பறவைகள் - மனிதத்தின் தூதர்கள்

ஈகரை தமிழ் களஞ்சியம் :: கவிதைக் களஞ்சியம் :: சொந்தக் கவிதைகள்

Page 1 of 1 •

பறவைகள் - மனிதத்தின் தூதர்கள்

#1384284

nagastra
புதியவர்: பதிவுகள் : 8
இணைந்தது : 10/09/2023

Post nagastra Sat Feb 03, 2024 9:51 pm

உயரத்தின் பயம் அறியாதவைகள்
துயரத்தின் சாயமிலா பறவைகள்
உயரம் பழகியவருக்கு வானமேகூரை
அயராத மரங்களே‌ ஞானத்தின்வீடு..!

உழவின் மணம்வீசும் வயல்களும்
உழவின் நண்பராம் ஆடுமாடுகளும்
எங்கோபறக்கும் கொக்கு நாரைகளை
தங்களை நோக்கிக் கவர்ந்திழுக்கிறது..!

கண்டம் தாண்டும் பறவைக்கெல்லாம்
உண்டாம் வனமிகு வேடந்தாங்கல்
காடுகளின் உறவைப் புதுப்பித்து
நாடுகள் தாண்டியும்நடும் நட்புவித்தை..!

சிறுஅலகில் மிகச்சிறு மரக்குச்சியோடும்
குறுவயிற்றில் மாபெரும் மரத்தோடும்
பெருமிதத்துடன் மரம்அமர்கிறது பறவை
இருத்தலின் அவசியம் உணர்ந்ததாய்..!

மரம் நடுவிழாவில் விட்டுப்போகும்
பெரும் நன்றிப்பட்டியலில் ஒன்றாகவே
சிறக்கிறது விதைதூவும் சிறுபறவையும்..
சிறகுவிரிக்கிறது இதையுணரும் மனிதப்பறவையும்..!

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: கவிதைக் களஞ்சியம் :: சொந்தக் கவிதைகள்

Page 1 of 1