38 மனைவிகள், 89 பிள்ளைகளுடன் வாழ்ந்து வந்த நபர் மறைவு - தொடர்ந்து கூட்டாக வாழும் குடும்பத்தினர்!

**ayyasamy ram** · **ayyasamy ram** Sat 2 Dec 2023 - 6:57

-
மிசோரம் மாநிலம், ஷேர்சிப் மாவட்டம், பக்த்வாங் லாங்னாம்
கிராமத்தைச் சேர்ந்த ஸியோனா சனா என்ற நபர் நீரிழிவு மற்றும்
உயர் ரத்த அழுத்தம் போன்ற உடல் உபாதைகளால் அண்மையில்
காலமானார். அவருக்கு வயது 76 ஆகும்.

இந்த பூமியில் பிறந்த ஒருவர், மற்றவர்களைப் போல வயோதிக
காலத்தில் நோய் நொடியால் மறைந்தார் என்பதில் எந்தவித
ஆச்சரியமும், அதிர்ச்சியும் இல்லை.

ஆனால், இவர் வாழும் காலத்தில் எப்படி வாழ்ந்தார் என்பது தான்
இப்போது ஆச்சரியத்துடன் பேசப்பட்டு வருகிறது. குறிப்பாக,
மாபெரும் அளவிலான குடும்பத்துடன் இவர் வசித்து வந்தார்
என்பதுதான் இங்கு கவனிக்கத்தக்கது.

ஸியோனா சனாவுக்கு மொத்தம் 38 மனைவிகள் இருக்கின்றனர்.
இவர்கள் மூலமாக 89 பிள்ளைகளும், அவர்கள் வழியில் எண்ணற்ற
பேரக் குழந்தைகளும் உள்ளனர்.

உலகின் மாபெரும் குடும்பத்திற்கு தலைவனாக நீடித்து வந்த
ஸியோனா சனா, கடந்த 2021ஆம் ஆண்டில் மறைந்தார். அனைத்து
குடும்ப உறுப்பினர்களுக்கும் இடமளிக்கும் வகையில் இவரது வீடு
என்பது 100 அறைகளைக் கொண்டதாகும்.

ஒற்றுமையுடன் வாழ்க்கை :

பொதுவாக தம் இணையருடன் ஒற்றுமையாக வாழ முடியவில்லை
என்று ஆணும், பெண்ணும் கவலைகளை முன்வைக்கின்றனர்.
ஆனால், இத்தனை மனைவிகள் இருந்தும் எந்த சண்டை, சச்சரவும்
இன்றி அனைவரும் ஒரே குடும்பமாக, ஒற்றுமையாக வாழ வழிவகை
செய்தவர் ஸியோனா சனா ஆவார்.

அவர் மறைந்து விட்டார் என்பதால், இனி அவருடைய மனைவிகளும்,
குழந்தைகளும் ஒற்றுமையாக வாழ வாய்ப்பில்லை என்ற கருத்து
பலமாக நிலவியது. ஆனால், எல்லோருடைய கருத்திற்கும் நேர் மாறாக,
அவர்கள் எப்போதும் போலவே ஒற்றுமையுடன் வாழ்ந்து வருகின்றனர்.

வீட்டில் தினசரி பணிகளை இணைந்தே மேற்கொள்கின்றனர்.
இன்னமும் எல்லோருக்கும் ஒரே இடத்தில் தான் உணவு
சமைக்கப்படுகிறது. மாபெரும் குடும்பம் என்பதால் உணவு மற்றும்
பானங்களுக்காக மட்டுமே மிகப் பெரிய அளவிலான தொகை
செலவாகிறது.

ஸியோனாவின் மகன்கள் பலர் வேலை செய்து பணம் சம்பாதித்து
பொருளாதார சிக்கல்களை கவனித்துக் கொள்கின்றனர்.

ஸியோனாவின் மனைவிகள் மற்றும் வீட்டில் உள்ள இதர பெண்கள்
வீட்டு வேலைகளையும், விவசாய வேலைகளையும் கவனித்துக்
கொள்கின்றனர். இது மட்டுமல்லாமல், வீட்டின் அசைவ உணவுத்
தேவைகளை எதிர்கொள்ளும் வகையில் அவர்கள் கோழிகளை
வளர்க்கின்றனர்.

சுற்றுலாப் பயணிகளின் வருகை :

மாபெரும் குடும்பம் குறித்து கேள்விப்படும் ஒவ்வொருவருக்கும் அது
மிகுந்த ஆச்சரியத்தை கொடுக்கிறது. இதுகுறித்து மென்மேலும் தெரிந்து
கொள்ள வேண்டும் என்ற நோக்கத்தில் சுற்றுலாப் பயணிகள்
ஸியோனாவின் குடும்பத்திற்கு வருகை தருகின்றனர். அவர்களுடைய
வாழ்வியலை தெரிந்து கொள்ள ஆர்வம் காட்டுகின்றனர்.

முன்னதாக, ஸியோனாவுக்கு 17 வயது இருக்கும்போது முதல் திருமணம்
நடைபெற்றது. இறுதியாக 38ஆவது மனைவியை கடந்த 2004ஆம் ஆண்டில்
அவர் திருமணம் செய்து கொண்டார்.
-
நன்றி- நியூஸ் 18

38 மனைவிகள், 89 பிள்ளைகளுடன் வாழ்ந்து வந்த நபர் மறைவு - தொடர்ந்து கூட்டாக வாழும் குடும்பத்தினர்!

38 மனைவிகள், 89 பிள்ளைகளுடன் வாழ்ந்து வந்த நபர் மறைவு - தொடர்ந்து கூட்டாக வாழும் குடும்பத்தினர்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக