அருந்ததியர் - மலம் அள்ளும் மைனாரிட்டி சமூகம் - தி.மு.க - எம்.பி. ராஜா

அருந்ததியர் சமுதாய மக்களை, 'மலம் அள்ளும் மைனாரிட்டி சமூகம்' என, நீலகிரி தொகுதி தி.மு.க., - எம்.பி., ராஜா பேசியதற்கு எதிராக, தமிழகம் முழுதும் போராட்டம் வெடித்துள்ளது.

திருச்சியில், தி.மு.க., பூத் ஏஜன்ட்களுக்கான பயிற்சிப் பாசறை கூட்டம், கடந்த வாரம் நடந்தது. அந்தக் கூட்டத்தில், நீலகிரி எம்.பி., ஆ.ராஜா பேசுகையில், அருந்ததியர் சமுதாய மக்களை மலம் அள்ளும் மைனாரிட்டி சமுதாயம் என்றார்.

மேலும், 'அவர்கள் ஓட்டுப்போட்டு யாரும் ஜெயிக்கப் போவதில்லை. அவர்களுக்கும் கருணாநிதி, 3 சதவீத உள் ஒதுக்கீடு கொடுத்தார்' என்றார்.

இதைச் சொல்லி விட்டு, 'அவர்களை குறைத்து மதிப்பிடவில்லை' என்றும் பேசி, மன்னிப்பு கேட்பது போல பேசினார்.

ஆயினும் இந்த பேச்சு, அருந்ததியர் சமுதாய மக்களை, கடும் கொந்தளிப்புக்கு உள்ளாக்கியுள்ளது.

அவரின் பேச்சுக்கு ராஜா மன்னிப்பு கேட்க வேண்டுமென்று கூறி, அவருக்கு எதிராக தமிழகம் முழுதும், போராட்டங்கள் அறிவிக்கப்பட்டுள்ளன.

உள் ஒதுக்கீடு

கோவை, திருப்பூர் மாவட்டங்களைச் சேர்ந்த, அருந்ததியர் மக்களின் சார்பில், அவினாசியில், வரும் 7ம் தேதி, ஆதித் தமிழர் முன்னேற்றக் கழகம் என்ற அமைப்பு, ஆர்ப்பாட்டம் அறிவித்துள்ளது.

இதே போல, ஈரோட்டில் வடிவேல் ராமனின் சமூக நீதிக் கட்சியும், மதுரையில் புரட்சிப் புலிகள் என்ற அமைப்பும், ராஜாவைக் கண்டித்து போராட்டங்களை நடத்தவுள்ளன.

அருந்ததியர் சமுதாய அமைப்புகளின் நிர்வாகிகள் சிலர் கூறியதாவது:

தமிழகத்தில் அருந்ததியர் சமுதாயத்துக்கு, 60 லட்சம் ஓட்டுக்கள் உள்ளன. இந்த சமுதாயத்தின் மீது, தனிப்பட்ட முறையில் அக்கறை கொண்டு தான், முன்னாள் முதல்வர் கருணாநிதி, நீதிபதி ஜனார்த்தனன் தலைமையில் கமிட்டி அமைத்து, அருந்ததியருக்கு 3 சதவீதம் உள் ஒதுக்கீடு கொடுத்தார்.

ஆனால் ஸ்டாலின் தலைமையிலான தி.மு.க., ஆட்சியில், அருந்ததியர் சமுதாய மக்கள் திட்டமிட்டு புறக்கணிக்கப்படுகின்றனர். துாய்மைப் பணியாளர் நல வாரியம் உள்ளிட்ட எந்த வாரியத்திலும், அரசு சார்பு அமைப்புகளிலும், அருந்ததியர் மக்களை நியமிக்க மறுக்கும் நிலை தொடர்கிறது.

வெட்கக்கேடு

அதன் உச்சமாக இப்போது, எம்.பி., ராஜா, எங்கள் சமுதாயத்தை இழிவாகப் பேசியுள்ளார். இதை கேட்டு, தி.மு.க.,வில் இருக்கும் அருந்ததியர் இனத்தைச் சேர்ந்தவர்கள் அமைதி காப்பது, மிகவும் வெட்கக்கேடு.

அவர்கள் கேட்காவிட்டா லும், அவர் மன்னிப்பு கேட்கும் வரை, அருந்ததியர் சமுதாய அமைப்பினர் அனைவரும் இணைந்து போராடுவோம். அவரை மன்னிப்பு கேட்கச் சொல்ல வேண்டியது, முதல்வரின் முக்கியப் பொறுப்பு.

இவ்வாறு அவர்கள் தெரிவித்தனர்.

T.N.Balasubramanian wrote:முதல் மந்திரி பதிவை நீக்கியதற்கு காரணம் கேட்கும் கனிமொழி அவர்கள்
இதற்கு என்ன பதில் சொல்லுவார்? ராஜாவை காரணம் கேட்ப்பாரா?

கனிமொழி பிடுங்கும் ஆணி எல்லாமே தேவையில்லாத ஆணிதான்...