வாடகை தரவேண்டாம்.-ஜெர்மனியில்

**T.N.Balasubramanian** · **T.N.Balasubramanian** Tue May 18, 2021 9:02 pm

இந்த வைரஸ் சகாப்தத்தில் ஒரு வருடத்திற்கு
நீங்கள் குடி இருக்கும் வீட்டிற்கு வாடகை தரவேண்டாம்.
வீட்டின் சொந்தக்காரர் உங்களை "வீட்டை காலி செய்" என
சொல்லமுடியாதாம் .உண்மையா?
ஜெர்மனியில் வந்துள்ள அரசின் சட்டமாமே!

Guest · Guest Tue May 18, 2021 9:50 pm

முற்றிலும் உண்மை அல்ல. சென்ற வருடம் ஏப்ரல் முதல் ஜூன் வரை உள்ள காலம் அதிக கொரொனா தொற்று உள்ள காலம் என அறிவிக்கப்பட்டு, அந்தக் காலத்தில் பகுதி நேரம் வேலை பார்ப்பவர்கள் மற்றும் அரச உதவி பெற்று வாழ்க்கை நடத்துபவர்களும் வாடகை செலுத்த முடியாமல் போனால், அவர்களை வாடகை செலுத்தாத காரணத்திற்காக வீட்டில் இருந்து வெளியேற்ற முடியாது.கொரொனா முடிவுக்கு வராத நிலையில் அந்தச் சட்டத்தை இந்த வருடமும் நீடிக்க வேண்டும் என கேட்டுக் கொண்டிருக்கிறார்கள்.

அப்படி வாடகை செலுத்தாமல் விட்டவர்கள் ,கொடுக்க முடியாமல் போன வாடகைப் பணத்தை கொரொனா தொற்று முடிந்த பின்னர்,அதாவது 30 ஜூன் 2022 ற்கு முன்னர் முழுவதையும் செலுத்தியாக வேண்டும்.

பல சிறிய தொழில் நிலையங்கள் மூடப்பட்டதால் இந்தச் சட்டம் கொண்டு வரப்பட்டது.வாடகை செலுத்த வேண்டியதில்லை என்பது தவறு.எப்படியோ பின்னர் முழுவதையும் வட்டியுடன் கட்டியாக வேண்டும்.அத்துடன் அவரால் வாடகை கட்ட முடியவில்லை என்பதற்கு சான்றிதழ்/கடிதம் போன்ற நம்பகமான ஆதாரம் கொடுக்க வேண்டும்.வாடகை தராத காரணத்தை மட்டும் வைத்து ஒருவரை வெளியேற்ற முடியாது.

ஏற்கனவே நடைமுறையில் உள்ள சட்டம் குடியிருப்பவர் காலி செய்ய 3 மாத அறிவிப்பும்,வீட்டு சொந்தக்காரர் 9 மாத அவகாசமும் காலி செய்யக் கொடுக்க வேண்டும்.