மனக்கிடங்கு

by Yunesha. S Fri Oct 06, 2023 9:04 am

மனக்கிடங்கை அகழ்கின்றேன்!!
அதனுள் ;
கல்லாய் போன
இதயம்!

துரோகம்!
ஒரு தொகை

உறைந்து போன
கண்ணீர்!

சீழ்ப் புண்கள்
முதுகிலே!

எண்ணக் கூடியளவு
ஏமாற்றங்கள்!

கசக்கி ஏறியப்பட்ட
கோபங்கள்!

இடையிடையே
கவலைத் துண்டுகள்!

அடுக்கி வைக்கப்பட்ட
அவமானங்கள்!

அங்கிங்கு ஓரிரு
புன்னகைத் துளிகள்!

கிடங்கின் அடியில்;
படுதோல்வி!
மனத்துகள்கள்
சுக்கு நூறாக!

புதிதாக ஒரு மடல்!
அதனுள்
"நம்பிக்கை"
என்றோ ஒருநாள்
எல்லாம்
சரிவரும் என்று!!!

யுனேசா. ச

by Yunesha. S Fri Oct 06, 2023 9:13 am

என்னுடைய பதிவுகளில் தவறுகள் அல்லது ஏதாவது திருத்தங்கள் செய்யவேண்டி இருப்பின் எனக்கு அவற்றைத் தெரியப்படுத்தவும்.
நன்றி

by **சிவா** Fri Oct 06, 2023 3:39 pm

இதுவும் கடந்து போகும் என்ற நம்பிக்கையில் தான் அனைவரின் வாழ்வும் தினமும் கடந்து செல்கிறது.

அனைவரின் மனக்கிடங்கும் தங்களின் கவிதையின் வரிகளுக்கு ஏற்றவாறே உள்ளது...

மனக்கிடங்கு 3838410834

by **T.N.Balasubramanian** Fri Oct 06, 2023 9:12 pm

Yunesha. S wrote:என்னுடைய பதிவுகளில் தவறுகள் அல்லது ஏதாவது திருத்தங்கள் செய்யவேண்டி இருப்பின் எனக்கு அவற்றைத் தெரியப்படுத்தவும்.
நன்றி

மேற்கோள் செய்த பதிவு: undefined

அகழ்கின்றேன் ----கேள்விப்படாத சொல்.

"அகழி" என்ற பெயர்ச்சொல்லின் வினைச்சொல்லோ !

கவிதையின் ஆழம் அர்த்தமுள்ளது.

@Yunesha. S

by Yunesha. S Sat Oct 07, 2023 12:09 am

T.N.Balasubramanian wrote:
Yunesha. S wrote:என்னுடைய பதிவுகளில் தவறுகள் அல்லது ஏதாவது திருத்தங்கள் செய்யவேண்டி இருப்பின் எனக்கு அவற்றைத் தெரியப்படுத்தவும்.
நன்றி
மேற்கோள் செய்த பதிவு: undefined

அகழ்கின்றேன் ----கேள்விப்படாத சொல்.

"அகழி" என்ற பெயர்ச்சொல்லின் வினைச்சொல்லோ !

கவிதையின் ஆழம் அர்த்தமுள்ளது.

@Yunesha. S

மேற்கோள் செய்த பதிவு: undefinedதங்களுடைய வாழ்த்துக்கு நன்றி ஐயா!

அத்துடன், அகழ்தல் பற்றிக் கேட்டிருந்தீர்கள்.

அகழ்தல் -தோண்டுதல், கல்லுதல், உழுதல் என்று பொருளப்படும்.
இடத்திற்கேற்ப அதன் அர்த்தம் மாறுபடும்...
இங்கே மனதை ஒரு கிடங்காகப் உருவகித்து , அதைத் தோண்டும் போது கிடைப்பவையே கவிதை வரிகள்.
மனக்கிடங்கு RACtMNX