தென் மாவட்ட மக்களே.. இனி கோயம்பேடு போக வேண்டாம் - கிளாம்பாக்கம்தான் எல்லாமே - அமைச்சர் முக்கிய அறிவிப்பு

by **ayyasamy ram** Sat Dec 30, 2023 4:18 pm

கிளாம்பாக்கம் பேருந்து நிலையத்தில் இருந்து இயக்கப்படும் பேருந்துகள்
தொடர்பாக அமைச்சர் எஸ்.எஸ்.சிவசங்கர் முக்கிய தகவல்களை வெளியிட்டுள்ளார்.
-

தென் மாவட்ட மக்களே.. இனி கோயம்பேடு போக வேண்டாம் - கிளாம்பாக்கம்தான் எல்லாமே - அமைச்சர் முக்கிய அறிவிப்பு Kilambakkam-bus-stand-106398824

-

செங்கல்பட்டு மாவட்டம் கிளாம்பாக்கத்தில் ரூ.393.74 கோடி
மதிப்பீட்டில் புதிதாக கட்டப்பட்டுள்ள கலைஞர் நூற்றாண்டு பேருந்து
முனையத்தை முதலமைச்சர் மு.க.ஸ்டாலின் இன்று திறந்துவைத்தார்.

சுமார் 88.52 ஏக்கர் பரப்பளவில் உள்ள இந்த பேருந்து நிலையத்தில்
130 அரசுப் பேருந்துகள் மற்றும் 85 ஆம்னி பேருந்துகளை நிறுத்தும்
வசதிகள் உள்ளன. தினமும் 2310 பேருந்துகளை இயக்கும் வகையில்
பேருந்து நிலையம் அமைக்கப்பட்டுள்ளது.

அத்துடன் மருத்துவமனை, கழிவறைகள், தாய்மார்கள் பாலூட்டும் அறை,
ஏடிஎம் அறை, நடத்துனர்கள் மற்றும் ஓட்டுனர்கள் ஓய்வெடுக்கும் அறை,
சுத்தீகரிக்கப்பட்ட குடிநீர் வழங்குவது என பல்வேறு வசதிகளும்
செய்யப்பட்டுள்ளன. 14 நடை மேடைகள், நகரும் படிக்கட்டுகள் மற்றும்
லிப்ட் வசதிகளும் உள்ளன.

பேருந்து நிலையம் திறப்புக்குப் பிறகு செய்தியாளர்களிடம் பேசிய
அமைச்சர் எஸ்.எஸ்.சிவசங்கர், “கோயம்பேட்டில் இருந்து தென்
மாவட்டங்களுக்கு இயங்கும் பேருந்துகள், கிளாம்பாக்கம் பேருந்து
நிலையத்திற்கு வந்து செல்லும். பெங்களூரு மற்றும் கிழக்கு கடற்கரை
சாலை வழியாக செல்லும் பேருந்துகள் கோயம்பேடு பேருந்து நிலையத்தில்
இருந்தே இயங்கும்.

தென் மாவட்டங்களில் இருந்து வரும் அனைத்து எஸ்இடிசி பேருந்துகளும்
நாளை முதல் கிளாம்பாக்கம் மட்டுமே வரும், கோயம்பேடு பேருந்து
நிலையம் செல்லாது.

எஸ்இடிசி பேருந்துகளை பொறுத்தவரை முழுவதுமாக கிளாம்பாக்கம்
பேருந்து நிலையத்தில் இருந்து மட்டுமே இயங்கும். சாதாரண நாட்களில்
300 பேருந்துகளும், வார இறுதி நாட்களில் 360 எஸ்இடிசி பேருந்துகளும்
இயக்கப்படும்” என்று தெரிவித்தார்.

சென்னை மாநகர பேருந்துகளைப் பொறுத்தவரை நாளை முதல்
கிளாம்பாக்கம் பேருந்து நிலையத்தில் இருந்து 5 நிமிடத்திற்கு ஒரு
பேருந்து கோயம்பேடு புறப்படும். அதேபோல 2 நிமிடத்திற்கு ஒருமுறை
தாம்பரத்திற்கும், 3 நிமிடங்களுக்கு ஒருமுறை கிண்டிக்கும் பேருந்துகள்
இயக்கப்படும் என்றும் தெரிவித்தார்.

எஸ்இடிசி அல்லாத விழுப்புரம், கும்பகோணம், சேலம், கோயம்புத்தூர்,
திருநெல்வேலி, மதுரை ஆகிய 6 போக்குவரத்து கழகங்களின் பேருந்துகள்
கோயம்பேட்டில் இருந்து கிளாம்பாக்கம் வந்து அந்தந்த வழித்தடத்தில்
இயங்கும்.

பொங்கல் பண்டிகை வரை இந்த நிலை நீடிக்கும். பொங்கல் பண்டிகைக்குப்
பிறகு, கிளாம்பாக்கம் பேருந்து நிலையத்தில் இருந்தே அனைத்து
பகுதிகளுக்கும் பேருந்துகள் இயக்கப்படும் என்று தெரிவித்தார்.
-
நன்றி- சமயம் செய்திகள்

by **ayyasamy ram** Sat Dec 30, 2023 4:23 pm

தென் மாவட்ட மக்களே.. இனி கோயம்பேடு போக வேண்டாம் - கிளாம்பாக்கம்தான் எல்லாமே - அமைச்சர் முக்கிய அறிவிப்பு

தென் மாவட்ட மக்களே.. இனி கோயம்பேடு போக வேண்டாம் - கிளாம்பாக்கம்தான் எல்லாமே - அமைச்சர் முக்கிய அறிவிப்பு

Re: தென் மாவட்ட மக்களே.. இனி கோயம்பேடு போக வேண்டாம் - கிளாம்பாக்கம்தான் எல்லாமே - அமைச்சர் முக்கிய அறிவிப்பு