கிராம்பும் அதன் பலன்களும்

**T.N.Balasubramanian** · **T.N.Balasubramanian** Fri Jul 28, 2023 6:54 pm

ஆயுர்வேதத்தில் பல நூறு ஆண்டுகளாக கிராம்பு மருந்தாகப் பயன்படுத்தப்படுகிறது. வயிறு வலி. பல் வலி. தொண்டை வலி என உடலில் ஏற்படும் பல்வேறு வகையான வலிகளுக்கு இந்த கிராம்பு மிகச்சிறந்த வலி நிவாரணியாகச் செயல்படுகிறது. அவை தவிர கீழ்வரும் பல ஆரோக்கிய பிரச்சினைகளைத் தீர்க்க கிராம்பு பயன்படுத்தப்படுகிறது.

கிராம்பும் அதன் பலன்களும் Samayam-tamil-102206406

கிராம்பில் கீழ்வரும் ஊட்டச்சத்துக்கள் அடங்கியிருக்கின்றன.
வைட்டமின் ஏ,
வைட்டமின் ஈ,
ஃபோலேட்,
ரிபோஃப்ளவின்,
வைட்டமின் சி,
தையமின்,
வைட்டமின் டி
ஆகியவற்றோடு ஆன்டி இன்ஃபிளமேட்டரி மற்றும் ஆன்டி பாக்டீரியல் பண்புகள் நிறைந்திருக்கின்றன.
clove benefits

எப்படி சாப்பிட வேண்டும்?

சிலர் பொடியாக அரைத்து வைத்துக் கொண்டு அந்த பொடியை எடுத்து வெதுவெதுப்பான நீரில் கலந்து எடுத்துக் கொள்வார்கள்.

ஆனால் கிராம்பை அப்படியே வாயில் போட்டு லேசாக சுவைத்து ஈரமாக்கி நன்கு மென்று சிறிது சிறிதாக சலைவாய் வழியே முழுவதுமாக சாப்பிட்ட பிறகு ஒரு டம்ளர் வெதுவெதுப்பான நீரை குடித்து விட்டு தூங்க வேண்டும். இதுதான் கிராம்பு சாப்பிடுவதற்கான மிகச்சிறந்த முறையாகும்.

இரவில் கிராம்பு சாப்பிடுவதன் பயன்கள்
இரவில் தூங்கச் செல்லும்முன் கிராம்பு சாப்பிடுவதால் அசிடிட்டி, டயேரியா, மலச்சிக்கல் உள்ளிட்ட பிரச்சினைகள் தீருவதோடு ஜீரண மண்டலத்தின் செயல்பாட்டையும் அதிகரிக்க உதவி செய்யும்.
இதிலுள்ள ஒருவகை சாலிசிலேட், ஆன்டி ஆக்சிடண்ட்டுகள் மற்றும் ஆன்டி பாக்டீரியல் பண்புகள் பருக்கள் வராமல் தடுக்க உதவி செய்யும்.
பல் வலி மற்றும் பற்களில் உள்ள புழுக்கள் வெளியேறுவதற்கு கிராம்பும் கிராம் பு எண்ணெயும் உதவி செய்யும்.

clove with hot water before bed
இரவில் கிராம்பு சாப்பிடும்போது வாயில் உள்ள பாக்டீரியாக்களை அழித்து வாய் துர்நாற்றம் ஆகியவற்றைச் சரிசெய்யும்.
தொண்டை வலியைக் குறைக்க உதவி செய்யும்.

கை, கால்களில் உள்ள நரம்புகள் சிலருக்கு இழுப்பு பிடிப்பது போல இருக்கும். அவர்கள் தினமும் தூங்கச் செல்லும்முன் கிராம்பு சாப்பிட்டுவிட்டு வெதுவெதுப்பான நீரைக் குடித்து வர சல நாட்களில் இந்த பிரச்சினை தீரும்.

இருமல், சளி, தொண்டையில் ஏற்படும் அழற்சி, வைரஸ் தொற்றுக்கள், சைனஸ், ஆஸ்துமா ஆகிய பிரச்சினைகளைத் தீர்க்க உதவி செய்யும்.

தினமும் இரவில் கிராம்பு சாப்பிட்டு வந்தால் எவ்வளவு பலவீனமான நோயெதிர்ப்பு ஆற்றலும் பலமடையும்.

நன்றி சமயம்

**சிவா** · **சிவா** Fri Jul 28, 2023 7:43 pm

Code:: கிராம்பை அப்படியே வாயில் போட்டு லேசாக சுவைத்து ஈரமாக்கி நன்கு மென்று சிறிது சிறிதாக சலைவாய் வழியே முழுவதுமாக சாப்பிட்ட பிறகு ஒரு டம்ளர் வெதுவெதுப்பான நீரை குடித்து விட்டு தூங்க வேண்டும். இதுதான் கிராம்பு சாப்பிடுவதற்கான மிகச்சிறந்த முறையாகும்.

பயனுள்ள தகவல் பகிர்ந்தமைக்கு நன்றி...

கிராம்பும் அதன் பலன்களும்

கிராம்பும் அதன் பலன்களும்

Re: கிராம்பும் அதன் பலன்களும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக