மனைவியை தோளில் தூக்கிவைத்து கொண்டாடுகிறார்!

**ayyasamy ram** · **ayyasamy ram** Thu 23 Nov 2023 - 20:26

-
மாமனார்
வாங்கிக் கொடுத்த காரில்
மனைவியை
அழைத்துக் கொண்டு
திருச்செந்தூர் போனேன்.

சூர சம்ஹாரம்
நடந்துகொண்டிருந்தது.
கடற்கரையில்
மக்கள் கூட்டம் அலைமோதியது.
அத்தான்
சாமி தெரியவில்லை
கொஞ்சம் என்னை
தோளில் தூக்கிவைத்து
காட்டுங்களேன் என்றாள்,,!

கார் வாங்கிக் கொடுத்த
மாமனாரும்
கையை அசைத்து
வாழ்த்துச் சொன்னதுபோல்
தோன்றியது,,!

அவளை அப்படியே
அலாக்கா தூக்கி
தோளில் உட்கார வைத்தேன்,,!
இருபது நிமிடங்கள் இருக்கும்.
என்னுடைய
தொள்பட்டை எலும்புகள்
நொறுங்கிய சத்தம் கேட்டது..!?

அப்போதுதான்
அவளுடைய எடை
எண்பது கிலோவுக்கும்
குறையாமல் இருக்கும்.
என்பதை உணர்ந்தேன்.,?!

இருந்தாலும்
முதலாளியம்மாவை
தொப்பென்று
கீழே போடவா முடியும்.,,?!

போதாக்குறைக்கு
பிரியம் தாளாமல் அவள்
இறங்கும்போது
எகிறிக் குதித்தாள் பாருங்கள்.
இருந்த
இரண்டொரு எலும்புகளும்
தூள்தூளாய்
நுணிங்கிப் போனது..!

இருபது நாளுக்கும் மேலாக
புத்தூரில் மாவுக்கட்டோடு
மருத்துவமனையில் இருக்கிறேன்.
என்னைப்பார்க்க வந்த மாமனார்
மற்றவர்களிடம்
பெருமையாகச் சொல்லும்போது
மாப்பிள்ளைக்கு
மனைவிமீது கொள்ளைப்பிரியம்
பாருங்கள் மனைவியை
தோளில் தூக்கிவைத்து
கொண்டாடுகிறார் என்பார்,,!

மனைவியும் நேற்று
மௌனமாய்க் கேட்டாள்.
மறுபடியும்
திருச்செந்தூர் போகலாமா என்று..!

எனக்கு
இடது தோள்பட்டை எலும்புகளும்
நொறுங்குவதுபோல்
சத்தம் கேட்டது,,!

-
நன்றி-
பதிவிட்டவர்- குந்தவி (தமிழ் கோரா)

**T.N.Balasubramanian** · **T.N.Balasubramanian** Sat 25 Nov 2023 - 19:12

சிறந்த நகைச்சுவை .

ரசித்தேன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

மனைவியை தோளில் தூக்கிவைத்து கொண்டாடுகிறார்!

மனைவியை தோளில் தூக்கிவைத்து கொண்டாடுகிறார்!

Re: மனைவியை தோளில் தூக்கிவைத்து கொண்டாடுகிறார்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக