பகல் தூக்கம் நல்லதா?

**சிவா** · **சிவா** Sun Aug 30, 2015 1:48 am

பகலில் தூங்கினால் உடல் குண்டாகிவிடும். இதுதான் பலரின் கருத்து. ஆனால், அது தவறு என்கின்றன, ஆய்வுகள். வயிறு நிறைய உணவு சாப்பிட்டுவிட்டு, அளவுக்கு அதிகமாக தூங்கினால் தான் ஆபத்து என்று ஆய்வுகள் தெரிவிக்கின்றன.

பொதுவாக நமது உடல் ஒரு நாளைக்கு இரண்டு வேளை தூங்கும் விதமாகத் தான் படைக்கப்பட்டிருக்கிறது. இரவில் 8 மணி முதல் 8 மணி நேரம் தூங்க வேண்டும். காலை முதல் மதியம் வரை உடல் அல்லது மூளைக்கு கடுமையான வேலை கொடுக்கும் போது, சற்று ஆசுவாசப்படுத்திக் கொள்ள மூளையோ, உடலோ தானாகவே ஓய்வு கேட்கும். அந்த நேரத்தில் எல்லாவற்றையும் மறந்து விட்டு அரைமணி நேரம் குட்டித் தூக்கம் போட்டால், உடலும், மூளையும் மீண்டும் சுறுசுறுப்பாகி விடுகின்றன.

இப்படி போடும் பகல் குட்டித்தூக்கம் மூளையின் செயல்பாட்டைக் கூட்டுவதாக கலிபோர்னியா பல்கலைக்கழக ஆய்வு முடிவு தெரிவிக்கிறது. 39 பேரிடம் இந்த ஆய்வை மேற்கொண்டார்கள். அப்போது பகலில் தூங்கினால் மூளை செயல்பாடு அதிகரித்து அறிவுத்திறன் வளரும் என்பது தெரியவந்தது. ஆய்வுக்குட்படுத்தப்பட்ட 39 பேரை, இரவு நேரத்தில் நன்றாக தூங்க வைத்து பகல் நேரத்தில் நீண்ட நேரம் படிக்க வைத்தனர்.

அதே நேரத்தில் சுமார் 20 பேரை பகலில் 90 நிமிடம் மட்டும் சிறிய அளவில் தூங்க வைத்தார்கள். இவர்களின் செயல் திறன் பின்னர் பரிசோதிக்கப்பட்டது. இதில் இரவில் மட்டுமே தூங்கியவர்களை விட பகலில் சிறிது நேரம் தூங்கியவர்களின் மூளை செயல்பாட்டுத்திறன் அதிகரித்து காணப்பட்டது. இந்த சோதனையை பலமுறை மேற்கொண்ட போதிலும், ஒரே முடிவுதான் வந்தது.

மேலும் பகல் நேரத்தில் தூங்குவது இதயத்துக்கு நல்லது என்று அமெரிக்காவின் பென்சில்வேனியா கல்லூரி பேராசிரியர்கள் ரியான் பிரிண்டில், சாராகாங்கிளின் ஆகியோரும் கண்டறிந்துள்ளனர். இவர்கள் 85 மாணவர்களிடம் மேற்கொண்ட ஆய்வில் இது தெரிய வந்தது.

இவர்களால் ஆய்வுக்கு உட்படுத்தப்பட்ட மாணவர்களில் ஒரு பகுதியினரை பகலில் ஒரு மணி நேரம் தூங்கும்படியும், மற்றொரு பகுதியினரை பகலில் தூங்காமல் இருக்கும்படியும் செய்து ஆய்வு மேற்கொண்டனர்.

ஆய்வின் முடிவில் பகலில் ஒரு மணி நேரம் தூங்கினால் ரத்த அழுத்தம் குறைவது உறுதி செய்யப்பட்டது. பகலில் தூங்குவதன் மூலம் இதயநோய் தாக்குவது தடுக்கப்படுகிறது என்பது தெரியவந்தது.

இந்த இரண்டு ஆய்வுகளுமே இன்னொரு எச்சரிக்கையையும் கொடுத்துள்ளன. பகலில் குட்டித்தூக்கம் மட்டுமே பயன்தரும். அதைவிட்டு ஒரு மணி நேர தூக்கமானது, அதிக நேரம் நீடித்துக் கொண்டே போனால், அவர்களுக்கு நீரிழிவு நோய் ஏற்பட வாய்ப்பு அதிகம் என்பதுதான் அந்த எச்சரிக்கை. பகலில் அளவாகத் தூங்கினால் நலமாக வாழலாம்.

தினத்தந்தி

**krishnaamma** · **krishnaamma** Sun Aug 30, 2015 1:56 am

//பகலில் அளவாகத் தூங்கினால் நலமாக வாழலாம். //
ஜாலி

சிவனாசான் · சிவனாசான் Sun Aug 30, 2015 7:22 am

தூக்கம் என்பது மூளைக்கு ஓய்வு. எனவே தூக்கம் வரும்போது தூங்கி எழுவது நல்லதே..............

Namasivayam Mu · Namasivayam Mu Sun Aug 30, 2015 8:02 am

இருபத்து ஐந்து ஆண்டுகாலமாக இரவில் மருத்துவர் ஆலோசனையின்படி தூக்கமாத்திரை சாப்பிட்டு வருகிறேன். நல்ல பூரண தூக்கம் கிடைக்கிறது. எப்பொழுதாவது பகலில் ஒருமணிநேரம் தூங்கிவிட்டால் அவ்வளவுதான் . தூக்க மாத்திரை சாப்பிட்டும் பயன் இருக்காது. இரவு முழுவதும் விழித்திருக்க வேண்டியதுதான். அது கொடுமையிலும் கொடுமை.அதிகாலை மூன்று அல்லது நான்கு மணிக்குத்தான் தூக்கம் வரும் .அதுவும் திருப்தியாக இருக்காது.எனவே பகலில் தூங்குவதை தவிர்த்து வருகிறேன்.

**T.N.Balasubramanian** · **T.N.Balasubramanian** Sun Aug 30, 2015 1:52 pm

பகலில் என்று இல்லை இரவிலும் ,
எந்தன் தேகக் கடிகை கூறுவதற்கு ஏற்ப ,
தூக்கத்திற்கு மரியாதை செலுத்துகிறேன் .
எந்தன் ஒரே நம்பிக்கை ,
எந்தன் உடலுக்குத் தெரியும் எப்போது ஓய்வு கொள்ளவேண்டும்
என்ற எண்ணம்தான் .
சில நாள் மதியம் 2 மணிக்கும் /3 மணிக்கும் /4 மணிக்கும் கூட
ஓய்வு எடுக்க போயிருக்கேன் .
தூக்கத்தின் மீது எனக்கு அதீத மரியாதை உண்டு .
மதியத் தூக்கம் புத்துணர்ச்சிதனை தருகிறது .
அந்த ஆழ்ந்த உறக்கத்தில் ,
வியாபார நோக்க டெலிபோன் அழைப்புகள் ,
எந்தன் கோபத்தை தூண்டக்கூடியவையே !

ரமணியன் .

வேல்முருகன் · வேல்முருகன் Sun Aug 30, 2015 2:48 pm

**M.Jagadeesan** · **M.Jagadeesan** Sun Aug 30, 2015 4:14 pm

Namasivayam Mu wrote:இருபத்து ஐந்து ஆண்டுகாலமாக இரவில் மருத்துவர் ஆலோசனையின்படி தூக்கமாத்திரை சாப்பிட்டு வருகிறேன். நல்ல பூரண தூக்கம் கிடைக்கிறது. எப்பொழுதாவது பகலில் ஒருமணிநேரம் தூங்கிவிட்டால் அவ்வளவுதான் . தூக்க மாத்திரை சாப்பிட்டும் பயன் இருக்காது. இரவு முழுவதும் விழித்திருக்க வேண்டியதுதான். அது கொடுமையிலும் கொடுமை.அதிகாலை மூன்று அல்லது நான்கு மணிக்குத்தான் தூக்கம் வரும் .அதுவும் திருப்தியாக இருக்காது.எனவே பகலில் தூங்குவதை தவிர்த்து வருகிறேன்.

மேற்கோள் செய்த பதிவு: 1159682

25 ஆண்டுகாலமாகத் தூக்கமாத்திரை சாப்பிடக்கூடிய அளவுக்கு என்ன வியாதி உங்களுக்கு ? தூக்க மாத்திரை என்பது தற்காலிகமாகப் பயன்படுத்தவேண்டிய ஒன்று . அதை நிரந்தரமாகப் பயன்படுத்தினால் , பக்க விளைவுகள் அதிகமாக இருக்குமே !

**krishnaamma** · **krishnaamma** Mon Aug 31, 2015 12:19 am

P.S.T.Rajan wrote:தூக்கம் என்பது மூளைக்கு ஓய்வு. எனவே தூக்கம் வரும்போது தூங்கி எழுவது நல்லதே..............

............நானும் இதையே தான் சொல்வேன் ராஜன் அண்ணா புன்னகை

.............. நடனம்

**krishnaamma** · **krishnaamma** Mon Aug 31, 2015 12:20 am

Namasivayam Mu wrote:இருபத்து ஐந்து ஆண்டுகாலமாக இரவில் மருத்துவர் ஆலோசனையின்படி தூக்கமாத்திரை சாப்பிட்டு வருகிறேன். நல்ல பூரண தூக்கம் கிடைக்கிறது. எப்பொழுதாவது பகலில் ஒருமணிநேரம் தூங்கிவிட்டால் அவ்வளவுதான் . தூக்க மாத்திரை சாப்பிட்டும் பயன் இருக்காது. இரவு முழுவதும் விழித்திருக்க வேண்டியதுதான். அது கொடுமையிலும் கொடுமை.அதிகாலை மூன்று அல்லது நான்கு மணிக்குத்தான் தூக்கம் வரும் .அதுவும் திருப்தியாக இருக்காது.எனவே பகலில் தூங்குவதை தவிர்த்து வருகிறேன்.

25 வருஷமாகவா?..அடாடா................... சோகம்

**krishnaamma** · **krishnaamma** Mon Aug 31, 2015 12:22 am

T.N.Balasubramanian wrote:பகலில் என்று இல்லை இரவிலும் ,
எந்தன் தேகக் கடிகை கூறுவதற்கு ஏற்ப ,
தூக்கத்திற்கு மரியாதை செலுத்துகிறேன் .
எந்தன் ஒரே நம்பிக்கை ,
எந்தன் உடலுக்குத் தெரியும் எப்போது ஓய்வு கொள்ளவேண்டும்
என்ற எண்ணம்தான் .
சில நாள் மதியம் 2 மணிக்கும் /3 மணிக்கும் /4 மணிக்கும் கூட
ஓய்வு எடுக்க போயிருக்கேன் .
தூக்கத்தின் மீது எனக்கு அதீத மரியாதை உண்டு .
மதியத் தூக்கம் புத்துணர்ச்சிதனை தருகிறது .
அந்த ஆழ்ந்த உறக்கத்தில் ,
வியாபார நோக்க டெலிபோன் அழைப்புகள் ,
எந்தன் கோபத்தை தூண்டக்கூடியவையே !

ரமணியன் .