ரிலாக்ஸ் - சினிமா செய்திகள்

by **ayyasamy ram** Mon Jan 01, 2024 12:37 am

கவின் ஜோடியாக பிரீத்தி அஸ்ரானி
-
ரிலாக்ஸ் - சினிமா செய்திகள் 1176290

-
சசிகுமார் நடித்த ‘அயோத்தி’ படம் மூலம் தமிழ் சினிமாவில்
அறிமுகமானவர் பிரீத்தி அஸ்ரானி. தெலுங்கில் சில படங்களில்
நடித்துள்ள இவர், சன் டிவியில் ஒளிபரப்பான ‘மின்னலே’
தொடரிலும் நடித்திருந்தார்.

இவர் அடுத்து கவின் ஜோடியாக புதிய படம் ஒன்றில் நாயகியாக
நடிக்கிறார். ‘டாடா’ படத்தை அடுத்து கவின், ‘ஸ்டார்’ என்ற
படத்தில் நடித்து வருகிறார்.

இதையடுத்து அவர் சதீஷ் கிருஷ்ணன் இயக்கும் படத்தில் நடித்து
வருகிறார். இந்தப் படத்துக்கு 'கிஸ்' என்று தலைப்பு வைத்துள்ளனர்.

இதில் பிரீத்தி அஸ்ரானி நாயகியாக நடிக்கிறார்.
இது தொடர்பான அதிகாரப்பூர அறிவிப்பு விரைவில் வெளியாகும்
என் தெரிகிறது.
-
-இந்து தமிழ் திசை

by **ayyasamy ram** Mon Jan 01, 2024 12:39 am

ஆஹா தளத்தில் வெளியாகும் ‘செவப்பி’!
-
ரிலாக்ஸ் - சினிமா செய்திகள் 1176289

-
கிராமத்தில் வசிக்கும் ஐந்து வயது சிறுவனைச் சுற்றி நடக்கும்
நிகழ்வுகளை வைத்து உருவாகி இருக்கும் படம், ‘செவப்பி’.

இதை ராஜேஷ்வர் காளிசாமி, பிரசன்னா பாலச்சந்திரன்
தயாரித்துள்ளனர். எம்.எஸ்.ராஜா எழுதி இயக்கியிருக்கிறார்.
பூர்ணிமா ரவி, ரிஷிகாந்த், ராஜாமணி பாட்டி, ஷ்ரவன் அத்வேதன்,
டில்லி, செபாஸ்டியன் ஆண்டனி உட்பட பலர் நடித்துள்ளனர்.

மனோகரன் எம் ஒளிப்பதிவு செய்துள்ள இந்தப் படத்துக்கு
ஏ.பிரவீன் குமார் இசை அமைக்கிறார்.

ஒரு கோழியை நேசத்தோடு வளர்க்கிறான் சிறுவன்.
ஒரு கட்டத்தில் அதைப் பிரிய நேரிடுகிறது. இதனால் ஒன்றாக
வாழும் அந்தக் கிராமம் இரண்டாகப் பிரிந்து மோதிக்கொள்கிறது.

இறுதியில் அந்தச் சிறுவனும் கோழியும் ஒன்று சேர்ந்தார்களா?
என்பது கதை. கேரளாவுக்கும் தமிழ்நாட்டுக்கும் இடையே உள்ள
மத்திபாளையம் என்ற கிராமத்தில் இதன் படப்பிடிப்பு நடந்துள்ளது.

ஜன. 12-ம் தேதி ஆஹா தமிழ் ஓடிடி தளத்தில் இந்தப் படம்
நேரடியாக வெளியாகிறது.
-
-இந்து தமிழ் திசை

by **ayyasamy ram** Tue Jan 02, 2024 8:10 am

புத்தாண்டு நாளில் நடிகர் சந்தானம் செய்த செயல்.. பாராட்டி தள்ளும் ரசிகர்கள்!
-
ரிலாக்ஸ் - சினிமா செய்திகள் 18f2be439d611f3f94ac08c7903c6c78f561f4cfbe6eb2bd9caea2b4e9216d68

ரிலாக்ஸ் - சினிமா செய்திகள் 18f2be439d611f3f94ac08c7903c6c78f561f4cfbe6eb2bd9caea2b4e9216d68

-

சென்னை:
புத்தாண்டு தினத்தில் நடிகர் சந்தானம் செய்த ஒரு செயல்
இப்போது இணையத்தில் டிரெண்டாகி வருகிறது.
அது தொடர்பான வீடியோவும் இணையத்தில் டிரெண்டாகி
வருகிறது.

தமிழில் டிவியில் உள்ள பெரும்பாலான நட்சத்திரங்களுக்குத்
தமிழ் சினிமாவில் ஒரு இடத்தை பிடிக்க வேண்டும் என்பதை
அடுத்தகட்ட இலக்காக இருக்கும். ஆனால், அனைவருக்கும்
இது ஈஸியாக அமைவதில்லை.

முதலில் டிவியில் இருந்து செல்பவர்களால் சினிமாவில்
சாதிக்கவே முடியாது என்ற நிலையை மாற்றியவர் சந்தானம்..
சின்னதிரையில் அறிமுகமாகி தமிழ் சினிமாவில் முன்னணி
காமெடியனாக உயர்ந்தவர் சந்தானம்,

சந்தானம்:
கடந்த 2016இல் சிம்பு, நயன்தாரா நடித்த
'இது நம்ம ஆளு' படத்திற்குப் பிறகு காமெடியனாக நடிப்பதை
நிறுத்திவிட்டார். அதன் தவிர்த்து, ஹீரோவாக மட்டுமே நடிக்கத்
தொடங்கினார். அவர் நடிப்பில் வெளியான 'தில்லுக்கு துட்டு',
'டிடி ரிட்டர்ன்ஸ்' உள்ளிட்ட படங்கள் நல்ல வரவேற்பையும்
பெற்றது.

இதன் மூலம் அவர் முன்னணி நாயகனாக உயர்ந்தார். சமீபத்தில்
இவரது நடிப்பில் '80ஸ் பில்டப்' திரைப்படம் வெளியாகி நல்ல
வரவேற்பைப் பெற்றிருந்தது. 2024ஆம் ஆண்டிலும் அவரது நடிப்பில்
படங்கள் வெளியாக ரெடியாக உள்ளது.

செம செயல்:
புத்தாண்டை பொதுவாக பார்ட்டி, சுற்றுலா என்று தான் பலரும்
கொண்டாடுவார்கள். ஆனால், புத்தாண்டில் நடிகர் சந்தானம் செய்த
செயலை ரசிகர்கள் பலரும் பாராட்டி வருகின்றனர். விவசாயம் மீது
அதீத ஆர்வம் கொண்ட சந்தானம், புத்தாண்டு தினத்தில் மரம் நடும்
வீடியோவை தனது இன்ஸ்டாகிராம் பக்கத்தில் பகிர்ந்துள்ளார்.

-தமிழ் ஒன் இந்தியா & Dailyhunt

by Sponsored content

ரிலாக்ஸ் - சினிமா செய்திகள்

ரிலாக்ஸ் - சினிமா செய்திகள்

Re: ரிலாக்ஸ் - சினிமா செய்திகள்

Re: ரிலாக்ஸ் - சினிமா செய்திகள்

Re: ரிலாக்ஸ் - சினிமா செய்திகள்