ஆஹா... யோகா! -அசத்தும் கோவை கின்னஸ் குடும்பம்!

**T.N.Balasubramanian** · **T.N.Balasubramanian** Fri 7 Apr 2023 - 20:19

கோப்பைகள், பதக்கங்கள், சான்றிதழ்களுடன் யோகா சாதனையாளர்கள்

[url=https://twitter.com/intent/tweet?url=https%3A%2F%2Fkamadenu.hindutamil.in%2Fnational%2F3-kids-of-a-coimbatore-family-scores-guinness-records-in-yoga&text=%E0%AE%86%E0%AE%B9%E0%AE%BE... %E0%AE%AF%E0%AF%8B%E0%AE%95%E0%AE%BE! -%E0%AE%85%E0%AE%9A%E0%AE%A4%E0%AF%8D%E0%AE%A4%E0%AF%81%E0%AE%AE%E0%AF%8D %E0%AE%95%E0%AF%8B%E0%AE%B5%E0%AF%88 %E0%AE%95%E0%AE%BF%E0%AE%A9%E0%AF%8D%E0%AE%A9%E0%AE%B8%E0%AF%8D][/url]
[url=https://www.linkedin.com/shareArticle?url=https%3A%2F%2Fkamadenu.hindutamil.in%2Fnational%2F3-kids-of-a-coimbatore-family-scores-guinness-records-in-yoga&title=%E0%AE%86%E0%AE%B9%E0%AE%BE... %E0%AE%AF%E0%AF%8B%E0%AE%95%E0%AE%BE! -%E0%AE%85%E0%AE%9A%E0%AE%A4%E0%AF%8D%E0%AE%A4%E0%AF%81%E0%AE%AE%E0%AF%8D %E0%AE%95%E0%AF%8B%E0%AE%B5%E0%AF%88 %E0%AE%95%E0%AE%BF%E0%AE%A9%E0%AF%8D%E0%AE%A9%E0%AE%B8%E0%AF%8D %E0%AE%95%E0%AF%81%E0%AE%9F%E0%AF%81%E0%AE%AE%E0%AF%8D%E0%AE%AA%E0%AE%AE%E0%AF%8D!][/url]

[size]
கோவையை சேர்ந்த ஒரே குடும்பத்தின் 3 குழந்தைகள், யோகாவில் கின்னஸ் வரையிலான அசத்தல் சாதனைகளை தமக்காக்கி வருகிறார்கள். இதனால் வீடு கொள்ளாது வெற்றிக் கோப்பைகள், விருதுகள், சான்றிதழ்கள் என இந்த சாதனை குடும்பம் நிமிர்ந்து நிற்கிறது.
நவீன வாழ்வியலின் அழுத்தங்களில் இருந்து விடுபடவும், உடல் மற்றும் உள்ள நலம் பெறவும் யோகா வழிவகை செய்கிறது. இந்தியா மட்டுமன்றி உலகமெங்கும் யோகா குறித்தான விழிப்புணர்வு பரவியுள்ளது. இளம் சிறார் மத்தியில் அது தொடர்பான ஆர்வமும் அதிகரித்து வருகிறது. கல்வியில் சிறந்து விளங்கவும், ஒழுக்கத்தில் உயர்ந்து நிற்கவும் பள்ளியிலும் யோகா கற்றுத் தரப்படுகிறது. அத்தகைய யோகாவை இளம் வயதில் பழகுவோர், அதில் சாதனை படைக்கவும் செய்கின்றனர்.
கோவை கின்னஸ் குடும்பத்தில் இப்படித்தான், 3 பேர் கின்னஸ் வரை தங்களை திறமைகளை பறைசாற்றச் செய்திருக்கின்றனர். கோவை சரவணம்பட்டி பகுதியை சேர்ந்தவர் ரூபிகா. இவரது மகள் பவ்ய ஸ்ரீ, மகன் பூவேஷ் தங்கை மகன் சர்வஜித் நாராயணன் ஆகியோர் யோகாவில் சர்வதேச சாதனைகளை படைத்திருக்கின்றனர். தனிப்பட்ட காரணங்களால் கணவரைப் பிரிந்து தன்னுடைய தோளில் குடும்பத்தை சுமந்து வரும் ரூபிகா, குழந்தைகளின் யோகா சாதனைக்கும் தூண்டுகோலாக இருந்திருக்கிறார்.
ஒன்பதாம் வகுப்பு பயிலும் பவ்ய ஸ்ரீ, தனது குழந்தைப் பருவம் தொட்டே யோகா கற்று வருகிறார். யோகா நிலையில், எண்கோண வடிவில் தொடர்ந்து 2 நிமிடம் 6 வினாடிகளில் நீடித்து புதிய கின்னஸ் சாதனை படைத்துள்ளார். இந்த வரிசையில் பவ்ய ஸ்ரீ உடன்பிறப்பான 9 வயது சகோதரன் பூவேஷ், தனது அக்காவைப் போலவே யோகாவில் பல சாதனைகளை செய்து அசத்தியுள்ளார். இவர்களுடன் ரூபிகாவின் தங்கை மகனான 10 வயதாகும் சர்வஜித் நாராயணனும் மாநில, தேசிய மற்றும் சர்வதேச அளவிலான யோகா போட்டிகளில் சாதனைகள் படைத்திருக்கிறார்.
ஒரே குடும்பத்தை சேர்ந்த மூன்று பிள்ளைகள் யோகாவில் பலதரப்பட்ட சாதனைகள் புரிந்ததில், வீடு கொள்ளாது கோப்பைகள், விருதுகள் மற்றும் சான்றிதழ்கள் குவிந்து கிடக்கின்றன. பல்வேறு அமைப்புகளின் பாராட்டுதல் உள்ளிட்ட அங்கீகாரங்களையும் இவர்கள் பெற்றுள்ளனர். அண்மையில் மூவருக்கும் மதுரை முத்தமிழ் சங்கத்தின் இளம் சாதனையாளர் விருதுகள் வழங்கி கவுரவிக்கப்பட்டுள்ளது. பிஞ்சு வயதில் யோகா கற்று சாதனை படைத்ததில், உடலோம்பலுக்கான தனிப்பட்ட நலன்களை பெற்றதோடு மற்றவர்களுக்கு முன்னுதாரணமாவும், விழிப்புணர்வும் அளித்தும் இவர்கள் புதிய சாதனை படைத்து வருகின்றனர்.

நன்றி காமதேனு -தமிழ் ஹிந்து [/size]

ஆஹா... யோகா! -அசத்தும் கோவை கின்னஸ் குடும்பம்!

ஆஹா... யோகா! -அசத்தும் கோவை கின்னஸ் குடும்பம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக