கல்யாண விருந்து சொதி குழம்பு

திருநெல்வேலி மாவட்டத்தில் அல்வாவிற்கு அடுத்தபடியாக சொதி குழம்பு மிகவும் பிரபலமானது. கல்யாண வீடுகளில் மாப்பிள்ளைக்கு மறுவீடு விருந்து அழைப்பின் போது இந்த குழம்பு தவறாது இடம் பிடிக்கும். இதைப் பிடித்தவர்களுக்கு நீங்களும் செய்து கொடுத்து அசத்தலாம்.

தேவையான பொருட்கள்

முருங்கைக்காய் - 1
பாசிப்பருப்பு - 100கிராம்
சின்ன வெங்காயம் - 100 கிராம்
பீன்ஸ், கேரட், உருளைக் கிழங்கு - 1கப்(நறுக்கியது)
தேங்காய் துருவல் - 2கப்
மஞ்சள் தூள் - 1/4ஸ்பூன்
இஞ்சி - 1 துண்டு
பூண்டு பல் - 6
பச்சை மிளகாய் - 5
சீரகம் - 1ஸ்பூன்
எலுமிச்சை சாறு - 2ஸ்பூன்
எண்ணெய், நெய் - தேவையான அளவு
கருவேப்பிலை, கொத்தமல்லி - ஒரு பிடியளவு
உப்பு - தேவையான அளவு

செய்முறை

இந்த குழம்பு செய்வதற்குத் தேங்காய் பால் முக்கியம் என்பதால், தேங்காய் துருவலை இரண்டு முறை மிக்ஸியில் சேர்த்து அரைத்து தனித்தனியாகப் பால் எடுத்துக் கொள்ள வேண்டும்.

அடுப்பில் ஒரு பாத்திரத்தை வைத்து பாசிப்பருப்புடன் தண்ணீர் மற்றும் சிறிதளவு மஞ்சள் தூள் சேர்த்து வேக வைத்துக் கொள்ளவும்.

பிறகு இஞ்சி, பச்சை மிளகாய், சின்ன வெங்காயம், முருங்கைக்காய் ஆகியவற்றைச் சிறியதாக நறுக்கிக் கொள்ள வேண்டும்.

அடுப்பில் ஒரு வாணலியை வைத்து, எண்ணெய் ஊற்றி சூடானதும், இஞ்சி, பச்சை மிளகாய், சின்ன வெங்காயம், பூண்டு, கொத்தமல்லி ஆகியவற்றைச் சேர்த்து நன்றாக வதக்கிக் கொள்ளவும்.

இரண்டாவது முறை எடுத்த தேங்காய் பாலை அதனுடன் சேர்த்துக் கொதிக்க வைக்க வேண்டும். பிறகு அதில் காய்கறிகளைச் சேர்த்து நன்கு வேக வைக்க வேண்டும்.

காய்கறிகள் வெந்தவுடன், வேகவைத்துள்ள பாசிப்பருப்பைச் சேர்க்க வேண்டும்.குழம்பு நன்றாகக் கொதித்தவுடன் முதலில் எடுத்த தேங்காய் பாலை சேர்த்துக் கொதிக்க வைக்க வேண்டும். தேங்காய் பால் வாசம் மாறியதும், எலுமிச்சை சாறு, தேவையான அளவு உப்பு ஆகியவற்றைச் சேர்த்துக் கொதிக்க விடனும்.

பிறகு மற்றொரு பாத்திரத்தை அடுப்பில் வைத்து, அதில் நெய் ஊற்றி உருகியதும், சீரகம், கொத்தமல்லி, கருவேப்பிலை சேர்த்து தாளித்து, குழம்புடன் சேர்த்தால் சுவையான சொதி குழம்பு தயார்.

ஆங்கிலத்தில் STEW என்று சொல்கிறார்களே --அது போலா ?

கேரளத்தில் இது மிகவும் பிரபல்யம். எனது உறவினர் இதை அருமையாக 

சமைத்திடுவார். ம்ம்ம்ம்ம்ம்