அயோத்தி ராமர் கோயில் கும்பாபிஷேகம்.. கம்பீரமாக ஒலிக்கப்போகும் நாமக்கல் மணிகள்..

**ayyasamy ram** · **ayyasamy ram** Fri Dec 15, 2023 7:40 pm

-
நாமக்கல்:
அயோத்தி ராமர் கோயில் கும்பாபிஷேகத்துக்கு தேவைப்படும்
12 ஆலய மணி மற்றும் 36 பிடி மணிகள் பெங்களூரை சேர்ந்த
தொழிலதிபர் மூலம் நாமக்கல்லில் தயாரித்து அனுப்பப்பட்டுள்ளது.

மணி தயாரிப்புக்கு காப்பர், வெள்ளி, துத்தநாகம் ஆகிய
உலோகங்கள் பயன்படுத்தப்பட்டுள்ளன

ஆகம விதிகளின்படி, மணிகள் பஞ்சலோகத்திலும் தயாரிக்கப்படும்.
தாமிரம், வெள்ளி, தங்கம், வெண்கலம் மற்றும் இரும்பு என்ற ஐந்து
வகை உலோக சேர்க்கை பஞ்ச பூதங்களை குறிப்பிடுகிறது.

கோவில் மணியை அடித்ததும் எழும் ஒலியானது கூடிய ஆழ்ந்த,
இடைவிடாத ஒலியாக உரக்க ஒலிக்கும். ஒலியின் முடிவில் கேட்கும்
எதிரொலிகள் நம் காதுகளில் 7 வினாடிகள் நீடிக்கிறது.

இது மனித உடலிலுள்ள 7 சக்தி மையங்களான மூலாதாரம்,
சுவாதிஷ்டனா, மணிபுரம், அனாகதம், விசுத்தம், ஆக்கினை,
சகஸ்ராரம் ஆகியவற்றைத் தாக்குகிறது. மணியிலிருந்து எழும்
ஓசையில் நாம் "ஓம்" என்ற மந்திரத்தை உணர முடியும்.

கர்ப்பகிரகத்திலிருக்கும் மணியை, இறைவனுக்கு தீபாராதனை
காட்டும்போதும், இறைவனுக்கு அபிஷேகம் நடக்கும்போதும், உணவு
படைக்கும் போதும் அடிப்பதுண்டு. கோவிலுக்கு போவோர் தங்கள்
பிரார்த்தனையை இறைவனுக்கு நினைவுப்படுத்தவும்
கோவில்மணியை அடிப்பார்கள்.

இத்தகைய சிறப்பு வாய்ந்த மணியை ராமர் கோவிலுக்கு செய்து
கொடுத்துள்ளார் பெங்களூர் தொழிலதிபர். உத்தரப் பிரதேச
மாநிலம் அயோத்தியில் கட்டப்பட்டு வரும் ராமர் கோயில்
கும்பாபிஷேகம் ஜனவரி மாதம் 22ஆம் தேதி நடைபெற உள்ளது.
இதற்கான பணிகள் விறுவிறுப்பாக நடைபெற்று வருகின்றன.

அயோத்தியில் ராமர் கோயில் கட்டும் பணியை, இதற்கென
அமைக்கப்பட்ட ராம ஜென்மபூமி தீர்த்த ஷேத்ரா அறக்கட்டளை
மேற்கொண்டு வருகிறது. இந்த அறக்கட்டளை தான் கோயிலை
நிர்வகிக்க உள்ளது.
-
-தமிழ் ஒன் இந்தியா[/size]

**T.N.Balasubramanian** · **T.N.Balasubramanian** Fri Dec 15, 2023 8:54 pm

Code:: ஆகம விதிகளின்படி, மணிகள் பஞ்சலோகத்திலும் தயாரிக்கப்படும். தாமிரம், வெள்ளி, தங்கம், வெண்கலம் மற்றும் இரும்பு என்ற ஐந்து வகை உலோக சேர்க்கை பஞ்ச பூதங்களை குறிப்பிடுகிறது. கோவில் மணியை அடித்ததும் எழும் ஒலியானது கூடிய ஆழ்ந்த, இடைவிடாத ஒலியாக உரக்க ஒலிக்கும். ஒலியின் முடிவில் கேட்கும் எதிரொலிகள் நம் காதுகளில் 7 வினாடிகள் நீடிக்கிறது.

படிக்கையிலேயே புல்லரிக்கிறது, நன்றி ராம்

அயோத்தி ராமர் கோயில் கும்பாபிஷேகம்.. கம்பீரமாக ஒலிக்கப்போகும் நாமக்கல் மணிகள்..

அயோத்தி ராமர் கோயில் கும்பாபிஷேகம்.. கம்பீரமாக ஒலிக்கப்போகும் நாமக்கல் மணிகள்..

Re: அயோத்தி ராமர் கோயில் கும்பாபிஷேகம்.. கம்பீரமாக ஒலிக்கப்போகும் நாமக்கல் மணிகள்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக