ஆடி திருவாதிரை - இராஜேந்திர சோழர் பிறந்த தினம்

"அருள்மொழிவர்மன்" என்ற இயற்பெயரை உடைய இராஜராஜச்சோழரின் வெற்றிகளை மிஞ்சும் வெற்றியைப் படைத்த இராஜேந்திர சோழரின் அவதார தினம் இன்று. "தந்தையை மிஞ்சிய தனயன்" என்ற சிறப்பு இவரையே சாரும். நாடாளும் மன்னர்கள் எல்லாம் திருமாலின் அம்சமே என்பது தமிழர் மரபு. ஆனால் உண்மையாகவே மகாவிஷ்ணுவின் அம்சமோ என நினைக்கும்படி அவதரித்தவர் இராஜேந்திரசோழன் எனலாம்.

தந்தையைப் போலவே மிகச் சிறந்தச் சிவபக்தரான இராஜேந்திர சோழன் கங்கை வரை சென்று #கங்கைகொண்டான் என்ற பெயரையும் #கங்கை_கொண்ட_சோழபுரம் என்ற நகரையும், ஆலயத்தையும் உருவாக்கிய மகிமையை உடையவர். மிகப்பெரிய கடற்படையைக் கொண்டு கடல் கடந்தத் தேசங்களையும் வென்று, தன் ஆட்சியை அயல்நாடுகளிலும் நிலை நிறுத்திய முதல் மன்னர் இவரே.

இலங்கை, சுமத்ரா, கடாரம், மலேசியா, ஶ்ரீவிஜயம், கம்போடியா, வங்கதேசம், ஆகிய தேசங்களையும் வென்ற வீராதி வீரர். இவரது தந்தையின் ஆட்சியில் இவர் இளவரசராக இருந்த போதே பல போர்களை முன்நின்று நடத்திய வீராதி வீரராவார்.

இராஜராஜ சோழரின் ஆட்சிக் காலத்தில் நடைபெற்ற வேங்கி மற்றும் கலிங்கப் போர்களில் இராஜேந்திர சோழரே, தந்தையின் படைகளுக்குப் பொறுப்பேற்று மாபெரும் வெற்றியை அடைந்தார்.

வேங்கி, கங்கை மண்டலங்களுக்கு மகா தண்ட நாயகனாக அமர்த்தப்பட்டார் இராஜேந்திர சோழர்.

"பஞ்சவன் மாராயன்' என்ற பட்டமும், "'மும்முடிச் சோழனின் களிறு" என்ற சிறப்புப் பட்டமும் பெற்றிருந்தார் இராஜேந்திர சோழர். கொங்கணம், துளுவம் முதலான நாடுகளை வென்றதோடு, சேரர், பாண்டியர், இராஷ்டிரகூடர்களையும் வென்றவர்.

தனது வலிமையால் எதிரிகள் அனைவரையும் அடக்கி நாட்டில் பேரமைதியை நிலைநாட்டிப் பொற்கால ஆட்சியை மக்களுக்கு வழங்கியவ சக்ரவர்த்தி இராஜேந்திர சோழர்.

அகண்ட பாரதத்தை விட அதிக நிலப்பரப்பை ஆண்ட ஏக சக்கரவர்த்தி இராஜேந்திர சோழர். தனது தந்தை இராஜராஜ சோழரை விடவும் மாவீரர் இராஜேந்திர சோழர்.

கடல் கடந்து அயல்நாடுகளையும் வென்ற முதல் இந்திய சக்ரவர்த்தி இரஜேந்திர சோழரே.

ஆடி மாதத்தில், சிவபெருமானுக்கு உகந்த திருவாதிரை நட்சத்திரத்தில் அவதரித்தவர் இராஜேந்திர சோழ சக்கரவர்த்தி. ஆனால் மார்கழி மாத திருவாதிரை என்றும் சில கூறுவதுண்டு.

மாபெரும் சிவபக்தரான இராஜேந்திர சோழ சக்ரவர்த்தி கங்கைகொண்ட சோழபுரத்தில் மட்டுமல்லாது, பாரதத்தில் வாயுபகவானுக்கு முக்கியத்துவமான ஒரே கோயிலான, ஆந்திராவின் சித்தூர் மாவட்டத்தில் அமைந்துள்ள *காளஹஸ்தி சிவாலயத்தையும் கட்டினார்.

தமிழர்கள் அனைவரும் கொண்டாட வேண்டிய மாபெரும் சக்கரவர்த்தியான இராஜேந்திர சோழரின் பிறந்தநாளை நினைவு கூருதல் உண்மையான தமிழர்களின் தலையாயக் கடமையாகும்.