கண்கள் அழகாக:

ஒருவரின் கண்களை வைத்தே அவரது உள்ள உணர்வுகளைத் தெரி வித்து விட முடியும். சந்தோஷமோ, துக்கமோ அவை உடனடியாக முகத்தில் பிரதிபலிக்கக் காரணமாக இருப்பவை கண்கள். அவற்றை அழகாக வைத்துக்கொள்ள எளிய குறிப்புகள்:

கண்களின் அழகில் முதலில் கவனிக் கப்பட வேண்டியது உட்கொள்ளும் உணவு. வைட்டமின் ஏ அதிகமுள்ள உணவுகள் கண்களை அழ காக்கும். பச்சை கேரட், வெள்ளரி, பசலைக் கீரை, கொத்த மல்லி, அரைக் கீரை போன்றவை உணவில் நிறைய சேர்த்துக் கொள்ளப்பட வேண்டும்.

வயிற்றுக் கோளாறுகள் இருந்தால் அதன் விளைவாகக் கண்கள் பாதிக்கப்படும். காலையில் எழுந்ததும் தினமும் எலுமிச்சம் பழச் சாறு கலந்த வெது வெதுப்பான தண்ணீர் அல்லது ஒரு டீஸ்பூன் வினிகரும், தேனும் கலந்த தண்ணீரையோ குடிப்பது வயிற்றை சுத்தமாக்கும்.

ஓய்வு கிடைக்கும் போதெல்லாம் கண்களை மூடியிருப்பது நல்லது. பன்னீரில் அல்லது லைட் டீ டிகாக்ஷனில் நனைத்த பஞ்சைக் கண் களின் மேல் வைத்தபடி படுத்திருப்பது கண்களைப் பிரகாசமாக்கும்.

தினசரி பத்து டம்ளர் தண்ணீர் கட்டாயம் குடிக்க வேண்டும்.

வெள்ளரிக்காய் துருவல், உருளைக் கிழங்குத் துருவல் இரண்டில் ஒன்றை மெல்லிய துணியில் கட்டியோ, புதிய அத்திப் பழங்களையோ கண்களின் மேல் சிறிது நேரம் வைத்திருந்து எடுப்பது கண்களின் கீழுள்ள கருவளையங்களை நீக்கிக் கண்களை அழ காக்கும்.

காலையில் எழுந்ததும் குளிர்ந்த தண்ணீரைக் கண்களில் அடித்துக் கழுவவும். பிறகு வெது வெதுப்பான பாலில் பஞ்சை நனைத்து சிறிது நேரம் கண்களின் மேல் வைத்திருக்கவும்.

மங்கலான வெளிச்சத்தில் வேலை செய்வதோ, படிப்பதோ தவிர்க்கப் பட வேண்டும்.

பேருந்து, ரயில் போன்றவற்றில் பயணம் செய்யும் போது புத்தகம் படிப்பது தவிர்க்கப்பட வேண்டும்.

கண்களை இமைக்காமல் நீண்ட நேரத்திற்கு இருப்பதைத் தவிர்க்க வேண்டும். கண்களை அடிக்கடி இமைப்பது கண்களுக்குத் தேவை யான வழுவழுப்பைத் தரும். வறட்சியை நீக்கும்.

கண்களை அடிக்கடி கசக்கவோ, சொறியவோ வேண்டாம்.

உங்கள் உள்ளங்கைகளால் கண்களை மூடிக் கொண்டபடி சிறிது நேரம் இருக்கவும். பிறகு மெதுவாகத் திறக்கவும். இது கண்களுக்கான இன்ஸ்டன்ட் பயிற்சி.

தலையைத் திருப்பாமல், கண்களை மட்டும் மேலே உயர்த்தவும். பிறகு கீழே பார்க்கவும். இதே மாதிரி தினம் பத்து முறைகள் செய்ய வும். கண்களை உள்ளங்கையால் மூடியோ, வேகமாக இமைத்தோ அவற்றுக்கு ஓய்வு கொடுக்கவும்.

கண்களுக்கு நேர்க்கோட்டில் உள்ள ஒரு பொருளைப் பார்க்கவும். பிறகு தலையைத் திருப்பாமல் வலது மற்றும் இடது பக்கங்களில் பார்வையை மட்டும் திருப்பவும்.

வட்ட வடிவமாக மற்றும் அதற்கு எதிராக கண்களை மாற்றி மாற்றி சுழற்றவும். ஐந்தைந்து முறைகள் இப்படிச் செய்யவும்.

கண் இமைகளையும், புருவங்களையும் பேபி பிரஷ்ஷால் வாரி விடவும். விளக்கெண்ணெய் அல்லது தேங்காய் எண்ணெயால் மசாஜ் செய்து விடவும்.

சூப்பர்

மிகவும் அருமையான பயனுள்ள குறிப்புகள்.

நன்றிகள் சிவா சார்

ரொம்ப நன்றி