இன்றைய செய்திகள்

**ayyasamy ram** · **ayyasamy ram** Mon 1 Jan 2024 - 1:51

புத்தாண்டு தினத்தில் உலக மக்கள் தொகை 800 கோடியை தொடும்
-
இன்றைய செய்திகள் 1176281

-
வாஷிங்டன்:
அமெரிக்காவைச் சேர்ந்த மக்கள்தொகை கணக்கெடுப்பு அலுவலகம்
வெளியிட்டுள்ள அறிக்கையில் கூறியிருப்பதாவது:

உலக மக்கள் தொகையில் கடந்த ஓராண்டில் 7 கோடியே 50 லட்சம் பேர்
அதிகரித்தனர். வரும் புத்தாண்டு தினத்தில் உலக மக்கள் தொகை
800 கோடியை தொடும். உலகம்முழுவதும் குழந்தை பிறப்பு வினாடிக்கு
4.3 ஆகவும், இறப்பு 2 ஆகவும் இருக்கும் என எதிர்பார்க்கப்படுகிறது.

அமெரிக்க மக்கள் தொகையில் கடந்த ஓராண்டில் 17 லட்சம் பேர்
அதிகரித்தனர். புத்தாண்டில் அமெரிக்க மக்கள் தொகை 33 கோடியே
58 லட்சமாக இருக்கும்.

அமெரிக்காவில் குழந்தை பிறப்பு 9 வினாடிகளுக்கு ஒன்றாகவும்,
இறப்பு 9.5 வினாடிகளுக்கு ஒன்றாகவும் இருக்கும் என
எதிர்பார்க்கப்படுகிறது.
-
-இந்து தமிழ் திசை

-

**ayyasamy ram** · **ayyasamy ram** Mon 1 Jan 2024 - 1:57

இந்தியாவின் மிக நீளமான கடல் பாலம் : வரும் 12 ம் தேதி பிரதமர் திறக்கிறார்
இன்றைய செய்திகள் Tamil_News_large_3516803

மும்பை:
இந்தியாவின் மிக நீளமான கடல் பாலத்தை வரும் 12 ம் தேதி
பிரதமர் திறந்து வைக்கிறார்.

இது குறித்து மகாராஷ்டிரா மாநில முதல்வர் ஏக்நாத் ஷிண்டே
தெரிவித்து இருப்பதாவது: மும்பையி்ன் செவ்ரி மற்றும் ராய்கட்
மாவட்டத்தில் உள்ள நவாஷேவா பகுதி இடையே இந்தியாவின்
மிக நீளமான கடல் பாலம் கட்டப்பட்டுள்ளது.

இதன் நீளம் 21.8 கி.மீ தூரம். முந்தைய பயண நேரம் 2 மணி
நேரமாகும். தற்போது 15-20 நிமிடங்களாக குறையும். இந்த
பாலத்தை வரும் 12-ம் தேதி பிரதமர் திறந்து வைக்கிறார் என
முதல்வர் கூறினார்.
-
-இந்து தமிழ் திசை

**ayyasamy ram** · **ayyasamy ram** Mon 1 Jan 2024 - 8:50

இன்றைய செய்திகள் ELARGE_20240101020117960438

--

**ayyasamy ram** · **ayyasamy ram** Mon 1 Jan 2024 - 8:54

தமிழ்நாடு தீயணைப்புத்துறையின் பெண் அதிகாரி பிரியா ரவிச்சந்திரன் ஐஏஎஸ் அதிகாரியாக நியமனம்
-
இன்றைய செய்திகள் 9-l

-
சென்னை:
முதன் முறையாக தீயணைப்புத் துறை பெண் அதிகாரி
பிரியா ரவிச்சந்திரன் ஐஏஎஸ் அதிகாரியாக நியமனம் செய்யப்பட்டுள்ளார்.
சேலம் மாவட்டத்தை சேர்ந்த பிரியா ரவிச்சந்திரன் சென்னை எத்திராஜ்
கல்லூரியில் பட்டப்படிப்பை முடித்தார்.

பின்னர் 1999ம் ஆண்டு பொதுச்சேவை தேர்வை எழுதினார். தனது 26வது
வயதில் நாகை மாவட்டத்தில் முதன் முதலில் தனது தீயணைப்புத்துறை
பணியை தொடங்கினார்.

அதனை தொடர்ந்து பல்வேறு இடங்களில் மண்டல தீயணைப்பு மற்றும்
மீட்பு சேவைகள் துறை அதிகாரியாகவும் அவர் பணியாற்றியுள்ளார்.

சென்னையில் பதவி ஏற்பதற்கு முன் கோவை, நீலகிரி உள்ளிட்ட
மாவட்டங்களிலும் கோட்ட அலுவலராக பணியாற்றியுள்ளார். 2003ல் தமிழக
அரசின் குரூப் 1 அதிகாரியாக பணியில் சேர்ந்தார். தீயணைப்புத் துறையில்
பணியாற்றி, இணை இயக்குநர் நிலைக்கு உயர்ந்தார். தன்னலமற்ற
துணிச்சலான செயலை பாராட்டி அவருக்கு 2012ல் அண்ணா பதக்கம்
வழங்கப்பட்டது.

2013ல் இந்திய குடியரசு தலைவர் விருது வழங்கப்பட்டது.
தேடுதல் மற்றும் மீட்பு நடவடிக்கையில் தன்னலமற்ற சேவைக்காக முதல்வர்
விருது 2014ல் வழங்கப்பட்டுள்ளது.

தற்போது தமிழ்நாடு தீயணைப்புத் துறையில் பணியாற்றும்
பிரியா ரவிச்சந்திரன், மாநில அரசு அல்லாத சிவில் சர்வீசஸ் ஒதுக்கீட்டிலிருந்து
ஐஏஎஸ் அதிகாரியாக நியமிக்கப்பட்டுள்ளார். இதற்கான உத்தரவை ஒன்றிய
அரசு வெளியிட்டுள்ளது.

மாநில அரசுப் பணியில் இருந்து 2022க்கான ஐ.ஏ.எஸ், பிரிவு அதிகாரியாக
அவர் மாநில அரசின் பரிந்துரைப்படி தேர்வாகியுள்ளார். தீயணைப்புத் துறையில்
இருந்து ஒருவர் ஐ.ஏ.எஸ், அதிகாரியாக தேர்வாகியிருப்பது தமிழகத்தில் இதுவே
முதல் முறையாகும்.
-
நன்றி-தினகரன்