பொன்முடியின் சொத்துக்கள் முடக்கமா? சென்னை ஐகோர்ட் நீதிபதி அதிரடி தீர்ப்பு..!

by **ayyasamy ram** Fri 22 Dec 2023 - 13:49

சொத்து குவிப்பு வழக்கில் பொன்முடி மற்றும் அவரது மனைவி
குற்றவாளிகள் என தீர்ப்பளிக்கப்பட்டு இருவருக்கும் தலா மூன்று
ஆண்டுகள் சிறை தண்டனை விதிக்கப்பட்டது.

இருப்பினும் மேல்முறையீடு செய்வதற்கு வசதியாக 30 நாட்கள்
இந்த தீர்ப்பு நிறுத்தி வைக்கப்பட்டுள்ளது.

இந்த நிலையில் பொன்மொழியின் சொத்துக்கள் முடக்கம் குறித்து
சென்னை ஐகோர்ட் நீதிபதி ஜெயச்சந்திரன் முக்கிய உத்தரவை
பிறப்பித்துள்ளார்.

கடந்த 2006-11 ஆண்டுகளில் அமைச்சராக இருந்த பொன்முடி
வருமானத்திற்கு அதிகமாக சொத்து சேர்த்ததாக 2011ம் ஆண்டில்
லஞ்ச ஒழிப்புத்துறை வழக்குப்பதிவு செய்து அவரது சொத்துகளையும்
முடக்கியது.

2016ம் ஆண்டு வழக்கில் இருந்து அவரை விடுதலை செய்து, சொத்துகள்
முடக்கத்தையும் விழுப்புரம் நீதிமன்றம் நீக்கியது

இதை எதிர்த்து லஞ்ச ஒழிப்புத்துறை உயர் நீதிமன்றத்தில் மேல்முறையீடு
செய்த நிலையில் இந்த வழக்கில் பொன்முடி மற்றும் அவரது மனைவிக்கு
நேற்று 3 ஆண்டுகள் சிறை தண்டனை விதித்த, உயர் நீதிமன்ற நீதிபதி
ஜெயச்சந்திரன், சொத்துகளை முடக்க கோரி மனு மீது இன்று தீர்ப்பு
வழங்கினார்

சிறப்பு நீதிமன்றத்தால் விடுவிக்கப்பட்ட சொத்துக்களை தற்போதைய
சூழலில் மீண்டும் முடக்க வேண்டிய அவசியம் இல்லை. தேவைப்பட்டால்
சட்டத்திற்கு உட்பட்டு லஞ்ச ஒழிப்புத்துறை நடவடிக்கைகளை
மேற்கொள்ளலாம்” என தீர்ப்பு அளித்துள்ளார்.
-
-வெப்துனியா

by **ayyasamy ram** Fri 22 Dec 2023 - 13:52

அதிமுக ஆட்சியில் சட்டத்துறை செயலாளராக இருந்தவர் நீதிபதி ஜெயச்சந்திரன்; ...

பொன்முடிக்கு எதிரான சொத்துக்குவிப்பு வழக்கில் நீதிபதி
ஒருதலைபட்சமாக செயல்பட்டிருக்கலாம் என்ற சந்தேகம் தங்களுக்கு
ஏற்பட்டுள்ளதாக மூத்த வழக்கறிஞரும் திமுக எம்பியுமான
என்.ஆர்.இளங்கோ தெரிவித்துள்ளார்.

சென்னை அண்ணா அறிவாலயத்தில் செய்தியாளர்களை சந்தித்த
போது அவர் கூறியதாவது;

பொன்முடி மீது அதிமுக ஆட்சியில் பழிவாங்கும் நோக்கத்தோடு வழக்கு
போடப்பட்டது. உச்ச நீதிமன்றத்தில் மேல்முறையீட்டில் பொன்முடி
விடுவிக்கப்படுவார் என நம்புகிறோம். பொன்முடியின் மனைவி ஒழுங்காக
வருமானவரி செலுத்தவில்லை என்ற ஒரே காரணத்தால் ரூ.1.75 கோடி
லாபத்தை கணக்கில் கொண்டு தீர்ப்பு வழங்கப்பட்டுள்ளது.

பொன்முடியின் மனைவி இருசக்கர வாகன விநியோகஸ்தராக வெற்றிகரமாக
தனது தொழிலை செய்து வருகிறார். விசாலாட்சி மிக லாபகரமாக தனது
தொழிலை நடத்தி வந்ததாக வருமான வரித்துறையினர் ஒப்புக்கொண்டுள்ளனர்.

அமைச்சரின் மனைவி வருமான வரி கணக்கை தாக்கல் செய்யவில்லை,
ஆனால் வருமான வரி முன்கூட்டியே செலுத்தி வந்துள்ளார்.

திமுக சார்பில் விரைவில் மேல்முறையீடு செய்து பொன்முடியை விடுவிப்போம்.
நீதிபதி அப்பழுக்கற்றவர், எந்த சந்தேகத்திற்கும் அப்பாற்பட்டவர்.
அதே சமயம், அதிமுக ஆட்சியில் சட்டத்துறை செயலாளராக செயல்பட்ட நீதிபதி
ஜெயச்சந்திரன் சொத்துகுவிப்பு கோப்புகளை கையாண்டுள்ளார்.

நீதிபதி ஒருதலைபட்சமாக செயல்பட்டிருக்கலாம் என்ற சந்தேகம் நேற்றுதான்
எங்களுக்கு தெரியவந்தது. இதை விசாரணையிலேயே குறிப்பிட்டிருந்தால்,
வழக்கிலிருந்து விலகியிருப்பேன் என நீதிபதி தெரிவித்தார்.
-
நியூஸ் 18

பொன்முடியின் சொத்துக்கள் முடக்கமா? சென்னை ஐகோர்ட் நீதிபதி அதிரடி தீர்ப்பு..!

பொன்முடியின் சொத்துக்கள் முடக்கமா? சென்னை ஐகோர்ட் நீதிபதி அதிரடி தீர்ப்பு..!

Re: பொன்முடியின் சொத்துக்கள் முடக்கமா? சென்னை ஐகோர்ட் நீதிபதி அதிரடி தீர்ப்பு..!