ஓடிவிடும்.இந்த வைகாசி விசாகத்தில்
முருகப்பெருமானை மனம் உருகி வழிபாடு செய்து முருகப்பெருமானின்
அருளை பெறுங்கள். ஓம் சரவண பவ.

-தினமாலை & Dailyhunt

இன்று வைகாசி விசாகம்... நரசிம்ம ஜெயந்தி.. புத்த பூர்ணிமா... என்னென்ன சிறப்புக்கள், வழிபடும் முறை, பலன்கள்!

இன்று வைகாசி விசாகம்... நரசிம்ம ஜெயந்தி.. புத்த பூர்ணிமா... என்னென்ன சிறப்புக்கள், வழிபடும் முறை, பலன்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக