மெல்லத் தமிழ் இனிச் சாகும்!

by **சாமி** Mon Aug 28, 2023 6:49 am

பலவிதங்களில் தமிழைக் கெடுத்துக்கொண்டு இருப்பவர்களில் முதலிடம் வகிப்பவர்கள் டி.டிபி வேலை செய்பவர்கள், போர்டு எழுதுபவர்கள், பேனர் அடிப்பவர்கள், பிரிண்டிங் வேலை செய்பவர்கள். இப்படி. செய்யக்கூடிய தவறுகளைப் பார்த்தால் சிரிப்பு பொத்துக்கொண்டு வரும். ஆனால் சிரித்தால் மட்டும் போதாது. அவர்கள் திருந்தவும் மற்றவர்கள் அவர்களைப் பார்த்து தமிழை தவறாக எழுதாதே என்று சொல்வதற்காகவும் இந்தப்பதிவு.

இந்தப்பதிவில் ஆங்கங்கே காணப்படும் போஸ்டர்கள், விளம்பரங்களில், பத்திரிக்கைகள் உள்ள மொழித்தவறுகளை வெளிப்படுத்துவதே இதன் நோக்கம். அன்பர்கள் தாங்களும் ஆங்காங்கே காணக்கூடிய தவறுகளை படம்பிடித்து இங்கே பதிந்து தமிழை வளர்க்கும்படி கேட்டுக்கொள்கிறேன். நன்றி! அன்புடன், சாமி.

மெல்லத் தமிழ் இனிச் சாகும்! WKBbQPk

நேற்று சாலையில் வரும்போது எதிரில் தென்பட்ட லாரி வாசகம்:-

எண்ணம் போல் வாழ்க்கை என்று எழுத வேண்டியவர்கள்
என்னம் போல் வாழ்கை என்று எழுதியுள்ளார்கள்.

by **T.N.Balasubramanian** Mon Aug 28, 2023 4:53 pm

இப்பொழுது என்று இல்லை, அந்த காலத்திலும் 1950 களிலும் இது இருந்தது.

minor irrigation project --சிறுநீர் பாசன திட்டம்

by **சாமி** Tue Aug 29, 2023 11:35 am

T.N.Balasubramanian wrote:இப்பொழுது என்று இல்லை, அந்த காலத்திலும் 1950 களிலும் இது இருந்தது. minor irrigation project --சிறுநீர் பாசன திட்டம்

மேற்கோள் செய்த பதிவு: undefined

நீங்கள் குறிப்பிட்டுள்ளதைப் பார்க்கும்போது இன்னொரு நிகழ்வும் நினைவுக்கு வருகிறது. அரசாங்கம் அமைக்கின்ற சில குழுவிற்கு 'உயர்மட்டக் குழு' என்று அமைப்பார்கள். *உயர் அடுத்த சொல் மட்டம்* என்று வருகிறது.

இதற்குக் காரணம் தமிழ் மொழியில் ஒரு சொல்லிற்கு ஒரே ஒரு பொருள்தான் உண்டு என்று இல்லை. பல் பொருட்கள் இருக்கின்றன. வார்த்தைகளைத் தொகுப்பவர்கள் அறிவாளிகளாக இருக்கவேண்டும். நன்றி!

by **T.N.Balasubramanian** Tue Aug 29, 2023 5:54 pm

சில மொழிபெயர்ப்புகளை படிக்கையில்
சிரிப்பும் வருகிறது --வருந்தவும் வேண்டியுள்ளது.

@சாமி

by **சாமி** Wed Aug 30, 2023 8:51 am

திருமணப் பத்திரிக்கை சடங்கு அழைப்பிதழ்களில் நிகழும் மங்கலகரமான என 'ல' வர வேண்டிய இடத்தில் 'ள' வை பயன்படுத்தி மங்களகரமான என எழுதுவார்கள். இரண்டிற்கும் வேறு வேறு பொருள்.

மங்கலம் = அழகு, சுபம், நன்மை
மங்களம் = முடிவு

கச்சேரிகளில் மங்களம் மங்களம் என நிகழ்ச்சி முடிவைக் குறிப்பிடுவார்கள். அதைக்கொண்டு வந்து வாழ்க்கைத் தொடங்குவதற்கு பயன்படுத்தினால் எப்படி?

திருக்குறளில் அழகாக மங்கலம் என்ப மனைமாட்சி என்று குறிப்பிடுவார்.

மெல்லத் தமிழ் இனிச் சாகும்! HJKRnW6