500 கிலோ போலி இஞ்சி - பூண்டு பேஸ்ட் விற்பனை... அதிகாரிகள் ஷாக்!

**ayyasamy ram** · **ayyasamy ram** Mon Mar 18, 2024 8:15 am

--------

5 ரூபாய்க்கு கடையில் வாங்கி, நாம் அன்றாடம்
பயன்படுத்தும் இஞ்சி - பூண்டு பேஸ்ட்டை போலியாக தயாரித்து
விற்ற சம்பவம் ஐதராபாத்தில் அதிர்ச்சியை ஏற்படுத்தியுள்ளது.

இஞ்சி, பூண்டு ஆகியவை எப்போது சற்று விலை அதிகமான
உணவுப் பொருட்கள்தான் என்பதால், வெறும் 5 ரூபாய்க்கு
கிடைக்கும் இஞ்சி - பூண்டு பேஸ்டுகளையே நாம் அதிகளவில்
வாங்கி பயன்படுத்துகிறோம்.

இந்நிலையில், தெலங்கானாவில் பல மாவட்டங்களில் போலி
இஞ்சி - பூண்டு பேஸ்ட் விற்கப்படுவதை அறிந்த அதிகாரிகள்,
அவற்றை பரிசோதனை செய்தபோது அதிர்ந்துபோனார்கள்.

ஏனெனில், அதில் இஞ்சி, பூண்டுக்கு பதிலாக, மனிதனின் உடலுக்கு
ஆபத்தை விளைவிக்கும் வகையில் ரசாயனங்கள் கலக்கப்
பட்டிருந்ததே அதற்கு காரணம். இதையடுத்து, சோதனையைத்
தீவிரப்படுத்திய உணவுப் பாதுகாப்புத்துறை அதிகாரிகள், ஐதராபாத்
ராஜேந்திர் நகர் பகுதியில் செயல்பட்டு வந்த இஞ்சி - பூண்டு பேஸ்ட்
தயாரிக்கும் ஆலையில் ஆய்வு மேற்கொண்டனர்.

அப்போது, இஞ்சி, பூண்டுக்குப் பதிலாக, சோடியம் பென்சோயேட்
ரசாயனம், அழுகிய பூண்டுகள், கம் பவுடர் மற்றும் ரசாயன வண்ணப்
பொடிகளை கொண்டு தயாரித்த 3 ஆயிரத்து 500 கிலோ போலி
இஞ்சி - பூண்டு கலவையை பறிமுதல் செய்தனர்.

போலியான இந்த இஞ்சி - பூண்டு பேஸ்டை தயாரித்து, தெலங்கானாவில்
பிரபலமாக இருக்கும் ரோஷன் மற்றும் மாஸ் டயமண்ட் ஆகிய
நிறுவனங்களின் பெயர்களில் விற்று வந்ததையும் அதிகாரிகள்
கண்டறிந்தனர்.

இதையடுத்து, அவற்றை பறிமுதல் செய்த அதிகாரிகள், போலியாக
இஞ்சி பூண்டு பேஸ்ட் தயாரித்து விற்ற முகமது அகமது என்ற நபரையும்
கைது செய்தனர். கடந்த சில நாட்களுக்கு முன்பு குஜராத்தை சேர்ந்த
கும்பல், இதே ஐதராபாத்தில் போலி இஞ்சி - பூண்டு பேஸ்ட் தயாரித்து
விற்பனை அறிந்த அதிகாரிகள், பாண்டுரங்க ராவ், ரஹீம், அஜய்குமார்,
அஹர் ஆகிய 4 பேரை கைது செய்தனர்.

இதைத்தொடர்ந்து, தற்போது மேலும் ஒரு தொழிற்சாலையை கண்டறிந்து,
ஒரு நபரையும் கைது செய்துள்ளனர். இதையடுத்து, 5 ரூபாயில் விற்கப்படும்
இஞ்சி - பூண்டு பேஸ்டுகளை சரியாக பார்த்து வாங்கி பயன்படுத்த
வேண்டும் என அறிவுறுத்துகிறார்கள் அதிகாரிகள்.
-
நன்றி- நியூஸ் 18
Dailyhunt

500 கிலோ போலி இஞ்சி - பூண்டு பேஸ்ட் விற்பனை... அதிகாரிகள் ஷாக்!

500 கிலோ போலி இஞ்சி - பூண்டு பேஸ்ட் விற்பனை... அதிகாரிகள் ஷாக்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக