நன்றி இறைவா!

**ayyasamy ram** · **ayyasamy ram** Mon Dec 25, 2023 10:19 am

-
—
ஓவியங்கள்: மாருதி

சிலர் இருக்கிறார்கள்…
சரியான புரிதல் இல்லாமையால், பக்தியும் கடவுள் நம்பிக்கையும்
அவர்களுக்கு வெறும் சம்பிரதாயச் சடங்காகவே மாறிவிடும்!

`கடவுள் பக்தியில் நம்மை அடிச்சுக்க ஆளே கிடையாது’ என்று தீவிரமாக
நம்பிக்கொண்டிருந்தார் ஒருவர். அவருக்குக் குதிரை ஒன்று
அன்பளிப்பாகக் கிடைத்தது. அந்தக் குதிரையும் கடவுள் பக்தி மிக்கது
என்று கூறினார் அதைக் கொடுத்தவர்.

மட்டுமன்றி, `நன்றி இறைவா’ என்று சொன்னால் அது ஓடத் தொடங்கும்.
இதே வார்த்தையை மீண்டும் மீண்டும் சொன்னால் அதன் வேகம்
அதிகரிக்கும். அதேபோல், `வணக்கம் இறைவா’ என்று கூறினால் நின்று
விடும். இந்தச் சூட்சுமத்தையும் கடவுள் தெளிவாக விளக்கியிருந்தார்.

மறுநாள் அந்தக் குதிரையில் சவாரி செய்ய நினைத்தார் அந்த அன்பர்.
கம்பீரமாகக் குதிரையின் மீது ஏறி அமர்ந்தார். குதிரையை
அன்பளிப்பாகக் கொடுத்தவர் சொன்னது போல, `நன்றி இறைவா’
என்றார். குதிரை ஓடத் தொடங்கியது. மலைப்புறம் நோக்கி அந்தக்
குதிரையைச் செலுத்தினார் அன்பர்.

தொடர்ந்து குதிரையை வேகப்படுத்த எண்ணியவர்,
`நன்றி இறைவா… நன்றி இறைவா…’ என்று உரக்கக் குரல் கொடுக்க,
குதிரை புயல்வேகத்தில் பாய்ந்தது. அன்பர் சவாரியில் மிகவும் மனம்
லயித்துப்போனார்.

சிறிது நேரத்தில் அவர் கண் விழித்தபோது, குதிரை ஒரு பாதாளத்தை
நோக்கி வேகமாகச் சென்றுகொண்டிருப்பதைக் கண்ட அன்பர் பதை
பதைத்துப் போனார். கடிவாளத்தைப் பிடித்து இழுத்தார்; குதிரை
நின்றபாடில்லை.

அப்போதுதான் குதிரைக்காரர் சொன்னது நினைவுக்கு வந்தது. `
`வணக்கம் இறைவா” என்று மலைதீரமெங்கும் எதிரொலிக்கும்படி
உரக்கக் குரல் கொடுத்தார்.

அவ்வளவுதான் சட்டென்று நின்றுவிட்டது குதிரை! அது நின்ற இடத்துக்கும்
பள்ளத்தாக்குக்கும் ஓர் அடிதான் இடைவெளி. பேராபத்தில் இருந்து தப்பி
விட்ட அன்பர் பெருமூச்சு விட்டார்.

அதுமட்டுமா?
உயிர் பிழைத்த மகிழ்ச்சியில் கடவுளுக்கு நன்றி சொல்ல விரும்பினார்.
தன்னையும் அறியாமல் வாய்விட்டு அந்த வார்த்தையைச் சொன்னார்,

“நன்றி இறைவா!”
——-
நன்றி- விகடன் & Dailyhunt

**T.N.Balasubramanian** · **T.N.Balasubramanian** Mon Dec 25, 2023 12:14 pm

நன்றி அய்யா சாமி

**T.N.Balasubramanian** · **T.N.Balasubramanian** Mon Dec 25, 2023 12:17 pm

இருமுறை இதே பதிவு வந்துள்ளதால் ஒன்று நீக்கப்பட்டது

@ayyasamy ram

Sponsored content · Sponsored content

நன்றி இறைவா!

நன்றி இறைவா!

Re: நன்றி இறைவா!

Re: நன்றி இறைவா!

Re: நன்றி இறைவா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக