Latest topics
» நிலா பாட்டுக்கள்by heezulia Today at 7:27 pm
» சீதாராம் யெச்சூரி காலமானார்.
by ayyasamy ram Today at 7:09 pm
» சினிமா கலைஞர்கள் பாடிய பாட்டு
by heezulia Today at 6:59 pm
» தமிழ் சினிமால ஜாலியா பாட்டு பாடிட்டே பயணம் செஞ்ச பாட்டுக்கள்
by heezulia Today at 6:42 pm
» ரெண்டு, மூணு ரோல்ல நடிச்ச நடிகை, நடிகர்கள்
by heezulia Today at 4:28 pm
» ஒரே படத்ல ரெண்டு ஹீரோயின் ஹீரோ சேந்து நடிச்ச படங்கள்
by heezulia Today at 2:39 pm
» நடிகை, நடிகர்கள் மாறு வேஷத்துல நடிச்ச பாட்டுக்கள்
by heezulia Today at 1:58 pm
» அழகான, சிங்காரமான அலங்கார அழகு பாட்டுக்கள்
by heezulia Today at 1:16 pm
» ஒரு படத்தில ரெண்டு தடவ வந்த ஒரே பாட்டு
by heezulia Today at 12:34 pm
» கொழந்தைங்க, சின்ன புள்ளைங்க நடிச்ச பாட்டுக்கள்
by heezulia Today at 12:11 pm
» அறிதல்: அயராப் பயணம்
by Rathinavelu Today at 11:19 am
» சுசீலா பாடிய சிறப்பு பாட்டுக்கள் - வீடியோ
by heezulia Yesterday at 11:53 pm
» தமிழ் படங்களின் டைட்டில் பாட்டுக்கள்
by heezulia Yesterday at 11:43 pm
» தமிழ் சினிமாவில் இடம் பெற்ற கதாகாலட்சேபங்கள் மற்றும் தெருக்கூத்து, மேடை நிகழ்ச்சிகள்
by heezulia Yesterday at 11:34 pm
» காமெடி நடிகை - நடிகர்கள் நடிச்ச பாட்டு
by heezulia Yesterday at 11:21 pm
» கருத்துப்படம் 11/09/2024
by mohamed nizamudeen Yesterday at 10:09 pm
» ஜூலை 03 சர்வதேச பிளாஸ்டிக் பைகள் இல்லாத தினம்
by Dr.S.Soundarapandian Yesterday at 9:52 pm
» நீர் நிலைகள் மொத்தம் 47
by Dr.S.Soundarapandian Yesterday at 9:46 pm
» மனிதனின் மன நிலைகள் :-
by Dr.S.Soundarapandian Yesterday at 9:41 pm
» தாய் மகளுக்கு சொன்ன பாடம் !
by Dr.S.Soundarapandian Yesterday at 9:36 pm
» மூத்தோர் சொல் வார்த்தைகளை மறக்க வேண்டாம்!
by Rathinavelu Yesterday at 7:19 pm
» எந்தப் பதிவிற்கும் ஏன் பதில் இல்லை?
by Rathinavelu Yesterday at 7:08 pm
» தோழி - தோழர் நட்பு பாட்டு
by heezulia Yesterday at 5:55 pm
» திருச்செந்தூர் சிவக்கொழுந்தீஸ்வர் வெண்பா
by Rathinavelu Yesterday at 5:40 pm
» ஈகரை வருகை பதிவேடு
by ayyasamy ram Yesterday at 8:22 am
» சினிமா கலைஞர்கள் பாடாத பாட்டுக்கள்
by heezulia Tue Sep 10, 2024 11:09 pm
» ” வதந்தி “….
by Dr.S.Soundarapandian Tue Sep 10, 2024 9:41 pm
» சொல்லுங்க தெரிஞ்சிக்கிறோம்!
by Dr.S.Soundarapandian Tue Sep 10, 2024 9:36 pm
» வழி சொல்லுங்க
by Dr.S.Soundarapandian Tue Sep 10, 2024 9:31 pm
» ஓ.டி.பி.சொல்லுங்க..!
by Dr.S.Soundarapandian Tue Sep 10, 2024 9:29 pm
» மனைவி எனும் ஒரு மந்திர சொல்!
by Dr.S.Soundarapandian Tue Sep 10, 2024 9:26 pm
» பல்சுவை- ரசித்தவை
by Dr.S.Soundarapandian Tue Sep 10, 2024 9:23 pm
» கதிரவன் துதி
by ayyasamy ram Tue Sep 10, 2024 8:29 pm
» பவளமல்லி பூ
by ayyasamy ram Tue Sep 10, 2024 7:35 pm
» பறவைகள் பலவிதம் (புகைப்படங்கள் -ரசித்தவை)
by ayyasamy ram Tue Sep 10, 2024 6:16 pm
» கடல்மாலை வாழ்வின் மாலை
by Rathinavelu Tue Sep 10, 2024 1:20 pm
» நாவல்கள் வேண்டும்
by Guna.D Mon Sep 09, 2024 10:18 pm
» ஸ்ருதி வினோ நாவல்கள் வேண்டும்
by Sindhuja Mathankumar Mon Sep 09, 2024 7:52 pm
» உமா ரமணன் பாடல்கள்
by heezulia Mon Sep 09, 2024 7:18 pm
» நிலவோடு வான்முகம் வான்முகில்
by heezulia Mon Sep 09, 2024 4:55 pm
» பிரசவம்- புதுக்கவிதை
by ayyasamy ram Mon Sep 09, 2024 7:59 am
» வெயிலின் பயணங்கள்
by ayyasamy ram Mon Sep 09, 2024 7:58 am
» குழவியின் கதை
by ayyasamy ram Mon Sep 09, 2024 7:57 am
» ரோஜாவின் முள்…
by ayyasamy ram Mon Sep 09, 2024 7:55 am
» இலக்கைத் தொடும் வரை
by ayyasamy ram Mon Sep 09, 2024 7:54 am
» கண்ணாடி வளையலிலே…
by ayyasamy ram Mon Sep 09, 2024 7:52 am
» பிரம்மா பற்றிய அறிவியல் உன்மைகள் - இந்துமதத்தில் நவீன அறிவியல்
by Dr.S.Soundarapandian Sun Sep 08, 2024 9:27 pm
» மனைவி கணவனிடம் எதிர்பார்ப்பது இவ்வளவுதான்!
by Dr.S.Soundarapandian Sun Sep 08, 2024 9:09 pm
» இவ்வளவுதான் வாழ்க்கை!
by Dr.S.Soundarapandian Sun Sep 08, 2024 9:06 pm
» சினிமா செய்திகள்...
by ayyasamy ram Sat Sep 07, 2024 4:16 pm
Top posting users this week
heezulia |
| |||
ayyasamy ram |
| |||
Dr.S.Soundarapandian |
| |||
Rathinavelu |
| |||
mohamed nizamudeen |
| |||
Guna.D |
| |||
mruthun |
| |||
Sindhuja Mathankumar |
|
Top posting users this month
heezulia |
| |||
ayyasamy ram |
| |||
Dr.S.Soundarapandian |
| |||
mohamed nizamudeen |
| |||
Rathinavelu |
| |||
ஆனந்திபழனியப்பன் |
| |||
Karthikakulanthaivel |
| |||
manikavi |
| |||
mruthun |
| |||
Guna.D |
|
நிகழ்நிலை நிர்வாகிகள்
மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள்
Page 1 of 1
மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள்
![மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள் Rz1UWdh](https://i.imgur.com/rz1UWdh.jpg)
ஒரு காலத்தில் ஹார்ட் அட்டாக் எனப்படும் மாரடைப்பு அறுபது வயதைத் தாண்டியவர்களுக்கு, அதிலும் குறிப்பாக ஆண்களுக்கு மட்டுமே அதிகமாக நேர்ந்த ஒரு நோய்க்குறியாக இருந்தது. இன்று அது இளவயதினரைக் கூட தாக்கும் ஒரு கொடிய சிக்கலாக மாறி இருக்கிறது. நம்முடைய நவீன கால சீரழிவு வாழ்க்கைமுறையே இதற்குப் பிரதான காரணம். சமீப காலமாக, 40+ வயதினர் மாரடைப்பால் காலமாவது அதிகரித்திருக்கிறது. கடந்த இரு வருடங்களில் குறிப்பாக, கொரோனாவுக்குப் பிறகு இந்த வகை இறப்பு விகிதங்கள் இந்தியாவில் கணிசமாக அதிகரித்திருக்கின்றன. இதற்கான காரணங்கள் என்னென்ன என்ற ஆய்வுகள் நடந்துகொண்டிருக்கிறன. கொரோனாவுக்குப் போட்ட தடுப்பூசிதான் ஒரு காரணம் என்று பரவலாகச் சொல்லப்பட்டாலும் மருத்துவத் தரப்பிலிருந்து இதற்கான பதில் ஏதும் பெற முடியவில்லை. அரசோ, மருத்துவர்களோ, மருத்துவ விஞ்ஞானிகளோ இதற்கான நேரடியான பதிலை இன்னமும் சொல்லவில்லை. ஆனால், நவீன வாழ்க்கை முறை உருவாக்கி இருக்கும் வாழ்வியல் குழப்பங்களை ஒரு பிரதானமான காரணமாக எல்லோருமே சொல்கிறார்கள். அவை என்னவென பார்ப்போம். |
மாரடைப்பு என்றால் என்ன?
நம் உடலின் மற்ற பாகங்களைப் போலவே, இதயமும் நன்றாகச் செயல்படுவதற்கு ஆக்ஸிஜனின் நல்ல சப்ளை தேவைப்படுகிறது. கரோனரி தமனிகள் இந்த தேவையை பூர்த்தி செய்து இதயத்திற்கு ஆக்ஸிஜனை வழங்குகின்றன. ஆரோக்கியமற்ற உணவுப் பழக்கம் மற்றும் வாழ்க்கை முறை காரணமாக, கரோனரி தமனிகளின் சுவர்களில் கொழுப்பு படிவுகள் அல்லது பிளேக் உருவாகிறது.
இத்தகைய தகடு உருவாக்கம் சரியான வாழ்க்கை முறை மாற்றங்கள் இல்லாமல் காலப்போக்கில் அடைப்புகளாக மாறும். தமனியில் ஏதேனும் அடைப்பு ஏற்பட்டால், இதயத் தசையின் பகுதிகளுக்கு ரத்தம் செல்வதைத் தடுக்கிறது.
இது கார்டியாக் இஸ்கெமியாவை ஏற்படுத்துகிறது, இதயத்தின் ஒரு பகுதி ஆக்ஸிஜன் இல்லாமல் இருக்கும் நிலை. கார்டியாக் இஸ்கெமியாவைக் கவனிக்காதபோது அல்லது நீண்ட காலமாக சிகிச்சையளிக்கப்படாவிட்டால், இதய திசுக்கள் இறந்து, மாரடைப்பை ஏற்படுத்துகின்றன. மாரடைப்பு என்றும் அழைக்கப்படுகிறது.
மாரடைப்பு எதனால் ஏற்படுகிறது?
இதயத்தில் உள்ள கரோனரி தமனிகள் சேதமடைந்ததால் மாரடைப்பு ஏற்படுகிறது. கரோனரி தமனிகள் பல காரணங்களால் தடுக்கப்படுகின்றன, மேலும் இது இதயத்தில் ஆக்ஸிஜன் பற்றாக்குறைக்கு வழிவகுக்கிறது. இந்த நிலை கரோனரி தமனி நோய் என்று அழைக்கப்படுகிறது, இது பெரும்பாலான மாரடைப்புகளுக்கு முக்கிய காரணமாகும்.
மற்ற சந்தர்ப்பங்களில், கொலஸ்ட்ரால் மற்றும் பிற பொருட்களை இரத்த ஓட்டத்தில் அனுமதிக்க இதயத்தில் உருவாகும் பிளேக் சிதைந்தால் மாரடைப்பு ஏற்படுகிறது. சிதைவின்போது, இரத்த உறைவு இதயத்திற்கு ஆக்ஸிஜனேற்றப்பட்ட இரத்த விநியோகத்தைத் தடுக்கிறது. அரிதான சந்தர்ப்பங்களில், மாரடைப்பு இரத்த நாளங்களின் பிடிப்பு காரணமாக ஏற்படுகிறது.
அறிகுறிகள்
மாரடைப்பின் அறிகுறிகள் ஒருவருக்கும் மற்றொருவருக்கும் மாறுபடும். அறிகுறிகள் நோயின் தீவிரத்தைப் பொறுத்தது. சில நோயாளிகள் இந்த அறிகுறிகளை தெளிவாக அனுபவிக்கிறார்கள், இது உடனடியாக மருத்துவ உதவியை நாட அனுமதிக்கிறது; இருப்பினும், அவர்களில் சிலருக்கு எந்த அறிகுறிகளும் இல்லாமல் திடீரென மாரடைப்பு ஏற்படுகிறது.
*அழுத்தம் மற்றும் இறுக்கத்தை உள்ளடக்கிய கடுமையான அல்லது லேசான மார்பு வலி . இந்த உணர்வு கைகள், கழுத்து, தாடைகள் மற்றும் பின்புறம் உள்ள
பகுதிகளுக்கு நீட்டிக்கப்படலாம்.
*குமட்டல், நெஞ்செரிச்சல், அஜீரணம் மற்றும் வயிற்றுவலி போன்ற உணர்வு
*குளிர் வியர்வை
*சோர்வு
*திடீர் தலைசுற்றல் மற்றும் தலைச்சுற்றல்
*மூச்சுத் திணறல்
*யாரோ ஒருவர் நம்முடைய மார்புப் பகுதியில் அழுத்துவது போன்று அதிகமான வலி இருக்கும். இதனுடன் அதீத வியர்வை மற்றும் மயக்கம் வரும் அறிகுறிகளும் இருக்கும். அது ஒருவேளை மாரடைப்பாக இருக்கலாம். 20 நிமிடங்களுக்குள் இந்த அறிகுறிகள் நின்றுவிட்டால், அது ‘மைனர் ஹார்ட் அட்டாக்’. 20 நிமிடங்களுக்கு மேலாக நீடித்தால் அது ‘சிவியர் ஹார்ட் அட்டாக்’. இதில் எந்த வகையாக இருந்தாலும், உடனடியாக அருகில் உள்ள மருத்துவமனைக்குச் செல்வது அவசியம்.
யாருக்கு மாரடைப்பு வர வாய்ப்புகள் அதிகம்
பொதுவாக நான்கு வகையினருக்கு மாரடைப்பு வருவதற்கான வாய்ப்புகள் அதிகம். நீண்ட காலமாக சர்க்கரை, ரத்த அழுத்தம் அல்லது ரத்தத்தில் அதிக அளவு கொழுப்பு உள்ளவர்கள் மற்றும் பாதிப்புகள் இருந்தும் கட்டுப்பாடு இல்லாமல் இருப்பவர்களுக்கு மாரடைப்பு வருவதற்கான வாய்ப்புகள் மிக அதிகம்.
ஒரு நாளைக்கு 10 சிகரெட்டுகளுக்கு மேல் புகைப் பிடிப்பவர்களுக்கு மாரடைப்பு வருவதற்கான வாய்ப்புகள் அதிகம். இந்தப் பிரச்னை இருப்பவர்கள் சர்க்கரைநோய், ரத்த அழுத்தம், கொழுப்பு அளவைக் கட்டுக்குள் வைத்திருக்க வேண்டும். உடனடியாகப் புகைபிடிக்கும் பழக்கத்தை நிறுத்த வேண்டும். உடற்பயிற்சி அல்லது நடைப்பயிற்சி செய்வதன் மூலம் மாரடைப்பு வருவதற்கான வாய்ப்பைக் குறைக்கலாம்.
முதலுதவி
நெஞ்சில் வலி, வியர்வை, மயக்கம் என மாரடைப்புக்கான அறிகுறிகள் ஒருவருக்கு ஏற்பட்டால், உடனடியாக அவரை மருத்துவமனைக்குக் கொண்டுசெல்ல வேண்டும். அப்படி மருத்துவமனைக்குச் செல்லும்போதே, ‘ஆஸ்ப்ரின்’ மாத்திரையை அவருக்குக் கொடுக்க வேண்டும். இதயத்துக்குச் செல்லும் ரத்தக் குழாயில் அடைப்பு ஏற்படுவதால், மாரடைப்பு ஏற்படுகிறது. ரத்தத்தில் ரத்தத் தட்டுகள் (பிளேட்லெட்) உள்ளன. இவை ஒன்று சேர்ந்து ரத்த உறைதலை ஏற்படுத்தும்.
ஆஸ்ப்ரின் மாத்திரையானது ரத்தத்தட்டுகள் ஒன்றுசேர்ந்து அடைப்பு ஏற்படுத்துவதைத் தவிர்க்கும். ஏற்கெனவே ஏற்பட்ட அடைப்பையும் சரிசெய்ய முயற்சிக்கும். அதனால்தான் அந்த மாத்திரையை மாரடைப்பு வந்தவர்கள் சாப்பிட வேண்டும் என்று சொல்கிறோம்.ஒருவருக்கு மாரடைப்பு ஏற்பட்டால், அவருக்கு காற்று செல்ல வழிவிடாமல் கூட்டமாக சுற்றி நிற்கக்கூடாது. மருத்துவமனைக்குச் சென்ற பிறகு, அவருக்கு மருந்து மாத்திரை மூலம் ரத்தம் உறைதலை சரி செய்யலாமா அல்லது ஆஞ்சியோபிளாஸ்டி செய்யலாமா என்பதை டாக்டர் முடிவு செய்து சிகிச்சை அளிப்பார்.
ஒருவேளை மருத்துவமனை மிக தொலைவில் உள்ளது. கொண்டுசெல்வதற்குள் மாரடைப்பு வந்தவர் மயங்கிவிட்டார் என்றால், அவருக்கு சில முதல் உதவிகளைச் செய்யலாம். முதலில் அவரைப் படுக்கவைத்து, அவரது நெஞ்சு கூடு ஏறி இறங்குகிறதா என்பதைக் கவனிக்க வேண்டும். அவரது கை அல்லது காலில் நாடித் துடிப்பைப் பரிசோதிக்க வேண்டும். நெஞ்சில் காதை வைத்து இதயத் துடிப்பு உள்ளதா என்பதைப் பார்த்து, அவரது வாயோடு வாய் வைத்து காற்றை உள்ளே செலுத்த வேண்டும்.
பின்னர், நோயாளியின் அருகில் அமர்ந்து, இடது மார்புப் பகுதியில் நம்முடைய இரண்டு கைகளின் உள்ளங்கைப் பகுதியை ஒன்றுசேர்த்து அரை செ.மீ. அளவுக்கு மென்மையாக அழுத்த வேண்டும். இந்த வகையில், மூன்று முறை நெஞ்சில் அழுத்த வேண்டும். பிறகு ஒருமுறை வாயோடு வாய் வைத்துக் காற்றை ஊதவேண்டும். இந்த இரண்டையும் மாறிமாறித் தொடர்ந்து செய்ய வேண்டும். நெஞ்சில் அழுத்தும்போது வேகமாக அழுத்தக் கூடாது. அப்படிச் செய்வதால், விலா எலும்பு உடைவதற்கான வாய்ப்பு உள்ளது.
பாதிக்கப்பட்டவருக்கான இந்த முதல் உதவிச் சிகிச்சைகளைச் செய்வதோடு, உடனடியாக அவரை மருத்துவமனைக்குக் கொண்டுசெல்லவும் முயற்சிக்க வேண்டும்.நோயாளிக்குச் சர்க்கரைநோய் பாதிப்பு இருந்தால், அவருக்கு சர்க்கரை அல்லது குளுக்கோஸ் கொடுத்து, சாப்பிடச் சொல்ல வேண்டும். மாரடைப்பின்போது இதயத்துக்குச் செல்லும் ரத்த ஓட்டம் தடுக்கப்படுகிறது. இதனால், ரத்தம் இன்றி இதயத் தசைகள் செயல் இழக்க ஆரம்பிக்கும். எனவே, எவ்வளவு சீக்கிரம் மாரடைப்பு வந்தவரை மருத்துவமனைக்குக் கொண்டுசென்று சிகிச்சை அளிக்கிறோமோ... அந்த அளவுக்கு அவரது இதயத் தசைகளைக் காப்பாற்ற முடியும்.
மாரடைப்பு தடுக்க தவிர்க்க!
உறக்கம் மிக மிக அவசியம்
நவீன வாழ்க்கை முறையே மாரடைப்பு ஏற்படுவதற்கான பிரதான காரணம். இன்றை டெக் உலகத்தில் இரவு என்பது நீண்டதாகிவிட்டது. கையில் உள்ள செல்போனில் பேட்டரி தீரும் வரை அதை நோண்டிக்கொண்டிருப்பது என்பது அன்றாடமாகிவிட்டது. இதனால் இரவில் நேரமே உறங்கச் செல்லும் வழக்கம் போயே போச்சு. ஆரோக்கியமான உடலுக்கு எட்டு மணி நேர உறக்கம், அதிலும் இரவுநேர உறக்கம் மிகவும் முக்கியம்.
அடர்ந்த இரவில் மெலட்டோனின் என்ற ஹார்மோன் மூளையில் சுரக்கிறது. இதுவே நம்மை பகலில் சுறுசுறுப்பாகவும் உற்சாகமாகவும் இயங்க வைக்கிறது. இரவில் கண் விழிக்கும்போது இந்த ஹார்மோன் சுரப்பு தடைப்பட்டு, டிப்ரசன் உருவாகி உயர் ரத்த அழுத்தம், சர்க்கரை போன்ற பிரச்சனைகள் உருவாகின்றன. இது மாரடைப்புக்கு வழிவகுக்கிறது. எனவே, இரவில் நேரமே உறங்கச் செல்வது மிகவும் முக்கியம்.
உணவு
ஆரோக்கியமான உணவுப்பழக்கம் காற்றோடு போய்விட்டது. வெள்ளை வெளேர் என்று இருக்கும் பாலிஷ்டு அரிசிதான் மிகவும் நல்லது என்ற மோகம் எப்படியோ நம்மிடையே வந்துவிட்டது. இதனால் நார்ச்சத்துக்கள் நீங்கிய ஒரு கார்போ குவியலை உடலுக்குள் அனுப்புகிறோம்.
இது செரிமானத்தை பலவீனப்படுத்துகிறது. மேலும், ஜங்க் புட், ஃபாஸ்ட் ஃபுட் என்ற பெயர்களில் செயற்கைச் சுவையூட்டிகள், நிறமூட்டிகள் நிறைந்த பாஸ்தா, நூடுல்ஸ், பீஸா, பர்க்கர், மோமோ போன்றவற்றை உண்பது, கார்ப்பனேட்டட் பானங்களை ஃபேஷன் என்ற பெயரில் பருகுவது, காப்பசீனோ, காப்பியானா என்று விதவிதமான காபிகளை உணவு நேரத்தில் பருகுவது என நம் உணவுப் பழக்கத்தை கொடூரமாக மாற்றி வைத்திருக்கிறோம். சிறுதானியங்கள், கூழ், பழச்சாறுகள், நட்ஸ், காய்கறிகள் போன்ற ஹெல்த்தியான உணவுகளை அதிகம் எடுத்துக்கொள்வது மிகவும் நல்லது. இது உடலை வலுவாக்கும்.
உடற்பயிற்சி
நவீன கருவிகள் நம்மை உடல் உழைப்பே இல்லாதவர்களாக மாற்றிவிட்டது. ஒரு மனிதன் சராசரியாக தினமும் பத்தாயிரம் அடிகள் அல்லது ஒரு மணி நேரம் நடக்க வேண்டும். தினமும் காலையில் எழுந்து நடப்பது, ஜாகிங், ரன்னிங், சைக்கிளிங், ஜம்பிங், ஸ்கிப்பிங் போன்ற கார்டியோ வொர்க் அவுட்கள் செய்வது இதயத்தை வலுவாக்கும். ஜிம்மில் சென்று வொர்க் அவுட் செய்வதும் நல்ல பலனைத் தரும்.
![](https://i.servimg.com/u/f42/15/92/96/93/barrab10.png)
![மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள் Q9CBqnj](https://i.imgur.com/Q9CBqnj.png)
அனுபவமொழிகள், பொன்மொழிகள் அடங்கிய நூற்றுக்கணக்கான காலை வணக்கம் படங்களைப் பெற:
https://picsart.com/u/sivastar
https://picsart.com/u/sivastar/stickers
ஈகரை டெலிகிராம் ஆப்பில் இணைய: https://t.me/eegarai
Re: மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள்
மாரடைப்புப் பிரச்னைக்கு முதல் காரணம்?
இந்தியாவின் நகர்ப்புறங்களிலும், கிராமப்புறங்களிலும் உள்ள மக்களில் பெரும்பாலானவர்கள் இரத்த அழுத்தம், உடல் பருமன் நோயினால் அவதிப்படுவதற்கு முக்கியக் காரணம் பதப்படுத்தப்பட்ட பாக்கெட் உணவுகளை அதிகம் சாப்பிடுவதுதான். இவற்றில் அதிகமாக உப்பு சேர்க்கப்படுகிறது.
இந்தியர்கள் ஒரு நாளைக்கு சராசரியாக 5 கிராமுக்கு குறைவான அளவு உப்பையே உணவில் சேர்த்துக் கொள்ளலாம் என்று உலக சுகாதார நிறுவனம் குறிப்பிடுகிறது. ஆனால், இந்தியர்கள் சராசரியாக ஒரு நாளைக்கு 8 கிராம் வரை உப்பை உணவில் சேர்த்துக் கொள்கிறார்கள். அதாவது, ஆண்கள் 8.9 கிராம் அளவும், பெண்கள் 7.1 கிராம் அளவும் உப்பு சேர்த்துக் கொள்வதாக தெரியவந்துள்ளது. இது பரிந்துரைக்கப்பட்ட அளவை விட அதிகமாகும்.
இந்தியாவில் நகர்ப்புறத்தில் உள்ள மக்களை விட, கிராமப்புறத்தில் வசிப்பவர்கள் உப்பை அதிகளவில் நேரடியாக உணவில் சேர்த்துக் கொள்கிறார்கள். அதனால், அதிக இரத்த அழுத்தம், உடல் பருமன் பிரச்னைக்கு ஆளாகிறார்கள் என்றும் இதனால் மாரடைப்பு, இதய நோய்களால் அவர்கள் அதிகம் பாதிக்கப்படுவதாகவும் இந்திய மருத்துவ ஆராய்ச்சிக் கழகம் தெரிவிக்கிறது.
பொதுவாக, இந்தியாவில் ஏற்படும் மரணங்களில் 28 சதவீதம் இதய நோய் பாதிப்பால் ஏற்படுபவை என்று கண்டறியப்பட்டுள்ளது. சமீப காலமாக இந்தியாவில் இரத்த அழுத்தத்தால் பாதிக்கப்படுவோர் எண்ணிக்கை 2 மில்லியனாக அதிகரித்துள்ளது. சிறுநீர் பரிசோதனையில் இந்தியர்கள் உணவில் அதிகம் உப்பு சேர்த்துக் கொள்வதும், அதனால் பல பிரச்னைகளை சந்திப்பதும் ஆய்வுகளில் தெரிய வந்துள்ளது. இது குறித்து மக்களிடையே அவ்வப்போது விழிப்புணர்வை ஏற்படுத்தியபோதிலும் சுயக்கட்டுப்பாடு இல்லாமல் உப்பை உணவில் சேர்த்துக்கொள்கிறார்கள்.
18 முதல் 60 வயது வரையிலான பத்தாயிரம் பேரிடம் சோதனை நடத்தியதில், அவர்களில் பெரும்பாலானோர் 8.5 கிராம் வரை உப்பை உணவில் சேர்த்திருப்பது தெரியவந்துள்ளது. வீட்டுச் சமையலில் உப்பை குறைவான அளவில் பயன்படுத்த வேண்டும். வெளியிடங்களில் அதாவது மெஸ், ஹோட்டல்களில் தயாரிக்கப்பட்ட உணவுகளை முடிந்தளவு தவிர்க்க வேண்டும். பாக்கெட்டில் அடைத்து விற்கப்படும் துரித உணவுகளை வாங்கிச் சாப்பிடுவதை அறவே நிறுத்த வேண்டும். பிஸ்கட், பேக்கரி உணவுகளைத் தவிர்க்க வேண்டும். இவை எல்லாவற்றையும் விட சாப்பாட்டில் ஊறுகாய் சேர்த்துக் கொள்வதை அவசியம் தவிர்க்க வேண்டும். ஏனெனில், ஊறுகாய் கெடாமல் நீண்ட நாள் இருக்க அதில் அதிகம் உப்பை பயன்படுத்தியிருப்பார்கள். இத்தகைய உணவுகளைத் தவிர்ப்பதன் மூலம் உடலில் உப்பை கட்டுப்படுத்தி, ஆரோக்கியத்தை பேண முடியும்.
![](https://i.servimg.com/u/f42/15/92/96/93/barrab10.png)
![மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள் Q9CBqnj](https://i.imgur.com/Q9CBqnj.png)
அனுபவமொழிகள், பொன்மொழிகள் அடங்கிய நூற்றுக்கணக்கான காலை வணக்கம் படங்களைப் பெற:
https://picsart.com/u/sivastar
https://picsart.com/u/sivastar/stickers
ஈகரை டெலிகிராம் ஆப்பில் இணைய: https://t.me/eegarai
ayyasamy ram இந்த பதிவை விரும்பியுள்ளார்
Re: மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள்
DJ இசையால் மாரடைப்பு ஏற்படும் அபாயம் இருப்பதாக மருத்துவா்கள் எச்சாிக்கின்றனா்
அண்மைக்காலமாக அடிக்கடி நாம் ஹார்ட் அட்டாக் என்ற வார்த்தையை கேட்டு வருகிறோம். ஏன் சிறு குழந்தைகளுக்கு கூட ஹார்ட் அட்டாக் வருவதை கேட்கும் துயரம் நேர்ந்து வருகிறது. நிலவில் சென்று ஆராய்ச்சி நடத்தும் அளவிற்கு வளர்ந்துவிட்டாலும், இன்னும் நம்மால் எந்த நோயில் இருந்தும் பூரண குணமடைய முடிவதில்லை. அந்த வகையில் இந்த ஹார்ட் அட்டாக் நோயும் அதிகம் ஏற்பட்டு வருகிறது.
இந்த ஹார்ட் அட்டாக் வருவதற்கு ஏராளமான காரணங்கள் உண்டு. அதில் ஒன்று தான் இந்த DJ இசை என மருத்துவர்கள் கூறுகின்றனர். சமீபகாலமாக கொண்டாட்டம் என்றாலே DJ இசை தான். இந்த கச்சேரியில் நாம் அதீத சத்தத்துடன் பாட்டு போட்டு நடனமாடுகிறோம். இதனால் இதய துடிப்பு அதிகமாகி நின்றுவிடுகிறது.
மேடையில் பாடி கொண்டே, ஆடி கொண்டே மாரடைப்பு ஏற்பட்டு உயிரிழந்தார்கள் என பல செய்திகளை கேட்டுக்கொண்டு தான் வருகிறோம். சமீபத்தில் கூட ஆந்திராவில் ஒரு இளைஞர் கோயில் திருவிழாவில் ஆடி கொண்டிருந்த போது மயங்கி விழுந்து பரிதாபமாக உயிரிழந்தார். இப்படி சின்ன வயது இளைஞர்களை கூட இந்த மாரடைப்பு தாக்குகிறது. ஹார்ட் அட்டாக் எப்போ வரும் எப்படி வரும் என யாருக்கும் தெரியாது. அதனால் நாம் தான் முன்னெச்சரிக்கையுடன் செயல்பட வேண்டும்.
அளவுக்கு மிஞ்சினால் அமுதமும் நஞ்சு என்பது போல அளவுக்கு அதிகமான ஒலி மாசும் நஞ்சு என்கிறாா்கள் மருத்துவா்கள். 70 டெசிபல் அளவு வரையிலான சத்தத்தை நமது காதுகள் தாங்கும் திறன் கொண்டவை. 80 முதல் 100 டெசிபல் வரையிலான ஒலியைத் தொடர்ந்து கேட்டால் காது கேளாமை பாதிப்பு ஏற்படும் என கூறும் காது , மூக்கு, தொண்டை நிபுணா்கள், 100 முதல் 120 டெசிபல்களுக்கு இடைப்பட்ட ஒலி செவிப்பறை வெடிப்பு, தலை சுற்றலை ஏற்படுத்தும் என்றும் இந்த ஒலி இதயத்துடன் இணைக்கப்பட்ட செவிப்புலத்தைத் தூண்டும் எனவும் கூறுகின்றனா். அதனால் இதயத் துடிப்பு நின்று மாரடைப்பு ஏற்பட அதிக வாய்ப்புகள் இருப்பதாகவும் கூறுகின்றனா்.
மேலும் ஒலி மாசு ஒரு நபரின் ஆரோக்கியத்தில் தீங்கு விளைவிக்கும் எனவும் உயர் ரத்த அழுத்தம், பக்கவாதம் உள்ளிட்ட உடல் உபாதைகளை ஏற்படுத்தும் என்றும் கூறும் மருத்துவா்கள். உடல் ரீதியாக மட்டும் அல்லாமல் மன ரிதியிலான பாதிப்புகளையும் அது ஏற்படுத்தும் என்கிறாா்கள். எப்போதும் காதிற்குள் தேனீ மொய்ப்பதுபோல உணா்ந்து, அதனால் தூக்கமிழந்து தவிப்பதாகவும் பலா் கூறுகின்றனா். ஆடல், பாடல், இசை என எதுவாக இருந்தாலும் அளவோடு இருக்கும் வரையில்தான் ஆரோக்கியத்திற்கு நல்லது என்கிறாா்கள் மருத்துவா்கள்.
![](https://i.servimg.com/u/f42/15/92/96/93/barrab10.png)
![மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள் Q9CBqnj](https://i.imgur.com/Q9CBqnj.png)
அனுபவமொழிகள், பொன்மொழிகள் அடங்கிய நூற்றுக்கணக்கான காலை வணக்கம் படங்களைப் பெற:
https://picsart.com/u/sivastar
https://picsart.com/u/sivastar/stickers
ஈகரை டெலிகிராம் ஆப்பில் இணைய: https://t.me/eegarai
Re: மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள்
ஹார்ட் அட்டாக்கை தவிர்க்க அவசியமான பத்து யோசனைகள்
நாற்பத்தைந்து வயதைத் தொட்டு விட்டாலே, உடலின் முக்கிய உறுப்புகளான இதயம், மூளை, சிறுநீரகம் ஆகியவற்றின் செயல்பாடுகளை சீர்குலைப்பதற்கான அறிகுறிகளாக உயர் ரத்த அழுத்தம், சர்க்கரை நோய், கொலஸ்ட்ரால் போன்ற உடல் பிரச்னைகள் அழையா விருந்தாளிகளாக உடலுக்குள் வந்து அமர்ந்து கொள்வது சகஜமாகிவிட்டது.
இவற்றை சமநிலையில் வைக்கத் தவறினால் வருவதே ஹார்ட் அட்டாக், ஸ்ட்ரோக், கிட்னி ஃபெயிலியர் போன்ற உயிருக்கு ஆபத்தை விளைவிக்கும் வியாதிகள். இவற்றில், 'மாரடைப்பு' எனப்படும் ஹார்ட் அட்டாக் உடனடி மரணத்தை ஏற்படுத்தவல்லது. ஹார்ட் அட்டாக் அபாயத்தைத் தடுக்கக்கூடிய வழிகளுக்கான பத்து டிப்ஸ்களை இந்தப் பதிவில் பார்ப்போம்.
1. உயர் ரத்த அழுத்தத்தைக் கட்டுப்பாட்டில் வைப்பது. ஒருமுறை இது வந்துவிட்டால், மருத்துவர் பரிந்துரைக்கும் மாத்திரைகளை வாழ்நாள் முழுவதும் எடுத்துக்கொள்வது அவசியம்.
2. சர்க்கரை நோய் வரும்போது மருத்துவரைக் கலந்தாலோசித்து மருந்துகளை எடுத்துக்கொள்ள வேண்டும். இதையும் வாழ்நாள் முழுக்க எடுத்துக்கொள்ள வேண்டியது அவசியம்.
3. உடல் கொழுப்பின் அளவைக் கட்டுப்பாட்டில் வைப்பது.
4. உடல் எடை அதிகரிக்காமல் சீராகப் பராமரிப்பது.
5. எளிய உடற்பயிற்சிகளை மேற்கொள்வது. அநேக மருத்துவர்கள் பரிந்துரைக்கும் நடை பயிற்சியே சிறந்ததாகக் கருதப்படுகிறது.
6. 'ஸ்ட்ரெஸ்' எனப்படும் மன அழுத்தம், ஹார்ட் அட்டாக் வருவதற்கான முக்கிய காரணியாகக் கூறப்படுகிறது. மன அழுத்தம் இல்லாத அமைதியான வாழ்க்கை முறையை பின்பற்ற வேண்டியது அவசியம்.
7. உங்கள் திறனை (capacity) மீறி வேலை செய்ய முயற்சிக்க வேண்டாம். அதாவது, ஒரு வேலையை முடிக்க பத்து நிமிடம் தேவைப்பட்டால் ஏழு நிமிடத்தில் முடிக்க நினைக்க வேண்டாம்.
8. அதிக அளவு உப்பு, காரம், புளிப்பு, கொழுப்புச் சத்து நிறைந்த உணவுகளைத் தவிர்த்து சாத்வீகமான உணவு முறைகளைப் பின்பற்றுவது நல்லது.
9. உடலுக்குத் தேவையான ஓய்வு மற்றும் தூக்கம் கிடைப்பதை உறுதிப்படுத்திக் கொள்வது முக்கியம்.
10. ‘ஹார்ட் அட்டாக் வந்துவிடுமோ’ என்று பயம் கொள்வது தவறு. பயமே முதல் எதிரி.
மேற்கூறிய டிப்ஸ்களைப் பின்பற்றி அமைதியான, ஆரோக்கியம் நிறைந்த வாழ்க்கை முறைகளைப் பின்பற்றப் பழகிக்கொண்டாலே ஹார்ட் அட்டாக் நம்மை அணுகாது என நம்புவோம். |
![](https://i.servimg.com/u/f42/15/92/96/93/barrab10.png)
![மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள் Q9CBqnj](https://i.imgur.com/Q9CBqnj.png)
அனுபவமொழிகள், பொன்மொழிகள் அடங்கிய நூற்றுக்கணக்கான காலை வணக்கம் படங்களைப் பெற:
https://picsart.com/u/sivastar
https://picsart.com/u/sivastar/stickers
ஈகரை டெலிகிராம் ஆப்பில் இணைய: https://t.me/eegarai
Re: மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள்
வெல்லம், பூண்டு: குளிர் காலத்தில் இதயக் கோளாறுகளைத் தடுக்க சிறந்த ஆயுர்வேதத் தீர்வு
எவ்வாறாயினும், இந்த கலவையானது இயற்கையில் வெப்பத்தை உருவாக்கும் என்பதால், கோடையில் இதை ஒருவர் தவிர்க்க வேண்டும்.
குளிர் காலத்தில் இதயப் பிரச்சினைகள் மிகவும் பொதுவானதாகி விடுகின்றன, எனவே ஒருவர் மிகவும் கவனமாக இருக்க வேண்டும், மேலும் வெளிப்படையான அறிகுறிகளை கவனிக்க வேண்டும்.
நிபுணர்களின் கூற்றுப்படி, வானிலை தொடர்பான மாரடைப்புக்கான முதன்மைக் காரணங்களில் ஒன்று, நமது உடலின் உடலியல் மற்றும் வெப்பநிலை வீழ்ச்சி இதயத்தை பாதிக்கும் விதம்.
உடலின் உயிரியல் நிலை சிம்பெதெட்டிக் நரம்பு மண்டலத்தை செயல்படுத்துவதன் மூலம் தடைபடுகிறது, இது நம் உடலில் உள்ள ரத்த நாளங்களை சுருக்குகிறது. இது ‘வாசோகன்ஸ்டிரிக்ஷன்’ எனப்படும். இந்தச் செயல்பாட்டின் போது, உடலின் பல்வேறு பகுதிகளுக்கு ரத்தத்தை பம்ப் செய்ய இதயத்தை அழுத்துவதால், ரத்த அழுத்த அளவு அதிகரிக்கிறது, என்று புதுதில்லி டாக்டர் பல்பீர் சிங் தெரிவித்தார்.
ஆனால் ஆயுர்வேத டாக்டர் மிஹிர் காத்ரி, சில ஆயுர்வேத வைத்தியம் மூலம் இதுபோன்ற நிகழ்வுகளின் அபாயங்களைக் குறைக்கலாம் என்கிறார்.
பழைய வெல்லம் (கருப்பு நிறமாக இருக்கும்) மற்றும் இரண்டு பல் பூண்டு, எவ்வாறு இதயக் கோளாறுகளைத் தடுக்கும் என்பதை அவர் பகிர்ந்து கொண்டார்.
இரண்டு பல் பூண்டு மற்றும் பழைய வெல்லம் சேர்த்து சட்னி செய்வது. இதை காலை உணவு அல்லது மதிய உணவுடன் சாப்பிடுங்கள்.
இது வாயு தொடர்பான கோளாறுகளுக்கு உதவுகிறது, வலிகளில் இருந்து நிவாரணம் அளிக்கிறது, ரத்தத்தை நீர்த்துப்போகச் செய்கிறது, கொழுப்பைக் குறைக்கிறது மற்றும் உடலில் வெப்பத்தை அதிகரிக்கிறது, இது குளிர்காலம் தொடர்பான இதய பிரச்சினைகளைத் தவிர்க்கிறது, என்று காத்ரி பகிர்ந்து கொண்டார்.
எவ்வாறாயினும், இந்த கலவையானது இயற்கையில் வெப்பத்தை உருவாக்கும் என்பதால், கோடையில் இதை ஒருவர் தவிர்க்க வேண்டும்.
வெங்காயம் மற்றும் பூண்டை சாப்பிடாதவர்கள் அல்லது நீரிழிவு நோயாளிகள், அரை ஸ்பூன் ஆளிவிதை (வறுக்காதது), அல்லது சுக்கு மற்றும் கருப்பு மிளகு (2 கிராம்), அல்லது கருப்பு எள் விதைகளை (ஒரு ஸ்பூன்) மென்று சாப்பிடலாம் என்று ஆயுர்வேத நிபுணர் கூறினார்.
![](https://i.servimg.com/u/f42/15/92/96/93/barrab10.png)
![மாரடைப்பு என்றால் என்ன? எதனால் ஏற்படுகிறது? அறிகுறிகள் மற்றும் முதலுதவிகள் Q9CBqnj](https://i.imgur.com/Q9CBqnj.png)
அனுபவமொழிகள், பொன்மொழிகள் அடங்கிய நூற்றுக்கணக்கான காலை வணக்கம் படங்களைப் பெற:
https://picsart.com/u/sivastar
https://picsart.com/u/sivastar/stickers
ஈகரை டெலிகிராம் ஆப்பில் இணைய: https://t.me/eegarai
![-](https://i.servimg.com/u/f86/18/21/41/30/minus-11.png)
» மாரடைப்பு எதனால் ஏற்படுகிறது?
» பிக்மென்டேஷன் எதனால் ஏற்படுகிறது? அதற்கான தீர்வு என்ன?
» மெட்ராஸ் ஐ: கண்வலி ஏன் ஏற்படுகிறது? தற்காப்பு, அறிகுறிகள், சிகிச்சைகள் என்ன?
» பீதியை கிளப்பும் 'எபோலா வைரஸ்' என்றால் என்ன?, அதன் அறிகுறிகள் என்ன?
» அனியூரிஸம் என்றால் என்ன? அறிகுறிகள் என்ன?
» பிக்மென்டேஷன் எதனால் ஏற்படுகிறது? அதற்கான தீர்வு என்ன?
» மெட்ராஸ் ஐ: கண்வலி ஏன் ஏற்படுகிறது? தற்காப்பு, அறிகுறிகள், சிகிச்சைகள் என்ன?
» பீதியை கிளப்பும் 'எபோலா வைரஸ்' என்றால் என்ன?, அதன் அறிகுறிகள் என்ன?
» அனியூரிஸம் என்றால் என்ன? அறிகுறிகள் என்ன?
Page 1 of 1
Permissions in this forum:
You cannot reply to topics in this forum
|
|