இன்று தேசிய சிவில் சர்வீஸ் தினம்!. வரலாறு, முக்கியத்துவம் என்ன?

**ayyasamy ram** · **ayyasamy ram** Sun 21 Apr 2024 - 12:26

National Civil Service Day2024:
நாட்டில் உள்ள பல்வேறு பொது சேவைத் துறைகளில் பணிபுரியும்
அதிகாரிகளின் பணியை அங்கீகரிக்கும் வகையில் ஒவ்வொரு
ஆண்டும் ஏப்ரல் 21ஆம் தேதி இந்த தினம் அனுசரிக்கப்படுகிறது.

குடிமக்களுக்கு சேவை செய்ய அர்ப்பணிப்புடன் நாட்டின்
நிர்வாகத்தை கூட்டாக இயக்க அரசு ஊழியர்களுக்கு இந்த நாள்
நினைவூட்டுகிறது. இந்தியாவில் சிவில் சர்வீஸ் என்பது இந்திய
நிர்வாக சேவை (IAS), இந்திய போலீஸ் சர்வீஸ் (IPS),
இந்திய வெளியுறவு சேவை (IFS) என உள்ளது. இந்த நாளில்
அதிகாரிகள் வரும் ஆண்டிற்கான திட்டங்களை உருவாக்குகிறார்கள்.

இந்த நாள் உருவான வரலாறு: சிவில் சர்வீஸ் வார்த்தை பிரிட்டிஷ்
கிழக்கிந்திய கம்பெனியின் சிவிலியன் ஊழியர்கள் நிர்வாக
வேலைகளில் ஈடுபட்டு, ‘பொது ஊழியர்கள்’ என்று அழைக்கப்பட்ட
பிரிட்டிஷ் காலத்திலிருந்தே தொடங்குகிறது.

அதன் அடித்தளம் வாரன் ஹேஸ்டிங்ஸால் போடப்பட்டது.
பின்னர் சார்லஸ் கார்ன்வாலிஸால் மேலும் சீர்திருத்தங்கள்
செய்யப்பட்டன.

எனவே அவர் “இந்தியாவில் சிவில் சேவைகளின் தந்தை” என்று
அழைக்கப்பட்டார். 1947 ஆம் ஆண்டு சுதந்திர இந்தியாவின் முதல்
உள்துறை அமைச்சரான சர்தார் வல்லபாய் படேல், டெல்லியில் உள்ள
மெட்கால்ஃப் ஹவுஸில் நிர்வாக சேவைகள் அதிகாரிகளிடம்
உரையாற்றிய நாளின் நினைவாக ஏப்ரல் 21 ஆம் தேதி
தேர்ந்தெடுக்கப்பட்டது.

அவர் அரசு ஊழியர்களை ‘இந்தியாவின் எஃகு சட்டகம்’ என்று
குறிப்பிட்டார். அதாவது, பல்வேறு துறைகளில் அல்லது அரசின் பல்வேறு
நிலைகளில் பணிபுரியும் அரசு ஊழியர்கள் நாட்டின் நிர்வாக அமைப்பின்
துணைத் தூண்களாக செயல்படுகின்றனர்.

-1 நியூஸ் நேஷன்
&டெய்லி ஹண்ட்

இன்று தேசிய சிவில் சர்வீஸ் தினம்!. வரலாறு, முக்கியத்துவம் என்ன?

இன்று தேசிய சிவில் சர்வீஸ் தினம்!. வரலாறு, முக்கியத்துவம் என்ன?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக