வாழ்க்கையில் பின்பற்ற வேண்டிய 12 விதிகள்.

**சிவா** · **சிவா** Mon Jul 17, 2023 8:54 pm

சிறந்த, மகிழ்ச்சியான, வெற்றிகரமான வாழ்க்கையை வாழ்வதற்கு சில விதிகள் உள்ளன. அதனை கடைப்பிடித்தால், சாதனையாளராக மட்டுமின்றி தன்னம்பிக்கை மிக்கவராக வலம் வர முடியும். அத்தகைய 12 விதிகள் என்னவென்று பார்ப்போம்.

1. எண்ணம் :

பிரபஞ்சத்திற்கு நீங்கள் எந்த ஆற்றலையும், எண்ணங்களையும் வெளிப்படுத்தினாலும், அது நல்லதாக இருந்தாலும்,கெட்டதாக இருந்தாலும் சரி. உங்களுக்கே வந்து சேரும்.

2. உருவாக்கம் :

வாழ்க்கையில் அதுவாக எல்லாம் நடந்து விடாது. உங்களுக்கு அதிர்ஷ்டவசமாக எல்லாம் நிகழும் என காத்திருக்காமல், நீங்கள் நடவடிக்கை எடுத்து செய்ய வேண்டிய விஷயங்களை துவங்க வேண்டும்.

3. பணிவு :

உங்கள் தற்போதைய நிலைமை, உங்கள் கடந்தகால செயல்களின் விளைவாகும் என்பதை ஏற்றுக்கொள்வதற்கும் புரிந்துகொள்வதற்கும் எப்போதும் மற்றவர்களிடம் பணிவாக இருக்க பழகுங்கள்.

4. வளர்ச்சி :

உங்களை சுயமாக கட்டுப்படுத்திக் கொள்ளுங்கள். மற்றவர்களை கட்டுப்படுத்த ஒருபோதும் முயற்சிக்காதீர். ஏனெனில், வாழ்க்கையில் உண்மையான மாற்றம் உங்களிடமிருந்தே தொடங்குவதால், உங்கள் சொந்த வளர்ச்சியில் கவனம் செலுத்துங்கள்.

5. பொறுப்பு :

உங்கள் வாழ்க்கையில் எது நடந்தாலும், அது உங்களால் மட்டுமே நடக்கும். அதற்கு நீங்கள் பொறுப்பு ஏற்க வேண்டும். நீங்கள் தேர்வு செய்வது உங்களை உருவாக்கும்.

6. இணைப்பு :

உங்கள் கடந்த காலம், நிகழ்காலம் மற்றும் எதிர்காலம் அனைத்தும் ஒன்றோடு இணைக்கப்பட்டுள்ளது. உங்களது, கடந்த கால செயல்கள், இன்று நீங்கள் யார் என்பதை
தீர்மானிக்கிறது, நாளை நீங்கள் யார் என்பதை உங்களது தற்போதைய நிகழ்காலம் தீர்மானிக்கும்.

7. கவனம் :

ஒரு நேரத்தில் ஒரு விஷயத்தில் மட்டும் கவனம் செலுத்துங்கள். உங்கள் கவனம் ஆன்மீக பார்வையோடு இணைந்திருக்கும் வரை, உங்களுக்கு பேராசை மற்றும் எதிர்மறை எண்ணங்கள் இருக்காது.

8. வழங்குதல், விருந்தோம்பல்:

நீங்கள் முழுமையாக நம்பும் விஷயங்களை, இதயத்தில் இருந்து பிறருக்கு கொடுங்கள். உங்கள் செயல்கள், உங்கள் உள்ளார்ந்த நம்பிக்கைகளின் பிரதிபலிப்பு என்பதை ஒப்புக்கொள்ளுங்கள்.

9. இங்கே, இப்போது :

தற்போதைய தருணத்தில் வாழ்வதே உண்மையான மகிழ்ச்சிக்கான ஒரே வழி. கடந்த காலத்தில் மூழ்கி திளைப்பதும், எதிர்காலத்தைப் பற்றி கவலைப்படுவதும் உங்களை மகிழ்ச்சியை குறைக்கும்.

10. மாற்றம்:

வாழ்க்கையில் கற்று கொண்ட பாடங்களை, நடைமுறைக்கு கொண்டு வராத வரை வரலாறு மீண்டும் நிகழும். நீங்கள் வியத்தகு மாற்றங்களைக் கண்டால்,வளர்ந்து வருகிறீர்கள் என்று அர்த்தம்.

11. பொறுமை,வெகுமதி :

வெற்றிக்கு பொறுமை, தொடர்ச்சியான கடின உழைப்பு மற்றும் முயற்சிகளுக்கு நிச்சயம் பலன் கிடைக்கும் என்ற தன்னம்பிக்கை தேவை.

12. முக்கியத்துவம் மற்றும் உத்வேகம்:

பெரியதோ, சிறியதோ எதுவாக இருந்தாலும், நீங்கள் செய்யும் ஒவ்வொரு பங்களிப்பும் பிரபஞ்சத்தை பாதிக்கிறது. உங்கள் நேர்மறையான செயல்கள் உங்கள் வாழ்க்கையில்
அதிக நேர்மறையை கொண்டு வரும்.