வாழ்த்தலாம் இந்திய சுதந்திர தினத்தை.

சுதந்திரம், விடுதலை - இந்த இரண்டு சொற்களுக்கும் இடையே நூலளவே வேறுபாடு. அனால் இவ்விரண்டு சொற்களும் ஒன்று அல்ல.

நாம் இன்று 77வது சுதந்திர தினத்தை கொண்டாடி கொண்டு இருக்கிறோம்.

உண்மையில் நாம் பெற்றது விடுதலை மட்டுமே சுதந்திரம் அல்ல.

நம்மை யாரும் இனியும் அடிமை படுத்திவிட முடியாது என்ற விடுதலை.

பாரத மாதாவின் கரங்களில் இருந்த விலங்குகள் உடைத்தெறியப்பட்டது. அதில் மாற்று கருத்தே இல்லை.

பல வீரர்களும் தீரர்களும் கசையடிப்பட்டும். செக்கிழுத்தும், சிறைப்பட்டும் உயிர் தியாகம் செய்தும் இந்த விடுதலை வேள்விக்கு வித்திட்டனர். விளைவு ஆங்கிலேய பீரங்கி படைகள் அகிம்சை போராட்டத்தின் முன்நிற்க முடியாமல் புறமுதுகிட்டு  ஓடியது.

ஆனால்

சுதந்திரம்?

இங்கேதான் நாம் கொஞ்சம் ஆழ்ந்து சிந்திக்க வேண்டும்.

தனிமனிதன் ஆகட்டும், ஒரு தேசமாகட்டும் எப்போது சுதந்திரம் அடையும்?

பிறர் தயவு இல்லாமல் இயங்கும்போது. சுருங்க சொன்னால் தன் நிறைவு பெரும் போது.

நாம் அத்தகைய தன்னிறைவை பெற்று விட்டோமா?

ஒரு சின்ன உதாரணம் சொல்கிறேன் கேளுங்கள்.

உலக பணக்கார நாடுகளின் பட்டியலில் டென்மார்க் 9வது இடத்தில் உள்ளது.

இந்த நிலையை அது பிறர் தயவு இன்றி எட்டியுள்ளது. தற்சார்ப்பு பொருளாதாரத்தின் மூலமாக மட்டும்.

அந்த நாட்டின் வளம் "பால்வளம்".  பெரும் பகுதி வருமானம் தரும் தொழில்.

அந்நாட்டு தலைவர்கள் அதை உணர்ந்து இருந்தனர். அதை கொண்டே தன் நாட்டை முன்னேற்ற முடியும் என்று நம்பினர்.

விளைவு இன்று இந்த இடத்துக்கு அது முன்னேறியுள்ளது. இந்த முன்னேற்றத்தை யாரும் தட்டி பறிக்க முடியாது. நான் சொல்ல வருவது தரவரிசை மாறலாம் அனால் வெற்றி நிரந்தரமானது.

இப்போது நம் நாட்டுக்கு வருவோம்.

நம் நாட்டின் முதுகெலும்பு எது?

ஆம் விவசாயம்.

அனால் அந்த விவசாயிகள் படும் பாடு சொல்லில் அடங்காது?

தக்காளி விலை 20 என்றாலும் 200 என்றாலும் அதன் பலன் அவர்களுக்கு கிடைப்பதில்லை மாறாக இடை தரகர்களுக்கு  தான் செல்கிறது.

விவசாய மக்கள் படும் துயரம் செங்கோட்டையின் செவிகளில் மட்டுமல்ல செயின்ட் ஜார்ஜ் கோட்டையின் செவிகளில் கூட விழுவது இல்லை.

இந்த நிலை மாற வேண்டும்.

அது மாறினால் மட்டுமே உண்மையான சுதந்திரத்தை அடைய முடியும்.

நடுநடுவே வரும் ஆங்கில இடைச்சொருகல்களை தவிர்க்கலாமே.

ஈகரை தமிழ் களஞ்சியம் தமிழுக்காக ஆரம்பிக்கப்பட்ட பதிவேடு

@coderthiyagarajan1980

சரி ஐயா நீக்கி விடுகிறேன்

அனைவருக்கும் சுதந்திர தின நல்வாழ்த்துகள்!

”பல வீரர்களும் தீரர்களும் கசையடிப்பட்டும். செக்கிழுத்தும், சிறைப்பட்டும் உயிர் தியாகம் செய்தும் இந்த விடுதலை வேள்விக்கு வித்திட்டனர். விளைவு ஆங்கிலேய பீரங்கி படைகள் அகிம்சை போராட்டத்தின் முன்நிற்க முடியாமல் புறமுதுகிட்டு ஓடியது.”

”விவசாய மக்கள் படும் துயரம் செங்கோட்டையின் செவிகளில் மட்டுமல்ல செயின்ட் ஜார்ஜ் கோட்டையின் செவிகளில் கூட விழுவது இல்லை.”
- சூப்பர் coderthiyagarajan1980 !