தூர் - கவிதை

**ayyasamy ram** · **ayyasamy ram** Sat Oct 21, 2023 1:52 pm

வேப்பம் பூ மிதக்கும்
எங்கள் வீட்டு கிணற்றில்
தூர் வாரும் உற்சவம்
வருடத்துக்கு ஒரு முறை
விஷேசமாக நடக்கும்.
-
ஆழ் நீருக்குள் அப்பா முங்க முங்க
அதிசயங்கள் மேலே வரும்...
-
கொட்டாங்குச்சி, கோலி, கரண்டி,
துருப்பிடித்தக் கட்டையோடு
உள் விழுந்த ராட்டினம்,
வேலைக்காரி திருடியதாய்
சந்தேகப்பட்ட வெள்ளி டம்ளர்...
எடுப்போம் நிறையவே
‘சேறுடா சேறுடா’ வென
அம்மா அதட்டுவாள்
என்றாலும்
சந்தோஷம் கலைக்க
யாருக்கு மனம் வரும்?
-
படை வென்ற வீரனாய்
தலைநீர் சொட்டச் சொட்ட
அப்பா மேலே வருவார்.
-
இன்று வரை அம்மா
கதவுக்குப் பின்னிருந்துதான்
அப்பாவோடு பேசுகிறாள்.
-
கடைசி வரை அப்பாவும்
மறந்தேப் போனார்
மனசுக்குள் தூர் எடுக்க
-
-நா.முத்துக்குமார்

Anthony raj · Anthony raj Sat Oct 21, 2023 2:27 pm

சொல்ல வார்த்தைகளை தேடுகிறேன். முடியவில்லை தூர் - கவிதை 3838410834

தொடர்பு எல்லை தாண்டி.. மனது. நினைவு அலைகள் தூண்டி.. சென்ற நீ..
மனதுக்குள் மட்டுமே அடிக்கும்
அடித்து பெய்யும் மழையும் நீ

தூர் - கவிதை

தூர் - கவிதை

Re: தூர் - கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக