பன்னீர் ரோஜா - மருத்துவ பயன்கள்

by **ayyasamy ram** Fri Feb 23, 2024 9:31 pm

--
பன்னீர் ரோஜா
ரோஜாவிற்கு பன்னீர்ப்பூ, சிற்றாமரை என்ற பெயர்களும்
உண்டு.

இந்த இதழ்களை எட்டு பங்கு தண்ணீரில் இட்டு ஒரு பங்காக
காய்ச்சி காலை, மாலை வெறும் வயிற்றில் குடித்து வர பி.பி
என்கிற இரத்த அழுத்தம் பத்தே நாட்களில் குணமாகும்.

ஆவாரம்பூ, ரோஜா மொக்கு, யானை நெருஞ்சில் - இவற்றை
சம அளவு எடுத்து உலர்த்தி பொடி செய்து, பொடியை பாலுடன்
கலந்து காய்ச்சி, தினமும் காலை, மாலை குடித்து வர
சர்க்கரைநோயின் அளவு குறைந்து குணமாகும்.

வெற்றிலை பாக்கு போட்டுக் கொள்ளும் பழக்கம் உள்ளவர்கள்
வெற்றிலை பாக்கு போட்டுக்கொள்ளும்போதே, அதனுடன்
சிறிது ரோஜா இதழ்களையும் சேர்த்து மென்றுவர வாய்
துர்நாற்றம் வராது.

ரோஜா இதழ்களை நிழலில் உலர்த்தி ஒரு சட்டியில் நீர்விட்டு
காய்ச்சி வடிகட்டி ஒரு டம்ளார் காலை, மாலை குடித்து வர
கர்ப்பிணிகளுக்கு ஏற்படும் நீர்க்கட்டு சரியாகும். வாய்ப்புண்ணும்
குணமாகும்.

ரோஜா இதழ்களை ஒரு கைப்பிடி அளவு எடுத்து காலை, மாலை
சாப்பிட்டு வர சீதபேதி இரண்டு நாளில் குணமாகும்.

உலர்ந்த ரோஜா மொக்கு, சதக்குப்பை ஆகியவற்றை சமஅளவு
எடுத்து இடித்து. ஒரு சட்டியில் 500 மில்லி லிட்டர் தண்ணீரை நன்றாக
காய்ச்சி, அதில் இடித்த தூளைப் போட்டு மூடி வைக்கவும். 3 மணி
நேரம் கழித்து வடிகட்டி அதை குடித்துவர, சூட்டினால் ஏற்படும்
வயிற்றுவலி, அல்சர் ஆகியவை குணமாகும்.

ரோஜா மொக்கு, நிலவாகை இலை, சுக்கு, கிராம்பு 1/4 ,உலர்த்தி, ,
4 பங்கு நீர்விட்டு காய்ச்சி ஒரு பங்காக வற்ற வைக்கவும். இதனை
இரவில் செய்து வைத்து, அதிகாலையில் வெறும் வயிற்றில்
வடிகட்டி குடித்துவர மலச்சிக்கல் நீங்கும். மேலும், மூலநோய், உடல்
களைப்பு ஆகியன குணமாகும்.

ரோஜா இதழ்களை தேனிலோ அல்லது சர்க்கரை பாகிலோ ஊற
வைத்து தினமும் சாப்பிட்டுவர இதயம் வலிமை பெறும்.

தலைவலி எந்த பக்கம் இருக்கிறதோ, அதற்கு நேரெதிர் நாசி
துவாரத்தில் ரோஜா சாற்றை 2 துளிவிட உடனே தலைவலி மறைந்து
போகும்.

ரோஜா பூ இதழ்களிலிருந்து குடிநீர் செய்து, வாய் கொப்புளிக்க
வாய்ப்புண் குணமாகும்.

புண்கள் குணமாக ரோஜா பூ இதழ்களிலிருந்து குடிநீர் செய்து,
பாதிக்கப்பட்ட இடத்தைக் கழுவ வேண்டும்.

ஒரு பங்கு ரோஜா பூ இதழ்களின் எடையோடு, இருபங்கு எடை
கற்கண்டு சேர்த்துப் பிசைந்து, பசையாக்கி, சிறிதளவு தேன் கலந்து
5 நாட்கள் வெயிலில் வைக்க கிடைப்பது ரோஜா குல்கந்து ஆகும்.

காலை, மாலை சுண்டைக்காய் அளவு ரோஜா குல்கந்து சாப்பிட்டுவர,
மலச்சிக்கல், வெள்ளைப்படுதல் போன்றவை குணமாகும். ஒரு
மாதத்திற்கு மேல் தொடர்ச்சியாகச் சாப்பிட்டுவர இதயம், கல்லீரல்,
நுரையீரல், குடல் போன்றவை உறுதியடையும்.

ரோஜா இதழ்களை ஒரு கைப்பிடி அளவு காலை மாலை வாயிலிட்டு
மென்று சாப்பிட வயிற்றுக்கடுப்பு சீதபேதி குணமாகும். வாய்ப்புண்
குடல்புண் ஆறும். பெண்களுக்கு ஏற்படும் வெள்ளைப்போக்கு நிற்கும்.
கர்ப்பிணி பெண்களுக்கு சிறுநீர் எளிதாகப் பிரியும்.

ரோஜா இதழ்களை வெற்றிலைப் பாக்குடன் சேர்த்து சாப்பிட வாய் துர்
நாற்றம் அகலும்.
-
நன்றி- முகநூல் (மூலிகைகளும் பயன்களும்)

[/size]