அறுபடை வீடு கொண்ட திருமுருகா!

**ayyasamy ram** · **ayyasamy ram** Mon Oct 23, 2023 4:50 pm

படம்- கந்தன் கருணை
பாடல்- கவிப்பேரரசு கண்ணதாசன்
இசை -கே.வி.மகாதேவன்
பாடியவர்- சீர்காழி கோவிந்தராஜன்
-

அறுபடை வீடு கொண்ட திருமுருகா! Main-qimg-d32156f1bc7cdb14f7aedb494cdd3912

-
அறுபடை வீடு கொண்ட திருமுருகா!
திரு முருகாற்றுப் படை தனிலே
வரும் முருகா முருகா!
-
அறுபடை வீடு கொண்ட திருமுருகா!
திரு முருகாற்றுப் படை தனிலே
வரும் முருகா முருகா!
அறுபடை வீடு கொண்ட திருமுருகா!
-
பாட்டுடைத் தலைவன் என்று உன்னை வைத்தேன்
உன்னைப் பாடித் தொழுவதற்கே என்னை வைத்தேன் முருகா!
அறுபடை வீடு கொண்ட திருமுருகா!
-
வேண்டிய மாம்பழத்தை கணபதிக்கு
அந்த வெள்ளிப் பனித் தலையர் கொடுத்ததற்கு….
ஆண்டியின் கோலமுற்று மலை மீது
நீ அமர்ந்த பழனி ஒரு படை வீட
-
அறுபடை வீடு கொண்ட திருமுருகா!
-
ஒரு பெரும் தத்துவத்தின் சாறெடுத்து
நல்ல ஓம் எனும் மந்திரத்தின் பொருள் உரைத்து
ஒரு பெரும் தத்துவத்தின் சாறெடுத்து
நல்ல ஓம் எனும் மந்திரத்தின்பொருள் உரைத்து
தந்தைக்கு உபதேசம் செய்த மலை
எங்கள் தமிழ்த் திரு நாடு கண்ட சுவாமி மலை
-
தேவர் படைத் தலைமை பொறுப்பெடுத்து
தோள்கள் தினவெடுத்து சூரன் உடல் கிழித்து
கோவில் கொண்டே அமர்ந்த ஒரு வீடு
கடல் கொஞ்சும் செந்தூரில் உள்ள படை வீடு
-
குறு நகை தெய்வானை மலரோடு
உந்தன் குல மகளாக வரும் நினைவோடு
திருமணம் கோலம் கொண்ட ஒரு வீடு
வண்ணத் திருப்பரங்குன்றம் என்னும் படை வீடு
-
தேவர் குறை தவிர்த்து சினம் தணிந்து
வள்ளி தெள்ளுத் தமிழ்க் குறத்தி தன்னை மணந்து
காவல் புரியவென்று அமர்ந்த மலை
எங்கள் கன்னித் தமிழர் திருத் தணிகை மலை
-
கள்ளமில்லாமல் வரும் அடியவர்க்கு
நல்ல காட்சி தந்து கந்தன் கருணை தந்து
வள்ளி தெய்வானையுடன் அமர் சோலை
தங்க மயில் விளையாடும் பழமுதிர்ச் சோலை
-
முருகா
அறுபடை வீடு கொண்ட திருமுருகா
திரு முருகாற்றுப் படை தனிலே
வரும் முருகா முருகா!
அறுபடை வீடு கொண்ட திருமுருகா!
முருகா! முருகா!
_________________

அறுபடை வீடு கொண்ட திருமுருகா!

அறுபடை வீடு கொண்ட திருமுருகா!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக