குலதெய்வ வழிபாடு: பங்குன உத்திர நன்னாளில் குலதெய்வ வழிபாடு செய்வதன் நுணுக்கங்கள்

**ayyasamy ram** · **ayyasamy ram** Fri Mar 22, 2024 1:11 pm

--
ஒரு குலத்தையே, தலைமுறை தலைமுறையாக கட்டிக் காக்கும்
தெய்வத்தை வழிபடுவது என்பது அவரவர் குடும்பம், சமூகம்,
இனம், ஊர் ஆகியவற்றுக்கு ஏற்றவாறு மாறுபடும்.

ஒவ்வொரு மாதமும் பல விசேஷங்கள் மற்றும் சுப திதிகள்
ஏற்படும். அதில், சில நாட்களில் குலதெய்வ வழிபாடு செய்வது
மிக விசேஷமாகும். உதாரணமாக மாசி மாதத்தில் குலதெய்வ
வழிபாடு செய்வதை அனைவருமே பின்பற்ற வேண்டும்.

அதேபோல பங்குனி மாதத்தில் பௌர்ணமி நாளில் பங்குனி
உத்திரம் நட்சத்திரம் வரும். பங்குனி உத்திரமும்
பௌர்ணமையும் சேர்ந்து வரும் இந்த சுபிட்சமான நாளில்
குலதெய்வத்தை வழிபடுவது, குலதெய்வத்தின் அருள்
முழுமையாக கிடைக்கும் என்பது ஐதீகம்.

பங்குனி உத்திரம் அன்று சூரியன் குரு பகவானின் வீடான மீன
ராசியிலும், சந்திரன் உத்திர நட்சத்திரத்தில் புதனின் வீடான
கன்னி ராசியிலும் எதிரெதிராக சஞ்சரிப்பார்கள்.

குரு பகவானின் வீட்டில் சூரியன் சஞ்சரிக்கும் காலத்தில் வரும்
அம்மாவாசை மற்றும் பௌர்ணமி அன்று குலதெய்வ வழிபாடு
செய்வது என்பது குலதெய்வத்தின் கடாட்சத்தை பரிபூரணமாக
பெற உதவும்.

பங்குனி உத்திரம் அன்று பல தெய்வங்கள் அவதரித்த நாளாகும்.
அதே போல பெரும்பாலான தெய்வங்களுக்கு திருக்கல்யாணம்
நடந்ததும் பங்குனி உத்திர நன்னாளில் தான் என்பது
குறிப்பிடத்தக்கது. இத்தகைய புனிதமான நாளில் குளத்தை
காக்கும் குலதெய்வத்தை எவ்வளவு கஷ்டப்பட்டாவது வழிபாடு
செய்வது என்பது இதுவரை இருந்து வந்த தோஷங்கள் தடைகள்
ஆகியவற்றை நீக்கி, பல பேறுகளைக் கொடுக்கும்.

குலதெய்வ வழிபாடு என்பது, நீங்களும் தற்போது உங்களுடைய
தலைமுறையும் வணங்கும் தெய்வம் மட்டும் கிடையாது. உங்கள்
தாத்தா பாட்டனார் அவரது பாட்டனார் என்று பல அம்சங்களாக
வணங்கி வந்த தெய்வத்தை தான் குறிக்கின்றது. எனவே உங்கள்
வேண்டுதல்கள் மட்டுமல்லாமல் உங்களுடைய மூதாதையர்களின்
வேண்டுதல்களும். பிரார்த்தனைகளும் குலதெய்வக் கோவிலில்
அங்கு நிறைந்திருக்கும்.

குலதெய்வம் கோவிலுக்கு அமாவாசை மற்றும் பௌர்ணமி அன்று
செல்வது மிக மிக விசேஷமானது. அதிகமான சக்தி கொண்ட இந்த
நாட்களில் குலதெய்வ கோவிலுக்கு சென்று நீங்கள் குலதெய்வம் முன்
நின்று பிரார்த்தனை செய்யும் பொழுது உங்களுடைய வம்சாவளியினர்
அனைவருமே உங்களுக்கு உடனிருந்து ஆசி வழங்குவார்கள்.

அதுவும் பங்குனி உத்திரம் மிக மங்களகரமான நாள் என்பதால் இந்த
நாளில் குலதெய்வம் வழிபாடு செய்வது அவசியம் என்று பல
சமூகங்களில் பல குடும்பங்களில் இன்று வரை கடைபிடிக்கப்பட்டு
வருகிறது.

குலதெய்வ வழிபாடு என்பது உங்களுக்கான தற்போதைய
தலைமுறைக்கு மட்டுமல்லாமல் கடந்த தலைமுறை நீட்சியாகவும்
எதிர்கால தலைமுறைகளுக்கான அடித்தளமாகவும் இருக்கும்.

எனவே நம்முடைய முன்னோர்களின் வேண்டுதல்களும்
பிரார்த்தனைகளும், தெய்வ ஆசியுடன் நமக்கு வந்து சேரும். நம்முடைய
பிரார்த்தனைகளும் நம்முடைய ஆசிகளும் அடுத்த சந்ததிக்கு சென்று
சேரும்.

பங்குனி உத்திரம் அன்று குலதெய்வ கோவிலுக்கு சென்று அவரவர்
வழக்கப்படி அபிஷேகம் கிடா வெட்டுவது வழி கொடுப்பது என்று
வஸ்திரங்கள் மாலை சாற்றி வழிபடுவது என்று வழிபட்டால் சகல
செல்வங்களும் கிடைக்கும் என்பதும் ஐதீகம். அதுமட்டுமில்லாமல் நோய்
நொடிகள் நீங்கும், கடன் அடையும் புதிய தொழில் நல்ல வளர்ச்சி பெறும்,
எதிரிகள் காணாமல் போவார்கள்.

வீட்டில் திருமண தடை தொழில் தடை சொத்து வாங்குவதில் இருந்த தடை
ஆகியவை விலகுவதை கண்கூடாக காண முடியும். ஒட்டுமொத்தமாக
குடும்பம் மகிழ்ச்சியாகவும் சுபிட்சமாகவும் மாறும்.

2024 பங்குனி உத்திரம் தேதி மற்றும் நேரம்
பங்குனி மாதம் உத்திர நட்சத்திரம் மார்ச் 24 ஞாயிற்றுக்கிழமை
காலை 11 மணிக்கு தொடங்கி திங்கட்கிழமை மார்ச் 25 வரை
இருக்கிறது. அதேபோல பங்குனி மாதம் வரும் பௌர்ணமியும்
ஞாயிற்றுக்கிழமை முற்பகல் துவங்கி திங்கட்கிழமை பிற்பகல்
2 மணி வரை நீடிக்கிறது.

ஞாயிற்றுக்கிழமையை உத்திர நட்சத்திரம் பங்குனி பௌர்ணமியும்
ஏற்பட்டால் கூட உதய நாழிகையாக திங்கட்கிழமை அன்று தான்
இவை இரண்டும் தோன்றுவதால், பங்குனி உத்திரம் மார்ச் 25 திங்கட்
கிழமை அன்று கொண்டாடப்படுகிறது.

இயன்றவரை மார்ச் 25ஆம் தேதி குலதெய்வ கோவில் சென்று
வழிபடலாம் அல்லது முடியாதவர்கள் மார்ச் 24 ஞாயிற்றுக்கிழமை
அன்று காலை 11 மணிக்கு சென்று வணங்கலாம்.

-டைம்ஸ் நவ் & Dailyhunt

குலதெய்வ வழிபாடு: பங்குன உத்திர நன்னாளில் குலதெய்வ வழிபாடு செய்வதன் நுணுக்கங்கள்

குலதெய்வ வழிபாடு: பங்குன உத்திர நன்னாளில் குலதெய்வ வழிபாடு செய்வதன் நுணுக்கங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக